2019-njy ýyl­da BAE-de ge­çi­ril­jek Azi­ýa Ku­bo­gy ýa­ry­şy­nyň saý­la­ma tap­gy­ryn­da Türk­me­nis­ta­nyň ýy­gyn­dy­sy no­bat­da­ky du­şu­şy­gyn­da ýe­ňiş ga­zan­dy. “E” to­par­ça­da çy­kyş ed­ýän il­deş­le­ri­miz Aş­ga­bat şä­he­rin­dä­ki “Kö­pet­dag” sta­dio­nyn­da oý­na­lan oýun­da Sin­ga­pu­ryň mil­li to­pa­ry­ny 2–1 ha­sa­byn­da ýeň­li­şe se­ze­war edip, BAE 2019-a gat­naş­mak ug­run­da uly müm­kin­çi­li­ge eýe bol­dy. Gon­kong­ly Ng Çiu Ko­kuň jür­le­wük ça­lan oý­nu­na 15500 jan­kö­ýer to­ma­şa et­di. Tu­ruw­baş­dan il­deş­le­ri­miz hü­jüm oý­nu­ny gör­kez­di. 18-nji mi­nut­da çep gap­dal­dan ge­çi­ri­len hü­jüm­de türk­men fut­bol­çy­la­ry ha­sa­by aç­dy. Al­ty­my­rat An­na­dur­dy­ýe­wiň je­ri­me meý­dan­ça­sy­na ge­çi­ren to­pu­ny Wa­hyt Oraz­sä­he­dow bat­ly ur­gy bi­len der­we­zä gi­riz­di. Şon­dan so­ňam il­deş­le­ri­miziň hü­jü­mi az bol­ma­dy. Oý­nuň 27-nji mi­nu­tyn­da myh­man­lar az sa­n­ly hü­jüm­le­ri­niň bi­ri­nde ha­sa­by deň­le­­di. Şol pur­sat­da pök­gi­ni Ir­fan Fan­di öz ady­na ýaz­dyr­dy. 1-nji ýa­ry­myň galan wagtyn­da ha­sap üýt­ge­me­di we oýun­çy­lar ara­kes­mä 1–1 deň­lik­de çyk­dy­lar. 2-nji ýa­ry­myň il­kin­ji mi­nut­la­ry­ny to­par­la­ryň iki­si-de or­ta­tap dep­gin­de ge­çir­di. Il­deş­le­ri­miziň hü­jüm­le­ri­ne myh­man­lar gar­şy­lyk­la­ýyn hü­jüm­ler bi­len jo­gap ber­di. Oý­nuň soň­ky pur­sa­ty­na çen­li ruh­dan düş­me­dik türk­men fut­bol­çy­la­ry ýe­ňiş go­ly üçin köp ta­gal­la et­di. Ahy­ryn­da-da oý­nuň 90+3-nji mi­nu­tyn­da ýe­ne-de Wa­hyt Oraz­sä­he­dow, bu ge­zek kel­le­si bi­len to­py der­we­zä gi­ri­zip, Türk­me­nis­ta­nyň mil­li ýy­gyn­dy­sy­na ýe­ňiş ge­tir­di. Şeý­le­lik­de, 2–1 ha­sa­byn­da ýe­ňiş ga­za­nan il­deş­le­ri­miz utu­gy­ny 7-ä çykaryp, 1-nji ha­tar­da­ky Bah­reýn bi­len deň­leş­di. Türk­me­nis­ta­nyň ýy­gyn­dysy Sin­ga­pur bi­len 3-nji ge­zek du­şu­şyp, il­kin­ji sa­par ýeň­di.
To­par­ça­da­ky beý­le­ki du­şu­şyk­da ga­ra­şyl­ma­dyk ýag­daý­da Hy­taý Taý­pe­ýi­niň ýy­gyn­dysy güýç­li gar­şy­da­şy Bah­reýn­den 2–1 ha­sa­byn­da üs­tün çyk­dy. Hytaý taýpeýliler 17-nji mi­nut­da Is­ma­il Ab­dul­la­ti­fiň pe­nal­ti­den ge­çi­ren go­ly bi­len öňe saý­la­nan bah­reýn­li­le­riň to­run­dan ýe­ňiş pök­gü­le­rini iň soň­ky mi­nut­lar­da gi­riz­di. Ýag­ny 90-njy we 90+2-nji mi­nut­lar­da degişlilikde, Po-li­an Çen bi­len En-le Çu ta­pa­wut­la­nyp, taý­peý­li­le­re ýe­ňiş ge­tir­di. Bu ýe­ňiş­den soň, Hy­taý Taý­pe­ýi-de utu­gy­ny 6-a çykardy we BAE 2019-a gat­naş­mak ug­run­daky mümkinçiligini artdyrdy.
Türk­me­nis­ta­nyň milli ýy­gyn­dy­sy in­di­ki tap­gyr­da Aş­ga­bat­da Hy­taý Taý­pe­ýi­niň to­pa­ry­ny ka­bul eder. 14-nji no­ýabr­da bol­jak bu oýun­da il­deş­le­ri­miz ýe­ňiş ga­za­nan ýag­da­ýyn­da fi­nal tap­gy­ry­na çyk­ma­ga hu­kuk ga­za­nar.
“D” to­par­çada­ Bu­tan­dan 10–0 ha­sa­byn­da üs­tün çy­kan Pa­les­ti­na bi­len myh­man­çy­lyk­da Mal­diw­le­ri 3–1 ýe­ňen Oma­nyň mil­li ýy­gyn­dy­la­ry BAE 2019-a gat­naş­ma­ga hu­kuk ga­zan­dy. Edil şo­nuň ýa­ly, “A” toparçada-da Hin­dis­tan hem öz meý­dan­ça­syn­da Ma­kao­ny 4–1 ha­sa­byn­da ýe­ňip, adyny BAE 2019-da çy­kyş etjek toparlaryň hataryna ýazdyrdy.

Gyzykly bolup bilerЕЩЕ ОТ АВТОРА