Ho­wa­yň maý­la­ma­gy, agaç­la­ryň gül­le­me­gi, gül­den gü­le go­nup ýö­ren ke­be­lek­le­riň peý­da bol­ma­gy bi­ze baharyň ge­len­di­gi­ni buş­la­ýar­lar. Bu paslyň gelenini ýatladýan jandarlaryň biri hem garlawaçlardyr. Olar beý­le­ki guş­la­ra ga­ra­nyň­da, ada­ma has ýa­kyn bol­ýar­. Bu guşlar öz hö­würt­ge­le­ri­ni agaç şa­ha­syn­da däl-de, ada­myň ýa­şa­ýan ýe­rin­de ýag­ny öý­le­riň gi­rel­ge­le­rin­de, üçek­le­rin­de ýa­sa­ýar­lar. Garlawaçlar ser­çe­ler to­pa­ryn­dan bo­lup, in­çe­den uzyn gaý­çy­guý­ruk, çalt uç­ýan, pe­te­ke­si we dö­şi ak­ja, guý­ru­gy we ga­nat­la­ry ga­ra bol­ýar.
Garlawaçlar di­ňe ýy­ly pa­syl­lar­da garlawaçlar dün­ýä­niň äh­li ýe­rin­de di­ýen ýa­ly ýa­şa­ýar. Olaryň bo­ýy 10-20 sm tö­we­re­gi bol­ýar. Gö­çeg­çi guş­la­ryň uly bö­le­gi­ni gar­la­waç­lar eme­le ge­tir­ýär. Bu jan­da­ryň 100 tö­we­re­gi gör­nü­şi bo­lup, ola­ryň 80-e go­laý gör­nü­şi do­ly anyk­lan­dy. Hö­würt­ge­le­ri­ni pal­çyk­dan ýa­sa­ýan bu guş­la­ryň aýak­la­ry gys­ga, bar­mak­la­ry uzyn bol­ýar. Bu ýag­daý ola­ryň te­kiz­lik­le­re mäkäm ýa­pyş­ma­gy­na ýar­dam ed­ýär. Çüňk­le­ri inli bo­lan­soň, ot däl-de, uç­ýan mör-mö­jek­le­r bi­len iý­mit­le­nip bil­ýär­ler. Diý­seň çalt uçup bil­ýän bu guş­la­ryň kä­bir gör­nüş­le­ri sü­ri bo­lup, kä­bir­le­ri ýe­ke­lik­de uç­ýar. Uzyn guý­ruk­la­ry be­den­le­ri­ni has aň­sat do­lan­dyr­ma­ga we bir­den aşak­ly­gy­na uç­ma­ga ýar­dam ed­ýär. Ola­ryň hö­würt­ge ýa­sa­mak­da­ky us­sat­ly­gy in­že­ner­çi­lik we bi­na­gär­lik taý­dan diý­seň ýo­ka­ry aý­ra­tyn­lyk­la­ra eýe­dir. Olar öý­le­ri­ni gur­mak üçin egi­lip bil­ýän çöp­le­ri ýö­ri­te saý­lap al­ýar­lar we ga­çy­ba­tal­ga ýa­ly go­rag­ly edip hö­würt­ge ýa­sa­ýar­lar.
De­ňiz­le­riň, köl­le­riň we der­ýa­la­ryň ke­nar­la­ryn­da ýa­şa­ýan gör­nüş­le­ri öz hö­würt­ge­le­ri­ni ýe­riň aşa­gyn­da gur­ýar­lar. Olar ýa­gyş ýa­gan­da hö­würt­ge­si­ne suw gir­mez­ligi üçin dür­li usul­lar­dan peý­da­lan­ýar­lar.
Bu guş­lar bi­ze ho­wa­nyň ýag­da­ýy ba­ra­da hem mag­lu­mat ber­ýär. Ola­ryň pes­saý uç­ma­gy ýa­gşyň ýag­jak­dy­gy­ny ala­mat­lan­dyr­ýar. Gar­la­waç­la­r ho­wa­nyň so­wap baş­la­ma­gy bi­len ýy­ly ýurt­la­ra gö­çüp gid­ýär­ler. Ba­har pas­lyn­da ýe­ne yzy­na do­la­nyp gel­ýär­ler.

Gyzykly bolup bilerЕЩЕ ОТ АВТОРА