Hormatly Prezidentimiziň taý­syz tagallary bilen türkmen hal­ky­nyň gadymyýetden gelýän milli gym­mat­­­lyk­la­ryny dünýä jemgyýetçiligine ýe­­tirmek babatda uly işler alnyp barylýar. Halkymyzyň buý­sanjy bolan ahalteke bedewlerimiziň, alabaý itimiziň, halymyzyň we beýleki milli gymmatlyklarymyzyň giň­den wagyz edil­ýän döwründe Hin­dis­tanda neşir edilýän “Creature Companion” žurnalynyň noýabr aýyndaky sanynda türkmen alabaý iti ba­rada gyzykly makala neşir edilip,  okyjylar köpçüligine ýetirildi.
“Crea­tu­re Com­pa­ni­on” žur­na­lynyň türk­me­n halkynyň gadymy döwürlerden bäri hakyky dosty bolup gelýän ala­baý iti ba­ra­da taýýarlan makalasy okyjylar köpçüliginiň söýgüsini gazandy. Žur­na­lyň sa­ha­by türk­me­niň ala­baý it­le­ri bi­len be­ze­lip, baş ma­ka­la hem ola­ra ba­gyş­lanýar. Ma­ka­la­da ala­baý iti­niň 4000–5000 ýyl ozal el­de­ki­leş­di­ri­len­di­gi ha­bar be­ril­ýär. “Dag­la­ryň sö­we­şi­ji­si: Or­ta Azi­ýa­nyň ço­pa­ny (Ala­baý)” at­ly bu ma­ka­la­da hor­mat­ly Pre­zi­den­ti­mi­ziň Rus­si­ýa Fe­de­ra­si­ýa­sy­nyň Pre­zi­den­ti Wla­di­mir Pu­ti­ne ala­baý iti­ni sow­gat be­ren­di­gi ba­ra­da hem bel­le­nil­ýär. Pa­ram­jit Sinh Dhe­si­niň ýa­zan ma­ka­la­syn­da ala­baý­yň Or­ta azi­ýa­ly­lar üçin uly gym­mat­lykdygy hakda aý­dyl­ýar. Ala­baýyň ýer­li hal­kyň ýa­kyn dos­ty ha­sap­la­nyl­ýan­dy­gy, ola­ryň çy­dam­ly­ly­gy, eýe­si­ne we­pa­ly­ly­gy aý­ra­tyn bel­le­nil­ýär. Ço­pan­la­ryň esa­sy kö­mek­çi­le­ri­di­gi, şeý­le-de ho­ja­lyk­lar­da öý­le­riň sak­çy­la­ry­dy­gy ba­ra­da gi­ňiş­le­ýin gür­rüň be­ril­ýär.
“Crea­tu­re Com­pa­ni­on” at­ly bu žur­nal öý haý­wan­la­ry ba­ra­da bolup, ol her aý­da çyk­ýar. Žur­nal aý­ra­ty­nam öý haý­wan­la­ry­nyň muş­dak­la­ry ta­ra­pyn­dan uly gy­zyk­lan­ma bil­di­ril­ýän ne­şir­le­riň bi­ri bo­lup, on­da it­le­r, pi­şik­le­r, guş­la­r, ba­lyk­la­r we beý­le­ki haý­wan­lar ba­ra­da­ky tä­ze­lik­ler, ma­ka­la­lar, tä­ze açyş­lar yzygiderli oky­jy­la­ra ýe­ti­ril­ýär. Şeý­le-de žur­nal­da öý haý­wan­la­ry­na de­giş­li dür­li en­jam­lar ha­kyn­da hem mag­lu­mat­lar bar.

Gyzykly bolup bilerЕЩЕ ОТ АВТОРА