“Disney” kompaniýasy ozalky animasiýalaryny täzeden janly filme öwürmegini dowam edýär. Nobatdaky film hytaýlylaryň rowaýaty söweşiji zenany barada söhbet açýan, 1998-nji ýylda ekranlaşdyrylan “Mulan” animasiýasy bolar. Golaýda bu iri taslamada hytaýly aktrisa Liu Ýifeýiň baş keşpde – Mulanyň keşbinde çykyş etjekdigi habar berildi. 30 ýaşyndaky aktrisa öň “Gadagan edilen şalyk”, “Hytaýly dul aýal”, “Kesekileşdirilen” ýaly Golliwud-Hytaý şärikdeşliginde taýýarlanan kinolarda surata düşüpdi. “Mulan” atly täze filme Niki Karo režissýorlyk eder.
