Hytaýyň azyk önümleri dükanynyň işgärleri uzynlygy 3 kilometr 84 metre barabar bolan makaron taýýarladylar we bu ugurdaky 548 metr uzynlygyndaky rekordy täzelediler. Bu waka Hytaýyň Henan welaýatynyň Nanýan şäherinde bolup geçdi. Ginnesiň rekordlar kitabynyň agzalary bu ugurdaky rekordy tassykladylar. “Xiangnian Food Co.” kompaniýasynyň işgärlerine bu makarony taýýarlamak üçin 40 kilogram un hem-de 600 gram duz gerek boldy. Aşpezler makarony ýaýmak üçin 17 sagat, ony çyzgyç bilen ölçemek üçin bolsa 3 sagat sarp etdiler. 3 kilometrlik makaronyň agramy 66 kilograma deň boldy.
Makarony taýýarlamak aşpezlere ýeňil düşmedi. Sebäbi ýaýylan hamyry üzmän 3 kilometrelik uzynlyga ýetirip, rekordy goýmak başartdy. Üzülen böleklerini täzeden birleşdirmek gadagandy. Taýýarlanan hem-de ölçenen makarondan 400 adamlyk unaş taýýarlandy. Ol hem kärhananyň işgärlerine, çärä gatnaşan myhmanlara hödür edildi. Bu rekord Hytaýda aý hasabyna görä, 9-njy aýyň 9-njy güni bellenilýän ýaşulular gününe bagyşlandy. Unaş gündogar ýurtlarynda uzak ýaşamagyň nyşany hasaplanýar.