Ta­mam­la­nyp bar­ýan UEFA-nyň klub ýa­ryş­la­ryn­da ýa­rym fi­nal du­şu­şyk­la­ry­nyň 1-nji oýun­la­ry ge­çi­ril­di. Ge­çi­ri­len 4 oýun­da je­mi 6 gol ha­sa­ba al­nyp, 2 bäs­le­şik­de-de fi­na­la çyk­jak­lar jo­gap oýun­la­ryn­dan soň bel­li bo­lar. UEFA Çem­pi­on­lar li­ga­syn­da 4 to­pa­ryň 2-si en­tek ýe­ňi­ji bo­lup gör­män­di. Şo­la­ryň bi­ri bo­lan “Man­çes­ter Si­ti” öz meý­dan­ça­syn­da “Re­al Mad­ri­di” ka­bul et­di. Oýun dart­gyn­ly bol­sa-da, 2 to­pa­ra hem ha­sa­by aç­mak ba­şart­ma­dy. Du­şu­şy­gyň iň ýat­da ga­lan pur­sat­la­ry­nyň bi­rin­de “Rea­lyň” go­rag­çy­sy Pe­pe go­laý ara­lyk­dan to­py der­we­zä dürs urup bil­me­di. Ne­ti­je­de, oýun 0–0 ha­sa­byn­da deň­me-deň gu­tar­dy we is­pan to­pa­ry jo­gap oý­ny üçin az-ow­lak müm­kin­çi­li­ge eýe bol­dy. Oýun­da “Re­al Mad­ri­diň” su­per ýyl­dy­zy Ro­nal­do­nyň şi­ke­si se­bäp­li oý­na­man­dy­gy­ny hem ýat­lad­ýa­rys.
Er­te­si gün­ki du­şu­şyk­da ku­bo­gy alyp gör­me­dik “At­le­ti­ko Mad­rid” öz meý­dan­ça­syn­da “Ba­wa­ri­ýa” bi­len du­şuş­dy. Iki to­pa­ryň mun­dan 42 ýyl ozal, şu ýa­ry­şyň fi­na­lyn­da du­şu­şan­dy­gy­ny bel­lä­si­miz gel­ýär. Şon­da 2 to­par 1–1 ha­sa­byn­da deň­me-deň oý­nap­dy. Şol wagt­ky düz­gü­ne la­ýyk­lyk­da oýun tä­ze­den oý­nal­dy we on­da “Ba­wa­ri­ýa” gar­şy­da­şy­ny 4–0 ha­sa­byn­da utup­dy. Bu ge­zek­ki oý­na ýer eýe­le­ri er­jel­lik bi­len baş­la­dy. Eý­ýäm 11-nji mi­nut­da Sa­ul Ni­gu­ez 3–4 oýun­çy­ny al­dap, owa­dan ur­gy bi­len ha­sa­by aç­dy. Bu du­şu­şyk­da­ky ýe­ke gol bol­dy. Oý­nuň do­wa­myn­da Da­wid Ala­ba­nyň uzak­dan uran ur­gu­sy hem-de Fer­nan­do Tor­re­siň de­pen pök­gü­si sü­tün­den yzy­na gaýt­dy.
Jo­gap oýun­la­ry 2–3-nji maý­da ge­çi­ri­ler. Si­şen­be gü­ni “Ba­wa­ri­ýa”–“At­le­ti­ko”, çar­şen­be gü­ni-de “Re­al Mad­rid”–“Man­çes­ter Si­ti” du­şu­şyk­la­ry oý­na­lar.
UEFA Ýew­ro­pa li­ga­syn­da Çem­pi­on­lar li­ga­sy­na ga­ra­nyň­da, gol­lu­rak geç­di. Ku­bo­gyň soň­ky eýe­si “Se­wil­ýa” myh­man­çy­lyk­da “Şaht­ýor” bi­len du­şuş­dy. Çe­ke­le­şik­li ge­çen oýun 2–2 ha­sa­byn­da deň­lik­de ta­mam­lan­dy. 6-njy mi­nut­da Wi­to­lo bi­len öňe saý­la­nan myh­man­lar 23-nji mi­nut­da Mar­lo­syň, 36-njy mi­nut­da-da Ste­pa­nen­ko­nyň gol­la­ry­na çä­re ta­pyp bil­me­di. Soň­lu­gy bi­len “Şaht­ýor”, aý­ra­ty­nam, 1-nji ýa­rym­da diý­seň şow­ly oýun gör­kez­di. Ýö­ne ola­ra ha­sa­by art­dyr­mak ba­şart­ma­dy. Du­şu­şy­gyň ta­mam­lan­ma­gy­na 8 mi­nut ga­lan­da, Ke­win Ga­mei­ro bel­le­nen pe­nal­ti­ni dürs ýe­ri­ne ýe­ti­rip, to­pa­ry­nyň öýü­ne fi­nal ug­run­da uly müm­kin­çi­lik bi­len do­lan­ma­gy­na sal­dam­ly go­şant goş­dy.
Beý­le­ki ýa­rym fi­nal­da “Wil­lar­re­al” “El Mad­ri­gal­da” “Li­wer­pu­ly” ka­bul et­di. Ta­ry­hy du­şu­şyk­da “Bo­rus­sia­ny” ýe­ňen Ýür­gen Klop­puň şä­girt­le­ri amat­ly pur­sat­lar­dan peý­da­la­nyp bil­me­di. Du­şu­şy­gyň iň soň­ky mi­nut­la­ryn­da, has ta­ky­gy, 90+2-nji mi­nut­da go­rag­çy­la­ryň ýal­ňyş­ly­gy “Li­wer­pul” üçin go­wy bol­ma­dy. De­nis Sua­re­siň pa­sy­ny alan Ad­ri­an Lo­pe­ze to­py boş der­we­zä gi­ri­zäý­mek gal­dy. Soň­ky se­kunt­lar­da ge­len gol iň­lis klu­bu­nyň keý­pi­ni ga­çyr­sa-da, ola­ryň nä­hi­li oýun gör­ke­zip bil­ýän­di­gi­ne, iň bol­man­da çär­ýek fi­nal­da hem­mä­miz to­ma­şa edip­dik. Jo­gap oýun­la­ry 4-nji maý­da, pen­şen­be gü­ni oý­na­lar.

Gyzykly bolup bilerЕЩЕ ОТ АВТОРА