Teh­no­lo­gi­ýa ös­ýär, şol bir­wagt­da dur­mu­şy­myz hem öz­ger­ýär. ABŞ-da her ýyl ge­çi­ril­ýän we dä­be öw­rü­len teh­no­lo­gi­ýa en­jam­la­ry­nyň bü­tin­dün­ýä ser­gi­si dur­mu­şy­my­zyň bar­ha aň­sat­laş­ýan­dy­gy­ny gör­kez­ýär. Şu ýy­lyň 9-12-nji ýan­wa­ry ara­ly­gyn­da Las We­gas şä­he­rin­de ge­çi­ri­len 51-nji “CES 2018” at­ly bü­tin­dün­ýä teh­no­lo­gi­ýa ser­gi­sin­de köp­çü­li­ge gör­ke­zi­len tä­ze teh­no­lo­gi­ýa en­jam­la­ry­nyň ara­syn­da kä­bir­le­ri hem­me­le­ri haý­ran gal­dyr­dy. Ola­ryň ara­syn­da eýe­si­ni yzar­la­ýan çemedan hem bar.
Dün­ýä­niň 150-den gow­rak ýur­dun­dan 4 mü­ňe go­laý kom­pa­ni­ýa­nyň gat­naş­an bü­tin­dün­ýä ser­gi­sin­de elekt­rik to­gy bi­len iş­le­ýän aw­tou­lag­lar, wo­do­rod bi­len iş­le­ýän ulag­lar, “akyl­ly” teh­no­lo­gik en­jam­lar, “su­per” te­le­wi­zor­lar, te­le­fon­lar, uç­ýan tak­si­ler we beý­le­ki­ler ta­nyş­dy­ryl­dy.
Sarp edil­ýän elekt­ro­ni­ka en­jam­la­ry­nyň hal­ka­ra ser­gi­sin­de Hy­ta­ýyň “For­wardX” kom­pa­ni­ýa­sy­nyň iş­läp dü­zen “akyl­ly” çemedany adam­la­ry uly zäh­met­den ha­las ed­ýär. Mun­dan beý­läk da­şa­ry ýurt­la­ra ge­ze­lenç ede­ni­ňiz­de ýa-da bir ýer­den baş­ga ýe­re gi­de­ni­ňiz­de ýük gö­ter­mek si­ze kyn­çy­lyk dö­ret­mez. Se­bä­bi hy­taý­ly hü­när­men­le­riň ön­dü­ren çemedanynyň özi he­re­ket ed­ýär. Si­ziň ony gö­ter­mek mej­bur­ly­gy­ňyz ýok, ol ýer­leş­di­ri­len elekt­rik­li he­re­ket­len­di­ri­ji­si ar­ka­ly si­ziň yzy­ňyz­dan ge­ler. “CX-1” diý­lip at­lan­dy­ry­lan çemedan ka­me­ra hem-de sen­sor ýer­leş­di­ril­di. Adam­la­ryň köp ýe­rin­de bol­sa­ňyz hem çemedan si­zi tap­ýar. Il­ki bi­len, siz çemedana ýü­zü­ňi­zi ta­natmaly. Soň­ra ol si­zi ta­nap, yzy­ňyz­dan aý­ryl­ma­ýar. Ýüküňiz ýi­ten ýa-da ogur­la­nan ha­la­tyn­da si­ziň bi­le­gi­ňiz­dä­ki en­ja­ma sig­nal gel­ýär. Çemedanyň ba­ta­re­ýa­sy­nyň do­wam­ly­ly­gy 4 sa­gat­dan yba­rat. Şeý­le hem çemedana ýer­leş­di­ri­len en­jam­lar ar­ka­ly siz ze­rur­lyk bo­lan ha­la­tyn­da, te­le­fo­ny­ňy­zy hem zar­ýa­da go­ýup bi­ler­si­ňiz.
Dur­mu­şy­my­zy ýe­ňil­leş­dir­ýän şeý­le çemedan bi­len bir ha­tar­da, hal­ka­ra ser­gi­sin­de baş­ga-da bir­nä­çe gy­zyk­ly en­jam­lar ta­nyş­dy­ryl­dy. Ola­ryň ha­ta­ryn­da “Bell” kom­pa­ni­ýa­sy­nyň uç­ýan “He­licop­ter Textron” tak­si­si, “So­ny” şe­re­ke­ti­niň eýe­le­ri­ni ta­na­ýan “Aibo” at­ly ro­bot iti, “FF91 Fa­ra­day Fu­tu­re” at­ly elekt­rik to­gy bi­len iş­le­ýän ulag, öýü­ňi­zi aras­sa­la­ýan we siz ýok wag­ty­ňyz öýü­ňi­ze göz-gu­lak bol­ýan “Aeo­lus” ro­bo­ty, “Sam­sung” kom­pa­ni­ýa­sy­nyň 145 inç ulu­ly­gyn­da­ky te­le­wi­zo­ry, HTC fir­ma­sy­nyň hy­ýa­ly oýun äý­ne­gi, “Toyo­ta” şe­re­ke­ti­niň daş­ky keş­bi bo­ýun­ça üns çek­ýän “e-Pa­let­te” ýük ula­gy, “Hi­sen­se” fir­ma­sy­nyň ba­ha­sy 10 müň dol­la­ra ba­ra­bar bo­lan la­zer te­le­wi­zo­ry, “So­ny” kom­pa­ni­ýa­sy­nyň “So­ny Xpe­ria X2 Ult­ra” tä­ze te­le­fo­ny, “Hy­un­dai”-iň wo­do­rod bi­len iş­le­ýän ula­gy, “Acer” fir­ma­sy­nyň 9 mil­li­metr ga­lyň­ly­gyn­da­ky ýu­ka no­ut­bu­gy, ses ar­ka­ly açy­lyp-ýa­pyl­ýan suw kra­ny ýa­ly teh­no­lo­gik en­jam­lar bar.
Bü­tin­dün­ýä “CES” ser­gi­si­niň ýa­rym asyr­lyk ta­ry­hy bar. 1967-nji ýyl­da il­kin­ji ge­zek ge­çi­ri­len bu fo­rum­da 700 müň ha­ryt ta­nyş­dy­ry­lyp­dy. 1970-nji ýyl­da bu ser­gi­de wi­deo­kas­se­ta, 1996-njy ýyl­da DVD ýa­ly elekt­ro­ni­ka en­jam­la­ry il­kin­ji ge­zek gör­ke­zil­di. Soň­lu­gy bi­len no­ut­buk­lar, te­le­fon­lar, 3D prin­ter­ler hem-de “akyl­ly” elekt­ro­ni­ka en­jam­la­ry bu ser­gi­de gör­ke­zil­ýän hem-de ta­nyş­dy­ryl­ýan esa­sy ha­ryt­lar bol­dy.

Gyzykly bolup bilerЕЩЕ ОТ АВТОРА