Hor­mat­ly Pre­zi­den­ti­mi­ziň baş­tu­tan­ly­gyn­da “Türk­me­nis­tan – Be­ýik Ýü­pek ýo­lu­nyň ýü­re­gi” ýy­ly hem Ber­ka­rar döw­le­ti­mi­ziň bag­ty­ýar­lyk döw­rü­niň ýyl ýaz­gy­syn­da ýat­dan çyk­ma­jak wa­ka­lar bi­len he­mi­şe­lik orun alar. Üs­tü­miz­dä­ki ýyl Be­ýik Ýü­pek ýo­lu­nyň esa­sy çat­ry­gyn­da ýer­leş­ýän Türk­me­nis­tan döw­le­ti­mi­ziň öz­bo­luş­ly aý­ra­tyn­lyk­la­ry­ny, ta­ry­hy­ny, me­de­ni­ýe­ti­ni hem-de me­de­ni gym­mat­lyk­la­ry­ny wa­gyz et­mek ba­bat­da aý­ra­tyn äh­mi­ýe­te eýe bo­lar.
Ýur­du­my­zyň baý ta­ry­hy­ny we me­de­ni­ýe­ti­ni wa­gyz et­mek­de şu ýy­lyň do­wa­myn­da ge­çi­ril­jek iri we hal­ka­ra de­re­je­sin­dä­ki sport ýa­ryş­la­ry hem öz sal­dam­ly go­şan­dy­ny go­şar. Mä­lim bol­şy ýa­ly, mil­li Li­de­ri­miz Be­ýik Ýü­pek ýo­lu­nyň ug­ry bo­ýun­ça – Amul­dan Ha­za­ra çen­li hal­ka­ra aw­to­ral­li­si­ni gu­ra­mak pi­ki­ri­ni öňe sür­di.
Şu ýy­lyň 12-nji ýan­wa­ryn­da hor­mat­ly Pre­zi­den­ti­miz mu­nuň bi­len bag­la­ny­şyk­ly örän mö­hüm Ka­ra­ra gol çek­di. Şol res­mi­na­ma la­ýyk­lyk­da, , “Amul-Ha­zar 2018” at­ly hal­ka­ra aw­to­ral­li, we­lo­si­ped we yl­gaw ýa­ryş­la­ry­ny ge­çir­mek bo­ýun­ça gu­ra­ma­çy­lyk to­pa­ry dö­re­dil­di hem-de onuň dü­zü­mi tas­syk­la­nyl­dy. Bu hal­ka­ra ýa­ryş­lar Be­ýik Ýü­pek ýo­lu­nyň ta­ry­hy we döw­re­bap äh­mi­ýe­ti­ni, ýur­du­my­zyň ar­heo­lo­gik hem-de me­de­ni-ta­ry­hy ýa­dy­gär­lik­le­ri­ni, me­de­ni mi­ra­sy­my­zyň we mad­dy gym­mat­lyk­la­ry­my­zyň ta­ry­hy äh­mi­ýe­ti­ni hem-de be­den­ter­bi­ýä­ni we spor­ty wa­gyz et­mek, jem­gy­ýe­ti­miz­de sag­dyn dur­muş ýö­rel­ge­le­ri­ni iş­jeň or­naş­dyr­mak, ösüp gel­ýän ýaş nes­li sport bi­len meş­gul­lan­ma­ga giň­den çek­mek, şeý­le hem ýur­du­my­zyň hal­ka­ra sport ab­ra­ýy­ny has-da be­len­de gö­ter­mä­ge uly müm­kin­çi­lik açar.
Da­şa­ry ýurt­lar­dan ral­lä gat­naş­jak­lar di­ňe bir türk­men hal­ky­nyň mi­ra­sy bi­len ta­nyş­mak bi­len çäk­len­män, eý­sem, düýp­li dur­muş-yk­dy­sa­dy öz­gert­me­ler, yl­my-teh­ni­ki ösüş hem-de ýur­du­my­zyň se­bit­le­ri­niň se­na­gat taý­dan ösü­şi bi­len bu meş­hur ýer­le­re gel­ýän tä­ze dur­mu­şy hem gö­rüp bi­ler­ler. Ýur­du­myz hä­zir­ki dö­wür­de Be­ýik Ýü­pek ýo­lu­nyň mö­hüm ulag ul­ga­my hök­mün­dä­ki or­nu­ny ber­kid­ýär.
Eger bir­ma­hal­lar bu ýer­den gül­läp ös­ýän şä­her­le­riň ara­syn­da ýer­le­şen çä­ge­lik­le­riň üs­tün­den ker­wen ýol­la­ry ge­çen bol­sa, hä­zir­ki wagt­da bu ýer­de aja­ýyp aw­tou­lag ýol­la­ry hem-de döw­re­bap de­mir ýol­lar çe­kil­di. Bu­la­ryň äh­li­si aja­ýyp te­bi­gy land­şaft­lar bi­len bir­lik­de sy­ýa­hat­çy­la­ra Be­ýik Ýü­pek ýo­lu­nyň geç­mi­şi we hä­zir­ki gü­ni bi­len ýa­kyn­dan ta­nyş­ma­ga aja­ýyp müm­kin­çi­lik be­rer.
Türk­me­nis­tan döw­le­ti­miz iri we hal­ka­ra de­re­je­sin­dä­ki sport ýa­ryş­la­ry­ny ýo­ka­ry gu­ra­ma­çy­lyk ýag­da­ýyn­da ge­çir­mek ba­bat­da özü­niň müm­kin­çi­lik­le­ri­ni tu­tuş dün­ýä gör­kez­di. Mä­lim bol­şy ýa­ly, ge­çen ýy­lyň sent­ýabr aýy tu­tuş Azi­ýa ga­ly­ber­se-de tu­tuş dün­ýä sport jem­gy­ýet­çi­li­gi­niň üns mer­ke­zi­ne öw­rü­len ýurt bu bi­ziň ata Wa­ta­ny­myz eziz Türk­me­nis­tan bol­dy. Mil­li Li­de­ri­mi­ziň pa­ra­sat­ly ýol­baş­çy­ly­gyn­da paý­tag­ty­myz­da ge­çi­ri­len Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry türk­men spor­tu­ny dün­ýä ýaň sa­lan esa­sy wa­ka­la­ryň bi­ri bol­mak bi­len çäk­len­män, eý­sem, ýur­du­my­zyň sport ab­ra­ýy­ny has-da be­len­de gal­dyr­dy.
Türk­me­nis­ta­nyň sag­dyn­ly­gyň we ru­hu­be­lent­li­giň ýur­dy hök­mün­de ta­nal­ma­gy, sag­dyn dur­muş ýö­rel­ge­le­ri­niň türk­men jem­gy­ýet­çi­li­gin­de berk or­naş­ma­gy ýur­du­myz­da spor­tuň dür­li gör­nüş­le­ri­niň gys­ga wag­tyň için­de döw­re­bap de­re­je­de ös­me­gi­ne ýar­dam et­di. Ine şeý­le sport gör­nüş­le­ri­niň ha­ta­ryn­da aw­tos­por­ty hem-de we­lo­si­ped spor­tu­ny gör­kez­mek bo­lar.

AW­TOS­PORT
UL­GA­MYN­DA­KY ÖSÜŞ­LER
Mä­lim bol­şy ýa­ly, döw­le­ti­miz köp­çü­lik­le­ýin be­den­ter­bi­ýe-sa­gal­dyş he­re­ke­ti­ni we ýo­ka­ry ne­ti­je­li spor­ty has-da ös­dür­mä­ge uly ma­ýa go­ýum­la­ry­ny gö­nük­dir­ýär. “Türk­me­nis­ta­nyň dur­muş-yk­dy­sa­dy ösü­şi­niň 2011–2030-njy ýyl­lar üçin Mil­li mak­sat­na­ma­syn­da”, “Türk­me­nis­ta­nyň Pre­zi­den­ti­niň oba­la­ryň, şä­her­çe­le­riň, et­rap­lar­da­ky şä­her­le­riň we et­rap mer­kez­le­ri­niň ila­ty­nyň dur­muş-ýa­şa­ýyş şert­le­ri­ni öz­gert­mek bo­ýun­ça 2020-nji ýy­la çen­li dö­wür üçin re­je­le­nen gör­nüş­dä­ki Mil­li mak­sat­na­ma­syn­da” hem-de “2011–2020-nji ýyl­lar­da Türk­me­nis­tan­da spor­ty we be­den­ter­bi­ýä­ni gol­da­mak hem-de ös­dür­mek bo­ýun­ça Mil­li mak­sat­na­ma­da” kes­git­le­nen we­zi­pe­le­re la­ýyk­lyk­da, ýur­du­my­zyň hem­me se­bit­le­rin­de hal­ka­ra öl­çeg­le­ri­ne ky­bap gel­ýän sta­di­on­lar, be­den­ter­bi­ýe-sa­gal­dyş top­lum­la­ry eý­ýäm gur­lup, ula­nyl­ma­ga tab­şy­ryl­dy we gu­rul­ma­gy do­wam ed­ýär.
Soň­ky ýyl­lar­da Türk­me­nis­tan­da köp­ýyl­lyk däp­le­re eýe bo­lan spor­tuň gör­nüş­le­ri bi­len bir­lik­de, onuň beý­le­ki gör­nüş­le­ri, şol san­da aw­to we mo­tos­port hem ok­gun­ly ös­ýär.
Mu­nuň üçin äh­li ze­rur şert­ler dö­re­dil­ýär. De­giş­li mad­dy-en­jam­la­ýyn bin­ýa­dyň pug­ta­lan­dy­ryl­ma­gy, ýo­ka­ry tiz­lik­li sport ma­şyn­la­ry­nyň par­ky­nyň üs­tü­niň döw­re­bap ulag­lar bi­len ýe­ti­ril­me­gi ýaş­la­ry spor­tuň bu gy­zyk­ly we özü­ne çe­ki­ji gör­nüş­le­ri bi­len iş­jeň çek­mä­ge, tür­gen­le­riň hem-de ola­ryň tä­lim­çi­le­ri­niň us­sat­ly­gy­ny ýo­kar­lan­dyr­ma­ga ýar­dam ed­ýär.
Bu spor­tuň muş­da­gy hem-de bu ugur­da ýo­ka­ry us­sat­lyk gör­kez­ýän mil­li Li­de­ri­miz ýet­gin­jek­lik ýyl­la­ryn­dan bä­ri aw­to­mo­bil spor­ty bi­len meş­gul­la­nyp, aw­to­mo­bil ýa­ryş­la­ry­na gat­na­şyp, en­çe­me ge­zek aja­ýyp ne­ti­je­le­ri bi­len ynam­ly ýe­ňiş ga­zan­dy. Mil­li Li­de­ri­mi­ziň aja­ýyp ýe­ňiş­le­ri we us­sat­ly­gy türk­men tür­gen­le­ri üçin nus­ga­lyk gö­rel­de bo­lup dur­ýar.
Mil­li Li­de­ri­mi­ziň baş­lan­gy­jy bi­len ýur­du­myz­da Aw­to­mo­bil spor­ty mer­ke­zi 2013-nji ýyl­da açyl­dy. Spor­tuň bu gör­nü­şi­ni ne­ti­je­li ös­dür­mek üçin köp iş­ler al­nyp ba­ryl­ýar. Bu ugur­da­ky türk­men tür­gen­le­ri yzy­gi­der­li hal­ka­ra ýa­ryş­la­ry­na gat­na­şyp, kä­mil­lik de­re­je­si­ne ýet­ýär­ler.
Mä­lim bol­şy ýa­ly, hor­mat­ly Pre­zi­den­ti­mi­ziň taý­syz ta­gal­la­sy bi­len 2009-njy ýyl­da “Ýü­pek ýo­ly-2009” hal­ka­ra ral­li­si ge­çi­ril­di. Ol türk­men tür­gen­le­ri üçin öz­bo­luş­ly tej­ri­be meý­dan­ça­sy bol­dy. Ýa­ry­şyň ugur­la­ry­nyň umu­my uzyn­ly­gy, üç ýur­duň – Rus­si­ýa­nyň, Ga­za­gys­ta­nyň we Türk­me­nis­ta­nyň çäk­le­rin­den ge­çip, 4,5 müň ki­lo­met­re deň bol­dy, bu uzyn­ly­gyň ýa­ry­sy­na go­la­ýy – 2100 ki­lo­met­ri Bal­kan we­la­ýa­ty­nyň säh­ra­lyk­la­ry­ny hem-de Ga­ra­gum çö­lü­niň çä­ge aň­ňyt­lyk­la­ry­ny öz içi­ne alyp, Türk­me­nis­ta­nyň çä­gin­den geç­di. Ýe­ri ge­len­de aýt­sak, şol ýa­ryş­lar­da türk­men to­pa­ry “KA­MAZ”-da çy­kyş edip, oňat ne­ti­je gör­ke­zip­di.
Üs­tü­miz­dä­ki ýyl­da ge­çi­ril­jek hal­ka­ra ral­li ýa­ry­şyn­da-da türk­men tür­gen­le­ri­niň oňat ne­ti­je­ler gör­kez­me­gi­ne bil bag­la­ýa­rys. Bu hal­ka­ra de­re­je­sin­dä­ki ýa­ryş­lar di­ňe bir spor­ty hem-de sag­dyn dur­muş ýö­rel­ge­si­ni wa­gyz et­mek bi­len çäk­len­män, eý­sem, şol bir­wagt­da sy­ýa­hat­çy­lyk, söw­da we me­de­ni gat­na­şyk­lar ba­bat­da-da aý­ra­tyn äh­mi­ýe­te eýe bo­lar.
Hä­zir­ki wagt­da Türk­me­nis­ta­nyň te­bi­gy-di­kel­diş we ta­ry­hy-me­de­ni des­ga­la­ryň giň top­lu­my sy­ýa­hat­çy­ly­gy söý­ýän­ler üçin açyk­dyr: bu­lar “Awa­za” Mil­li sy­ýa­hat­çy­lyk zo­la­gy­ny, meş­hur şy­pa­ha­na­la­ry, Nu­sa­ýyň, De­his­ta­nyň, Kö­ne­ür­gen­jiň, Köý­ten­da­gyň, Ga­dy­my Mer­wiň meş­hur ýa­dy­gär­lik­le­ri­ni, şeý­le hem ja­han­keş­de­ler üçin gy­zyk­lan­ma dö­red­ýän beý­le­ki kün­jek­le­ri öz içi­ne al­ýar. Bu hal­ka­ra ýa­ryş­la­ry­na gat­naş­ýan­la­ra hem-de onuň jan­kö­ýer­le­ri­ne ýur­du­my­zyň ta­ry­hy ýer­le­ri bi­len ta­nyş­mak­la­ry üçin aja­ýyp müm­kin­çi­lik­dir.
Aş­ga­bat­da ge­çi­ril­jek “Amul-Ha­zar 2018” at­ly hal­ka­ra aw­to­ral­li, we­lo­si­ped we yl­gaw ýa­ryş­la­ry­nyň bü­tin dün­ýä­de Türk­me­nis­ta­nyň ab­ra­ýy­nyň bar­ha art­ma­gy­na, ýur­du­myz­da köp­çü­lik­le­ýin spor­ty mun­dan beý­läk-de ös­dür­mä­ge ýar­dam et­jek­di­gi şüb­he­siz­dir. Mu­nuň özi hor­mat­ly Pre­zi­den­ti­mi­ziň baş­lan­gy­jy bi­len yg­lan edi­len “Türk­me­nis­tan – Be­ýik Ýü­pek ýo­lu­nyň ýü­re­gi” ýy­ly­nyň ru­hu­na la­ýyk gel­ýär. Bu ýyl be­dew ba­dy bi­len ösü­şiň tä­ze be­lent­lik­le­ri­ne ta­rap ok­gun­ly bar­ýan eziz Wa­ta­ny­my­zyň hä­zir­ki ta­ry­hy­na tä­ze aý­dyň sa­hy­pa­la­ry açar.

Gyzykly bolup bilerЕЩЕ ОТ АВТОРА