7-9-njy few­ral ara­ly­gyn­da paý­tag­ty­myz­da Eý­ran Ys­lam Res­pub­li­ka­sy­nyň Me­de­ni­ýet gün­le­ri ge­çi­ril­di. Eý­ran Ys­lam Res­pub­li­ka­sy­nyň Türk­me­nis­tan­da­ky il­çi­ha­na­sy­nyň Me­de­ni­ýet mer­ke­zi we ýur­du­my­zyň Me­de­ni­ýet mi­nistr­li­gi bu çä­rä­niň gu­ra­ma­çy­la­ry bol­du­lar. Eý­ran Ys­lam Res­pub­li­ka­sy­nyň we­ki­li­ýe­ti­niň dü­zü­mi­ne me­de­ni­ýet ul­ga­myn­da­ky ugur­daş eda­ra­la­ryň ýol­baş­çy­la­ry we hü­när­men­le­ri, dö­re­di­ji­lik to­par­la­ry, halk se­net­çi­li­gi­niň us­sat­la­ry gir­di­ler. Türk­me­nis­ta­nyň Me­de­ni­ýet mi­nistr­li­gin­de bo­lan Eý­ran Ys­lam Res­pub­li­ka­sy­nyň we­kil­le­ri­niň ka­bul ediş­li­gi­niň bar­şyn­da me­de­ni­ýet ul­ga­myn­da öza­ra gat­na­şyk­la­ry ös­dür­me­giň gel­je­gi ara alnyp mas­la­hat­la­şyl­dy.
Türk­me­nis­ta­nyň Döw­let me­de­ni­ýet mer­ke­zi­niň Mu­kam­lar köş­gün­de Me­de­ni­ýet gün­le­ri­niň da­ba­ra­ly açy­ly­şy bol­dy. Şu my­na­sy­bet­li bu ýe­re me­de­ni­ýet ul­ga­my­nyň eda­ra­la­ry­nyň ýol­baş­çy­la­ry we Aş­ga­bat­da­ky dip­lo­ma­tik we­kil­ha­na­la­ryň, köp­çü­lik­le­ýin ha­bar be­riş se­riş­de­le­ri­niň we­kil­le­ri, ýur­du­my­zyň dö­re­di­ji­lik iş­gär­le­ri, ýo­ka­ry okuw mek­dep­le­ri­niň pro­fes­sor-mu­gal­lym­lar dü­zü­mi hem-de ta­lyp­la­ry gat­naş­dy­lar.
Çy­kyş eden­ler bu çä­rä­niň döw­le­ta­ra gat­na­şyk­la­ry­ny yzy­gi­der­li ös­dür­mek­dä­ki, bi­ziň halk­la­ry­my­zyň dost­luk we do­gan­lyk ara­bag­la­ny­şy­gy­ny pug­ta­lan­dyr­mak­da­ky äh­mi­ýe­ti­ni nyg­ta­dy­lar. Eý­ra­nyň Me­de­ni­ýet gün­le­ri­niň Aş­ga­bat­da ge­çi­ril­me­gi­niň me­de­ni­ýet­le­riň mun­dan beý­läk-de öza­ra baý­laş­ma­gy­na, dö­re­di­ji­lik in­tel­li­gen­si­ýa­sy­nyň we­kil­le­ri­niň hü­när gat­na­şyk­la­ry­nyň gi­ňel­dil­me­gi­ne ýar­dam et­jek­li­gi bel­le­nil­di.
Me­de­ni çä­re dost­luk­ly ýur­duň ar­tist­le­ri­niň be­ren kon­ser­ti bi­len açyl­dy. Mu­kam­lar köş­gü­niň sah­na­syn­da Ho­ra­san we­la­ýa­ty­nyň sa­zan­da­la­ry­nyň we aý­dym­çy­la­ry­nyň, ga­dy­my ta­ryh­ly Töw­riz şä­he­rin­den ge­len “Araz” folk­lor to­pa­ry­nyň çy­kyş­la­ry bol­dy. Eý­ran­ly ar­tist­ler nus­ga­wy saz­la­ry, Gün­do­gar şa­hyr­la­ry­nyň goş­gu­la­ry­nyň esa­syn­da aý­dyl­ýan ga­dy­my şa­hy­ra­na heň­le­ri ýe­ri­ne ýe­tir­di­ler, şeý­le hem aja­ýyp aý­dyň ho­re­og­ra­fik çy­kyş­la­ry gör­kez­di­ler. To­ma­şa­çy­lar ze­hin­li myh­man­la­ryň her bir çy­kyş­la­ry­ny dost­luk­ly el­çar­pyş­ma­lar bi­len gar­şy­la­dy­lar.
Eý­ran Ys­lam Res­pub­li­ka­sy­nyň ýur­du­myz­da­ky Me­de­ni­ýet gün­le­ri­niň çäk­le­rin­de Türk­me­nis­ta­nyň Şe­kil­len­di­riş sun­ga­ty mu­ze­ýin­de goň­şy ýur­duň ama­ly-ha­şam sun­ga­ty­nyň eser­le­ri­niň ser­gi­si bol­dy. Ser­gi­de eý­ran kal­lig­raf­la­ry­nyň, mi­ni­at­ýur­çy­la­ry­nyň, gra­wir­leý­ji­le­ri­niň, ha­ly­çy­la­ry­nyň, aga­jy we da­şy ýo­nu­jy­la­ryň we beý­le­ki­le­riň iş­le­ri gör­ke­zil­di. Şeý­le hem iki ýur­duň halk us­sat­la­ry­nyň du­şu­şy­gy ge­çi­ril­di. “Aş­ga­bat” ki­no mer­ke­zin­de Eý­ran Ys­lam Res­pub­li­ka­sy­nyň ki­ne­ma­tog­ra­fi­ýa­sy­nyň esa­sy ugur­la­ry­ny has do­ly aç­ýan film­le­riň gör­ke­zi­li­şi bol­dy. Türk­men döw­let gur­jak te­at­ry­nyň sah­na­syn­da iki ýur­duň ça­ga­lar dö­re­di­ji­lik to­par­la­ry­nyň çy­kyş­la­ry görkezildi. “Wa­tan” ki­no­kon­sert mer­ke­zin­de bol­sa, eý­ran folk­lor to­pa­ry­nyň kon­ser­ti ge­çi­ril­di.
9-njy few­ral­da Türk­me­nis­ta­nyň Mag­tym­gu­ly adyn­da­ky mil­li saz­ly dra­ma te­at­ryn­da Eý­ran Ys­lam Res­pub­li­ka­sy­nyň Türk­me­nis­tan­da­ky Me­de­ni­ýet gün­le­ri­niň ýa­py­lyş da­ba­ra­sy ge­çi­ril­di. On­da sun­gat us­sat­la­ry­nyň bi­le­lik­dä­ki kon­ser­ti bol­dy.

Gyzykly bolup bilerЕЩЕ ОТ АВТОРА