Rekordlaryň hökümdary

Eýýämden ady­ny ro­wa­ýa­ty­la­ryň ha­ta­ry­na al­tyn harp­lar bi­len ýaz­dy­ran Ro­jer Fe­de­rer re­kord­la­ry­nyň sa­ny­ny art­dyr­ma­gy­ny do­wam ed­ýär. Ol Gol­lan­di­ýa­nyň Rot­ter­dam şä­he­rin­de ge­çi­ri­len “Açyk” ten­nis ýa­ry­şyn­da ýe­ňi­ji bol­dy. Şweý­sa­ri­ýa­ly ten­nis­çi fi­nal­da bol­ga­ri­ýa­ly Gri­gor Dmit­ro­wy 2 set­de-de 6:2 ha­sap­la­ry bi­len utup, kar­ýe­ra­syn­da­ky 97-nji çem­pi­on­ly­gy­ny ga­zan­dy.
Şu ýa­ry­şyň çär­ýek fi­nal du­şu­şy­gy­nyň äh­mi­ýe­ti Fe­de­rer üçin ju­da mö­hüm wa­ka bo­lup dur­ýar­dy. Çär­ýek fi­nal­da gol­lan­di­ýa­ly Ro­bin Haa­se­den 2:1 üs­tün çy­kan Fe­de­rer, bu oýun­dan soň, ATP-niň sa­na­wyn­da 1-nji bas­gan­ça­ga beý­gel­di. Şeý­le­lik­de, 36 ýa­şyn­da­ky Fe­de­rer ten­ni­siň ta­ry­hyn­da 1-nji or­na çy­kan iň ýa­şu­ly ten­nis­çi di­ýen adyň tä­ze eýe­si bol­dy. On­dan öň re­kor­d ame­ri­ka­ly And­re Agas­sä degişli bolup, ol 2003-nji ýyl­da 33 ýa­şyn­daky mu­ny ba­şa­rypdy. Ga­ly­ber­se-de, Fe­de­rer 5 ýyl 106 gün­den soň, ATP-niň bi­rin­ji­li­gi­ne do­la­nyp, bu ugur­da-da tä­ze re­kord goý­dy. Bu ba­bat­da-da kö­ne re­kord 3 ýyl 142 gün­den soň, çür de­pä çy­kan And­re Agas­sä de­giş­li­di. Ro­jer Fe­de­rer mun­dan öň iň soň­ky sa­par 2012-nji ýy­lyň 4-nji no­ýab­ryn­da bi­rin­ji­li­gi eýe­läp­di. Il­kin­ji sa­par mun­dan 14 ýyl ozal, has ta­ky­gy, 2004-nji ýy­lyň 2-nji few­ra­lyn­da ATP-niň bi­rin­ji bas­gan­ça­gy­na çy­kan Fe­de­rer 2008-nji ýy­lyň 17-nji aw­gus­ty­na çen­li üz­nük­siz 237 hep­de­läp, or­nu­ny sak­la­ma­gy ba­şar­dy. Ol 2009-njy ýy­lyň 6-njy iýu­ly bi­len 2010-njy ýy­lyň 6-njy iýu­ny ara­ly­gyn­da 48 hep­de, 2012-nji ýy­lyň 9-njy iýu­ly bi­len şol ýy­lyň 4-nji no­ýab­ry­na çen­li-de 17 hep­de bi­rin­ji­lik bas­gan­ça­gyn­da ga­lyp­dy. Fe­de­rer hä­zir­ki gü­ne çen­li je­mi 304 hep­de sa­naw­da 1-nji or­ny eýe­läp, ol bu ba­bat­da-da öz re­kor­dy­ny ös­dür­di. Şeý­le hem Fe­de­rer ge­çen 2017-nji ýy­lyň ýan­wa­ryn­dan bä­ri 70 du­şu­şyk ge­çi­rip, şo­la­ryň di­ňe 5-sin­de ýeň­li­şe se­ze­war bol­dy.