Türk­me­nis­ta­nyň Da­şa­ry iş­ler mi­nistr­li­gi­niň Hal­ka­ra gat­na­şyk­la­ry ins­ti­tu­ty­nyň dö­re­dil­me­gi­niň 10 ýyl­ly­gy bel­le­nip ge­çil­di. Ýur­du­my­zyň ýo­ka­ry dip­lo­ma­tik mek­de­bi­niň dö­re­dil­me­gi my­na­sy­bet­li “Bi­ta­rap Türk­me­nis­ta­nyň dip­lo­ma­ti­ýa­sy: ta­ryh­dan gel­je­ge” at­ly yl­my-ama­ly mas­la­hat ge­çi­ril­di. Hal­ka­ra gat­na­şyk­la­ry ins­ti­tu­tyn­da ge­çi­ri­len mas­la­ha­ta gat­na­şy­jy­la­ra hor­mat­ly Pre­zi­den­ti­miz Gut­lag ha­ty­ny iber­di.
Mas­la­ha­ta ýur­du­my­zyň hö­kü­me­ti­niň we­kil­le­ri, paý­tag­ty­myz Aş­ga­bat­da­ky da­şa­ry ýurt dip­lo­ma­tik we­kil­ha­na­la­ryň ýol­baş­çy­la­ry gatnaşdylar.
Şeýle hem hal­ka­ra gu­ra­ma­la­ryň ýol­baş­çy­la­ry, ýo­ka­ry okuw mek­dep­le­ri­niň rek­tor­la­ry, jem­gy­ýet­çi­lik gu­ra­ma­la­ryň, ýer­li we da­şa­ry ýurt met­bu­ga­ty­nyň we­kil­le­ri, mil­li dip­lo­ma­ti­ýa­my­zyň ýo­ka­ry mek­de­bi­niň pro­fes­sor-mu­gal­lym­la­ry we ta­lyp ýaş­lar gat­naş­dy.
Mas­la­ha­tyň açy­ly­şyn­da hor­mat­ly Pre­zi­den­ti­mi­ziň Gut­la­gy okal­dy. Mil­li Li­de­ri­mi­ziň Gut­la­gyn­da: “Hä­zir­ki za­man şert­le­rin­de hal­ka­ra gat­na­şyk­la­ry ne­ti­je­li ös­dür­mek we­zi­pe­si hem dip­lo­ma­tik gul­lu­gyň iş­gär­le­rin­den ýo­ka­ry hü­när us­sat­ly­gy­ny, çuň­ňur bi­li­mi we ba­şar­ny­gy, hem­me­ta­rap­la­ýyn taý­ýar­ly­gy ta­lap ed­ýär. Ýur­du­my­zyň dip­lo­ma­tik gul­lu­gy­nyň berk bin­ýa­da esas­lan­ma­gy we mun­dan beý­läk-de kä­mil­leş­me­gi, bil­di­ril­ýän ýo­ka­ry ta­lap­la­ra la­ýyk bol­ma­gy hem-de ne­ti­je­li iş­le­me­gi bi­ziň my­da­ma üns mer­ke­zi­miz­de dur­ýar. ” di­ýip, bel­le­nip ge­çil­ýär.
Mil­li dip­lo­ma­ti­ýa­my­zyň ýo­ka­ry okuw mek­de­bi­niň ge­çen dur­muş ýo­ly mas­la­ha­tyň çäk­le­rin­de edi­len çy­kyş­lar­da bel­le­nip ge­çil­di. Mil­li Li­de­ri­mi­ziň öň­den­gö­rü­ji­lik­li da­şa­ry sy­ýa­sat stra­te­gi­ýa­sy­nyň çäk­le­rin­de bu ýo­ka­ry okuw mek­de­bin­de ýur­du­my­zyň dip­lo­ma­ti­ýa gul­lu­gy bi­len bir ha­tar­da, hu­kuk, yk­dy­sa­dy­ýet hem-de met­bu­gat ugur­la­ry bo­ýun­ça ök­de hü­när­men­ler taý­ýar­lan­ýar.
Mil­li Li­de­ri­mi­ziň Per­ma­ny esa­syn­da 2008-nji ýy­lyň 20-nji mar­tyn­da dö­re­di­len bu ýo­ka­ry okuw mek­de­bi üçin paý­tag­ty­myz Aş­ga­ba­dyň mer­ke­zin­de döw­re­bap bi­na­lar top­lu­my gur­lup be­ril­di. Bu bi­na­lar top­lu­my 2011-nji ýy­lyň 1-nji sent­ýab­ryn­da ulan­ma­ga be­ril­di. Hal­ka­ra gat­na­şyk­la­ry ins­ti­tu­ty­nyň okuw ul­ga­my hä­zir­ki za­man ta­lap­la­ry­na la­ýyk­lyk­da yzy­gi­der­li döw­re­bap­laş­dy­ryl­dy. Il­kin­ji ýy­lyn­da 6 ka­fed­ra bi­len bi­lim ber­mä­ge baş­lan okuw mek­de­bin­de hä­zir­ki wagt­da 4 fa­kul­tet – hal­ka­ra gat­na­şyk­la­ry, hal­ka­ra hu­ku­gy, hal­ka­ra yk­dy­sa­dy gat­na­şyk­la­ry hem-de hal­ka­ra žur­na­lis­ti­ka fa­kul­tet­le­ri bo­ýun­ça ýo­ka­ry bi­lim­li hü­när­men­ler taý­ýar­lan­ýar. Ge­çen 10 ýy­lyň do­wa­myn­da bu ýo­ka­ry okuw mek­de­bi­ni ta­mam­lan 400-den gow­rak ta­lyp hä­zir­ki wagt­da ýur­du­my­zyň dip­lo­ma­tik gul­lu­gyn­da, yk­dy­sa­dy­ýet, hu­kuk we met­bu­gat gul­luk­la­ryn­da üs­tün­lik­li zäh­met çek­ýär.

Gyzykly bolup bilerЕЩЕ ОТ АВТОРА