Paý­tag­ty­myz Aş­ga­bat­da “Aý­dym-saz sun­ga­ty­nyň ga­dy­my çeş­me­le­ri” at­ly hal­ka­ra yl­my mas­la­ha­ty we fes­ti­wa­ly ge­çi­ril­di. Ýur­du­my­zyň Me­de­ni­ýet mi­nistr­li­gi ta­ra­pyn­dan gu­ra­lan çä­rä Rus­si­ýa Fe­de­ra­si­ýa­sy­nyň, ABŞ-nyň, Fran­si­ýa­nyň, Sa­ud Ara­bys­ta­ny­nyň, Ýa­po­ni­ýa­nyň, Ko­re­ýa­nyň, Hin­dis­ta­nyň, Tür­ki­ýä­niň, Eý­ra­nyň, Ow­ga­nys­ta­nyň, Gyr­gy­zys­ta­nyň we Öz­be­gis­ta­nyň alym­la­ry hem-de hü­när­men­le­ri, şol san­da saz öw­re­ni­ji­le­ri, dil­çi­le­ri, sun­ga­ty we me­de­ni­ýe­ti öw­re­ni­ji­le­ri gat­naş­dy­lar.
Aý­dym-saz sun­ga­ty­nyň çeş­me­le­ri­ne ba­gyş­la­nan hal­ka­ra fo­rum ýur­du­myz­da 2018-nji ýy­lyň “Türk­me­nis­tan – Be­ýik Ýü­pek ýo­lu­nyň ýü­re­gi” diý­lip yg­lan edil­me­gi my­na­sy­bet­li aý­ra­tyn äh­mi­ýe­te eýe­dir. Türk­me­nis­tan öz ösü­şi­niň tä­ze ta­ry­hy tap­gy­ryn­da beý­le­ki döw­let­ler bi­len bir­lik­de, dost­luk we raý­daş­lyk ýol­la­ry­ny çe­kip, äh­lu­mu­my pa­ra­hat­çy­ly­gyň, dur­nuk­ly ösü­şiň pug­ta­lan­ma­gy­na ýar­dam ber­ýär. Bu ba­bat­da halk­la­ryň öza­ra dü­şü­niş­me­gi­ne ýar­dam ber­ýän me­de­ni gat­na­şyk­la­ra aý­ra­tyn orun de­giş­li­dir.
Dün­ýä­niň halk­la­ry­nyň me­de­ni­ýet­le­ri­niň, şol san­da aý­dym-saz me­de­ni­ýe­ti­niň göz­ba­şy­ny giň­den we köp­ta­rap­ly öw­ren­mek yn­san­per­wer hyz­mat­daş­ly­gyň iş­jeň­leş­me­gi­ne ýar­dam ber­mä­ge gö­nük­di­ri­len­dir. Aý­dym-saz sungaty Aş­ga­bat­da­ky hal­ka­ra fo­ru­myň gün ter­ti­bi­ni öňün­den kes­git­le­di.
Aý­dym-saz sun­ga­ty­na ba­gyş­la­nan hal­ka­ra fo­ru­myň açy­lyş da­ba­ra­sy Mu­kam­lar köş­gün­de ge­çi­ril­di. Ol ýer­de hor­mat­ly Pre­zi­den­ti­mi­ziň hal­ka­ra fo­ru­ma gat­na­şy­jy­la­ra ibe­ren Gut­la­gy okal­dy. Döw­let Baş­tu­ta­ny­my­zyň Gut­la­gyn­da: “Biz hä­zir­ki dö­wür­de türk­men hal­ky­nyň dün­ýä me­de­ni­ýe­tin­de öz­bo­luş­ly orun alan aý­dym-saz sun­ga­ty­ny, ga­dy­my me­de­ni mi­ra­sy­ny düýp­li öw­ren­mek bo­ýun­ça giň ge­rim­li iş­le­ri ama­la aşyr­ýa­rys. Aý­dym-saz sun­ga­ty­nyň ga­dy­my çeş­me­le­ri türk­men hal­ky­nyň me­de­ni mi­ra­syn­da, halk dö­re­di­ji­li­gin­de, nus­ga­wy ede­bi­ýa­tyn­da öz­bo­luş­ly or­ny eýe­le­ýär ” diý­lip bel­le­nil­ýär.
Yl­my mas­la­ha­tyň çäk­le­rin­de ge­çen umu­my mej­li­siň işi­ne Rus­si­ýa­nyň, ABŞ-nyň, Ýa­po­ni­ýa­nyň, Fran­si­ýa­nyň, Ko­re­ýa­nyň, Eý­ra­nyň, Azer­baý­ja­nyň, Gyr­gy­zys­ta­nyň, Öz­be­gis­ta­nyň alym­la­ry we hü­när­men­le­ri gat­naş­dy­lar.
Aş­ga­bat fo­ru­my­na gat­na­şy­jy­lar şu du­şu­şy­gyň mö­hüm­di­gi­ni nyg­tap, hor­mat­ly Pre­zi­den­ti­mi­ze alyp bar­ýan oňyn sy­ýa­sa­ty üçin tüýs ýü­rek­den ho­şal­lyk­la­ry­ny be­ýan et­di­ler.
Ýur­du­my­zyň Şe­kil­len­di­riş sun­ga­ty mu­ze­ýin­de, Döw­let çe­per­çi­lik aka­de­mi­ýa­syn­da, Döw­let me­de­ni­ýet mer­ke­zi­niň Döw­let mu­ze­ýin­de gu­ra­lan bö­lüm­ler bo­ýun­ça mej­lis­ler­de mas­la­hat öz işi­ni do­wam et­di. “Halk saz­la­ry me­de­ni-ta­ry­hy mi­ra­syň aý­ryl­maz bö­le­gi­dir”, “Folk­lo­ris­ti­ka­nyň hä­zir­ki za­man me­se­le­le­ri: mil­li saz däp­le­ri­ne tä­ze­çe çe­me­leş­me­giň göz­leg­le­ri we usul­la­ry”, “Ede­bi folk­lor­da we saz sun­ga­tyn­da çe­per keşp­le­riň be­ýa­ny” di­ýen maz­mun­da­ky gür­rüň­ler we beý­le­ki­ler çy­kyş­la­ryň esa­sy­ny eme­le ge­tir­di.
Mag­tym­gu­ly adyn­da­ky mil­li sazly dra­ma te­at­ry­nyň sah­na­syn­da üs­tün­li­ge bes­le­nip ge­çen dost­luk kon­ser­tin­de çy­kyş eden­ler öz us­sat­ly­gy­ny gör­kez­di­ler.

Gyzykly bolup bilerЕЩЕ ОТ АВТОРА