“The Angry Birds Movie” (Täze film)

Ady: “The Angry Birds Movie”
Režissýory: Fergal Reilli, Kleý Kaýtis
Ses berenler: Jeýson Sudeikis, Joş Gad, Denni MakBraýd, Maýa Rudolf, Keýt MakKinnon, Şon Penn, Toni Haýl, Kigan-Maýkl Kiý, Bill Hader, Piter Dinkleýj
Prodýuserleri: Jon Kohen, Katerine Winder
Ssenariçi: Jon Witti (“Rovio Entertainment”-iň “Angry Birds” atly android telefon oýunlary esasynda)
Kompozitory: Heitor Pereira
Montažçylar: Kent Beýda, Alli Garrett
Öndüriji şereketler: “Rovio Entertainment”, “Sony Pictures Imageworks”
Paýlaýjy şereket: “Columbia Pictures”
Dowamlylygy: 97 minut
Görnüşi: 3D kompýuter-animasiýasy, başdan geçirme, komediýa
Ýurdy: ABŞ, Finlýandiýa
Dili: iňlisçe
Býujeti: 73 million $

Ga­har­jaň, gal­ma­galçyl dür­li guş­la­ry sa­pan bi­len atyp, düz­ülip goý­lan gu­tu­la­ry, agaç­la­ry ýyk­ýan wideo oý­nunyň giň­den ýaý­ra­ny­na köp wagt geç­enok. And­ro­id te­le­fo­ny bar bo­lup, şol oý­ny oý­nap gör­me­dik­le­riň sa­ny juda az bol­sa ge­rek. Finl­ýan­di­ýa­ly şe­re­ket ta­ra­pyn­dan oý­la­ny­lyp ta­py­lan bu oýun hem­mä­niň uly söý­gü­si­ni ga­zan­ma­gy ba­şar­dy. He­mi­şe di­ýen ýa­ly pur­sat­lar­dan ýer­lik­li peý­da­lan­ýan Gol­li­wud bu işe-de baş goş­dy. Il­ki-il­ki­ler nä­hi­li bo­lar­ka di­ýen so­wal­la­ram bol­dy. Ýö­ne ugur ta­py­jy sse­na­ri­çi­le­ri, prod­ýu­ser­dir re­žiss­ýor­la­ry bi­len ta­pa­wut­lan­ýan Gol­li­wu­d bu işiň hem höt­de­sin­den gel­di diý­se bo­lar. Dog­ry, en­tek ani­ma­si­ýa­nyň halk köp­çü­li­gi ta­ra­pyn­dan nä­hi­li gar­şy alyn­jak­dy­gy hä­zir­lik­çe bel­li däl. Ýö­ne bi­ler­men­le­riň çak­la­ma­sy­na gö­rä, mult­film az gir­de­ji ga­zan­maz.
“Ga­har­jaň guş­lar” at­ly bu ani­ma­si­ýa­ny Kleý Kaý­tis bi­len Fer­gal Re­il­li bi­le­lik­de su­ra­ta dü­şü­rip, bu ola­ryň il­kin­ji re­žiss­ýor­lyk işi­dir. 73 mil­li­on dol­lar­lyk çyk­da­jy edi­len ani­ma­si­ýa eý­ýäm gör­ke­zilip ýö­rlen ýer­le­ri­niň pro­kat­la­ryn­dan 45 mil­li­on dol­la­ra go­laý gir­de­ji ýyg­na­dy. Mult­fil­miň sse­na­ri­si­ni “Simp­son­lar” ani­ma­si­ýa­sy­nyň-da sse­na­ri­çi­le­rin­den bo­lan Jon Wit­ti ýa­z­dy. Ani­ma­si­ýa­nyň gah­ry­man­la­ry­na Jeý­son Su­dei­kis, Joş Gad, Ma­ýa Ru­dolf, Den­ni MakB­raýd, Keýt Mak­Kin­non, Şon Penn, To­ni Haýl, Ki­gan-Maýkl Kiý, Bill Ha­der, Pi­ter Dink­leýj ýa­ly ta­ny­mal ar­tist­ler ses ber­mä­ge gat­naş­dy­lar.