Is­pa­ni­ýa­nyň “La Li­ga­sy­nyň” bu möw­sü­mi dart­gyn­ly gö­reş­den soň, “Bar­se­lo­na­nyň” çem­pi­on­ly­gy bi­len ta­mam­lan­dy. Olar soň­ky tap­gyr­da “Gra­na­da­ny” Lu­is Sua­re­siň het-tri­gi bi­len 3–0 ha­sa­byn­da utup, 91 utuk bi­len 1-nji ýe­ri eýe­le­di. Bu ola­ryň bas­syr 2-nji, umu­my­lyk­da 24-nji çem­pi­on­ly­gy­dyr. To­pa­ryň ez­ber hü­jüm­çi­si Lu­is Sua­res 40 gol bi­len iň köp pök­gi ge­çi­ren oýun­çy bol­dy. Şun­luk­da, “La Li­ga­da” 7 ýyldan soň (soňky sapar 2008/09), Ro­nal­do we Mes­si­den başga bir oýunçy iň köp gol ge­çi­ren futbol­çy bolmagy başardy.
“La Li­ga­da” “Le­wan­te­den” soň, Mad­rid şä­he­ri­niň 2 we­ki­li “He­ta­fe” bi­len “Ra­ýo Wal­le­ka­no” to­par­la­ry 2-nji li­ga düş­di.
* * *
Rus­si­ýa­nyň ýo­ka­ry li­ga­syn­da çem­pi­on soň­ky tap­gyr­da bel­li bo­lar. Öz meý­dan­ça­syn­da “Kras­no­da­ry” 2-0, “Ura­ly-da” 1–0 ha­sa­byn­da utan “Ros­tow” tä­ze möw­süm­de Çem­pi­on­lar li­ga­sy­na gat­na­şar. Olar soň­ky tap­gyr­da — SSKA myh­man­çy­lyk­da “Ru­bin” bi­len du­şuş­sa, “Ros­tow” “Te­rek” bi­len güýç sy­na­ny­şar.
Rus­si­ýa­nyň 2-nji li­ga­sy FNL-de çy­kyş ed­ýän “Ga­zo­wik Oren­burg” bi­len “Ar­se­nal Tu­la” 1–2-nji ýer­le­ri eýe­läp, “Prem­ýer li­ga” çyk­ma­gy ba­şar­dy. 1976-njy ýyl­da dö­re­di­len “Ga­zo­wik Oren­burg” to­pa­ry il­kin­ji sa­par ýo­ka­ry li­ga we­kil­çi­lik eder.
* * *
Soň­ky oý­nun­da re­kord goý­dy
Fran­si­ýa­nyň çem­pio­na­tyn­da çem­pi­on­ly­gy­ny bir eý­ýäm yg­lan eden PSŽ soň­ky tap­gyr­da “Nan­ty” 4–0 ha­sa­byn­da ut­dy. Du­şu­şyk­da 2 pök­gi­ni to­ra gi­ri­zen Zla­tan Ib­ra­hi­mo­wiç bir möw­süm­de çem­pio­na­tyň çäk­le­rin­de 31 oýun­da 38 gol ge­çi­rip, bu ugur­da PSŽ-niň iň ne­ti­je­li oýun­çy­sy bol­dy. On­dan öň­ki re­kord ar­gen­ti­na­ly Kar­los Bi­an­çä de­giş­li bo­lup, ol 1977/78 möw­sü­min­de PSŽ-niň köý­nek­çe­si bi­len 37 gol ge­çi­rip­di. Zla­tan Ib­ra­hi­mo­wiç Fran­si­ýa­nyň çem­pio­na­tyn­da 3-nji ge­zek iň köp pök­gi ge­çi­ren oýun­çy bol­ma­gy ba­şar­dy.
Fran­si­ýa­nyň çem­pio­na­ty “Li­gue 1-de” “Tro­ýa­dan” soň, ge­çen ýyl ge­len “Ga­ze­lek Aýaç­çio” bi­len bir­wagt­lar 6 ge­zek çem­pi­on bo­lan, 2 sa­par Çem­pi­on­lar li­ga­sy­nyň fi­na­ly­na çy­kan “Stad de Reims” to­pa­ry “Li­gue 2-ä” düş­meli boldy.
* * *
Ger­ma­ni­ýa­nyň “Bun­des­li­ga­syn­da” 34-nji tap­gyr­da “Wolfs­burg­dan” 3–1 ha­sa­byn­da utu­lan “Ştut­gart” topary 41 ýyl­dan soň, aşa­ky li­ga “Bundesliga II-ä” düş­di.
* * *
PORTUGALIÝADA “BENFIKA” ÝEŇIJI
Portugaliýanyň çempionatynda “Benfika” bilen “Sportingiň” arasyndaky çempionlyk ýaryşy soňky tapgyra çenli ýokary depginde dowam etdi. Netijede, 2 utuklyk aratapawudy soňuna çenli saklamagy başaran “Benfika” topary 35-nji gezek ýeňiji boldy.

Gyzykly bolup bilerЕЩЕ ОТ АВТОРА