Ilkinji duşuşyk Ýaponiýa bilen

Gel­jek ýy­lyň ba­şyn­da, has ta­ky­gy, 2019-njy ýylyň 5-nji ýan­wary – 1-nji few­raly ara­ly­gyn­da BAE-de ge­çi­ril­jek 17-nji Azi­ýa Ku­bo­gyn­da Türk­me­nis­ta­nyň fut­bol ýy­gyn­dy­sy “F” to­par­çada çykyş eder. Il­deş­le­ri­miz bu to­par­ça­da Ýa­po­ni­ýa­nyň, Öz­be­gis­ta­nyň hem-de Oma­nyň ýy­gyn­dy­la­ry bi­len güýç sy­na­ny­şar. Türk­men fut­bol­çy­la­ry­ il­kin­ji sy­nanyşy­gy­ny 9-njy ýan­war­da bu ku­bo­gy iň köp ga­za­nan Ýa­po­ni­ýa­nyň gar­şy­sy­na ge­çi­rerler. Du­şu­şyk Abu Da­bi şä­he­rin­de Al Nah­ýan sta­dio­nyn­da oý­na­lar. Mil­li to­pa­ry­my­z 2-nji du­şu­şy­gy­ny 13-nji ýan­war­da Du­baý­da­ky Mak­tum bin Ra­şid Al Mak­tum sta­dio­nyn­da Öz­be­gis­ta­nyň ýy­gyn­dy­sy bi­len oý­nar. Il­deş­le­ri­miziň to­par­ça­da­ky jem­leý­ji du­şu­şy­gy-da Oman bi­len bo­lar we ol 17-nji ýan­war­da Abu Da­bi şä­he­rin­dä­ki Mo­ham­med bin Za­ýed sta­dio­nyn­da ge­çi­ri­ler. To­par­ça­da 1–2-nji ýe­ri alan­lar hem-de 3-nji or­ny eýe­län­le­riň iň go­wy 4-si 2-nji tap­gyr­da çy­kyş et­mä­ge hu­kuk ga­za­nar.
1956-njy ýyl­dan bä­ri ge­çi­ri­lip ge­lin­ýän Azi­ýa Ku­bo­gy ýa­ry­şyn­da il­kin­ji ge­zek 24 ýy­gyn­dy çy­kyş eder. Çem­pio­na­tyň du­şu­şyk­la­ry ýur­duň Abu Da­bi, Du­baý, Şar­jah hem-de Al-Ain şä­her­le­rin­dä­ki 8 sa­ny sta­di­on­da oý­na­lar. Gat­naş­ýan 24 to­pa­ryň 3-si — Gyr­gyz Res­pub­li­ka­sy­nyň, Fi­lip­pin­le­riň hem-de Ýe­me­niň ýy­gyn­dy­la­ry il­kin­ji ge­zek Azi­ýa Ku­bo­gyn­da çy­kyş eder. Türk­me­nis­ta­nyň ýy­gyn­dy­sy bu ýa­ry­şa 2-nji ýo­la gat­na­şyp, il­deş­le­ri­miz 2004-nji ýyl­da-da Azi­ýa Ku­bo­gy­na we­kil­çi­lik edip­di. Azi­ýa Ku­bo­gyn­da iň köp Ýa­po­ni­ýa­nyň ýy­gyn­dy­sy ýe­ňi­ji bol­dy. Olar 1992-nji, 2000-nji, 2004-nji hem-de 2011-nji ýyl­lar­da yk­ly­myň iň ulu­sy bol­ma­gy ba­şa­ryp­dy­lar. Şeý­le-de Eý­ran (1968, 1972, 1976) bi­len Sa­ud Ara­bys­ta­ny­nyň (1984, 1988, 1996) ýy­gyn­dy­la­ry 3 ge­zek ýe­ňiş ga­zan­dy. Il­kin­ji 2 ýa­ryş­da ýe­ňi­ji bo­lan we şon­dan bä­ri-de 4 ge­zek fi­nal­da utu­lan Gü­nor­ta Ko­re­ýa­nyň 2 (1956, 1960) ku­bo­gy bar. Ys­ra­ýyl (1964), Ku­weýt (1980), Yrak (2007) hem-de Awst­ra­li­ýa­nyň (2015) ýy­gyn­dy­la­ry-da Azi­ýa Ku­bo­gyn­da 1 ge­zek çem­pi­on di­ýen ady eýe­le­di­.

“Marselmi” ýa-da “Atletiko”?

UEFA Ýewropa ligasynyň finalçylary “Marsel” bilen “Atletiko” mundan ozal 2 gezek gabatlaşdylar. 2009/10 möwsüminde Çempionlar ligasynyň toparçalarynda oýnalan bu oýunlarda “Atletiko” öz meýdançasynda 2–1 ýeňýär. Jogap oýny golsuz deňlikde tamam­lanýar. “Marsel” bu ýaryşda 1999-njy we 2004-nji ýyllarda finala çykyp, ikisinde-de ýeňlişe sezewar bolýar. “2010-njy we 2012-nji ýyllarda finala çykan Atletiko” ikisinde-de kubogy asmana göterýär. Ýewropa ligasynyň 47-nji möwsüminiň finaly öňümizdäki çarşenbe güni, ýagny 16-njy maýda Fransiýanyň Lion şäherindäki “Lion Olimpik Park” stadionynda oýnalar. Oýun Aşgabat wagty bilen 23:45-de başlanar. Duşuşykda gollandiýaly Býorn Kuipers jürlewük çalar. 45 ýaşyndaky emin 2013-nji ýyldaky “Benfika” bilen “Çelsiniň” arasyndaky finala-da eminlik edipdi. Ol 2014-nji ýylda “Real” bilen “Atletikonyň” arasyndaky Milanda oýnalan Çempionlar ligasynyň finalynda-da jürlewük çalypdy.

Uly finalyň emini Mažiç

“Real Madrid” bilen “Liwerpulyň” arasynda 26-njy maýda Ukrainanyň paýtagty Kiýewdäki Olimpiýa stadionynda oýnaljak UEFA Çempionlar ligasynyň finalyna serbiýaly Milorad Mažiç eminlik eder. 45 ýaşly emin Çempionlar Ligasynda ilkinji gezek finalda jürlewük çalar. 23:45-de başlanjak şol finalda Mažiçe meýdanyň 2 gapdalynda Milowan Ristiç bilen Dalibor Džurdžewiç ýardam berer. Oýnuň 4-nji emini-de fransiýaly Klemen Turpen bolar.

“Kliwlend”—“Boston” hem-de “Golden Steýt”—“Hýuston”

Amerikanyň Milli Basketbol ligasy NBA-da pleý-off tapgyry ýokary depginde dowam edýär. 1976-njy ýyldan bäri ilkinji gezek Los Anjeles we Nýu Ýork şäherleriniň toparlarynyň çykyş etmeýän pleý-off tapgyrynda Konferensiýalaryň çärýekdir ýarym final oýunlary tamam­landy. Ilki çärýek finallar barada aýtsak, Gündogar konferensiýasynda “Toronto Reptors” 6 oýnuň netijesinde “Waşington Wi­zardsdan” 4–2, 17 ýyldan soň pleý-offlara çykan “Filadelfia 76ers” topary “Maýami Hiti” 4–1 hasabynda ýeňdi. 7 oýnuň netijesinde ýeňijisi kesgitlenen duşuşyklarda NBA-nyň wise-çempiony “Kliw­lend Kawaliers” “Indiana Peýsersi” hem-de “Boston Seltiks” topary-da “Milwaki Baksy” 4–3 hasabynda ýeňlişe sezewar etdi. Günbatar konferensiýasynda adaty möwsümiň iň başarnykly topary “Hýuston Rokets” “Minnesota Timberwolwesi” hem-de soňky çempion “Goldes Steýt Warriors” “San Antonio Sparsy” 4–1 utdy. Öz konferensiýasyny 3-nji hatarda tamamlan “Portland Treýl Bleýzers” garaşylmadyk ýagdaýda “Nýu Orleans Pelikansdan” 4 duşuşykda-da ýeňildi. Şeýle-de “Oklahoma Siti Tander” topary “Ýuta Jazzdan” 6 duşuşygyň netijesinde 4–2 asgyn geldi.
Ýarym final tapgyrynda Gündogar konferensiýasynda “Kliwlend” topary 5 oýnuň netijesi boýunça “Torontony” 4–1 hasabynda ýeňip, finala çykdy. NBA-nyň iň köp çempion bolan topary “Boston” hem ýylyň garaşylmadyk netije görkezen kluby “Fila­delfiýany” 5 duşuşygyň 4-sinde ýeňip (4–1), finalçy boldy.
Günbatar konferensiýasynda-da garaşylýan toparlar finala çykdy. Ýagny “Hýuston” topary “Ýuta Jazzdan”, NBA-nyň soňky çempiony “Golden Steýt” topary “Nýu Orleans Pelikansdan” 5 oýnuň 4-sinde üstün çykyp, Günbataryň finalçylary boldy. Konferensiýalaryň finaly duşuşyklary 14–28-nji maý aralygynda geçirilip, 4 duşuşykda ýeňiş gazanan topar NBA-nyň finalyna çykar.

Gyzykly bolup bilerЕЩЕ ОТ АВТОРА