ABŞ-nyň işe­wür­lik jem­gy­ýe­ti Gün ener­gi­ýa­sy­na um­ma­syz möç­ber­de ma­ýa go­ýum öz­leş­dir­ýär. Gün ener­gi­ýa­sy bo­ýun­ça ma­ýa go­ýum tas­la­ma­la­ry­ny öw­ren­ýän “So­lar Ener­gy In­dust­ri­es As­socia­ti­on” (SEIA) gu­ra­ma­sy bu ugur­da ha­sa­bat taý­ýar­la­dy. Şol ha­sa­ba­ta gö­rä, ge­çen ýyl Gü­n şöh­le­sin­den peý­da­la­nyp, ener­gi­ýa mä­täç­li­gi­ni ka­na­gat­lan­dyr­mak üçin ma­ýa go­ýum öz­leş­di­ren kom­pa­ni­ýa­la­ryň sa­na­wy­ny mä­lim et­di.  Kom­pa­ni­ýa­la­ryň bu pu­da­ga tä­si­ri uly. Otur­dy­lan Gün pa­nel­le­ri 402 müň ame­ri­kan maş­ga­la­sy­ny elekt­rik to­gy bi­len üp­jün et­mä­ge hem-de ho­wadaky ha­pa gaz­la­ryň möç­be­ri­ni 2,4 mil­li­on met­rik ton­na çen­li azalt­ma­ga müm­kin­çi­lik ber­ýär.

Gün ener­gi­ýa­sy bi­len iş­le­ýän kom­pa­ni­ýa­la­ryň sa­na­wy:

10. “Ama­zon” – 33,6 MW: Bu kom­pa­ni­ýa di­ňe Gün ener­gi­ýa­sy däl, eý­sem, ener­gi­ýa çeş­me­le­ri­niň beý­le­ki gör­nüş­le­ri­ne hem gy­zyk­lan­ma bil­dir­ýär. Ge­çen ýyl kom­pa­ni­ýa Te­has şta­tyn­da ýel ener­gi­ýa­sy top­lu­my­ny dö­re­dip, ol ýer­den elekt­rik to­gu­ny ön­dü­rip baş­la­dy. Bu top­lum­da 100 tur­bi­na otur­dy­lyp, on­da her ýyl 1 mil­li­on me­ga­wat-sa­gat aras­sa elekt­rik ön­dü­ril­ýär.
9. “Macy’s” – 38,9 MW: Kom­pa­ni­ýa 40 MW kuw­wa­tyn­da Gün pa­nel­le­ri­ni gur­na­dy we mu­nuň bi­len çäk­len­me­gi göz öňün­de tut­ma­ýar. Şeý­le hem şe­re­ket zir-zi­bil­le­riň gaý­ta­dan iş­le­nil­me­gi­niň möç­be­ri­ni 70 gö­te­ri­me ýe­tir­me­gi göz öňün­de tut­ýar.
8. IKEA – 44,9 MW: Kom­pa­ni­ýa hä­zir­ki wagt­da 44,9 MW kuw­wa­tyn­da Gün pa­ne­li bi­len elekt­rik to­gu­nyň bel­li bir möç­be­ri­ni üp­jün ed­ýär. 2020-nji ýyl­da bol­sa, kom­pa­ni­ýa ze­rur bo­lan elekt­rik to­gu­nyň äh­li­si­ni gaý­ta­dan di­kel­di­len ener­gi­ýa çeş­me­le­ri ar­ka­ly üp­jün et­me­gi me­ýil­leş­dir­ýär.
7. “Ge­ne­ral Growth Pro­per­ti­es” – 50,2 MW: Goz­gal­ma­ýan em­läk ba­za­ryn­da iş alyp bar­ýan bu kom­pa­ni­ýa özü­ne ze­rur bo­lan elekt­rik to­gu­nyň bel­li bir möç­be­ri­ni ener­gi­ýa­nyň al­ter­na­tiw çeş­me­le­rin­den al­ýar. Mu­nuň üçin kuw­wa­ty 50,2 MW güý­jün­dä­ki Gün pa­nel­le­ri otur­dyl­dy.
6. “Costco Who­le­sa­le” – 50,8 MW: Kom­pa­ni­ýa Gün ener­gi­ýa­sy­na çyn­la­kaý gy­zyk­lan­ma bil­dir­ýär. 2017-nji ýy­lyň do­wa­myn­da şe­re­ke­te de­giş­li am­mar­lar­da Gün ener­gi­ýa­syn­dan peý­da­lan­yldy. Mu­nuň üçin ze­rur bo­lan kuw­wat­lyk dö­re­dil­di.
5. “Kohl’s” – 51,5 MW: Bu kom­pa­ni­ýa di­ňe Gün pa­nel­le­ri­ni gur­na­­ýar. Şol bir­wagt­da ol her ýyl 150 müň ton­na ma­te­rial­la­ry gaý­ta­dan iş­le­ýär.
4. “App­le” – 79,4 MW: Teh­no­lo­gi­ýa ul­ga­myn­da iş­le­ýän bu kom­pa­ni­ýa Gün ener­gi­ýa­syn­dan peý­da­lan­ýan şe­re­ket­le­riň sa­na­wyn­da 4-nji orun­da dur­ýar. Kom­pa­ni­ýa dün­ýä­niň äh­li ýe­rin­dä­ki şa­ham­ça­la­ryn­da aras­sa ener­gi­ýa­dan peý­da­lan­ma­gy üçin äh­li inf­rast­ruk­tu­ra­la­ry dö­ret­di. Şe­re­ke­tiň ýol­baş­çy­sy Tim Kuk mu­ny kom­pa­ni­ýa­nyň ga­za­nan uly üs­tün­li­gi hök­mün­de bel­läp geç­ýär.
3. “Pro­lo­gis” – 120,7 MW: Kom­pa­ni­ýa 121 MW kuw­wa­tyn­da Gün pa­nel­le­ri­ni gur­na­dy.
2. “Wal­mart” – 149,4 MW: 150 MW kuw­wa­tyn­da­ky Gün pa­nel­le­rin­den peý­da­lan­ýan ABŞ-nyň iri söw­da mer­kez­le­ri­niň bi­ri ha­sap­lan­ýan bu kom­pa­ni­ýa ha­pa gaz­la­ryň ho­wa goý­be­ril­me­gi­niň öňü­ni al­mak üçin gö­reş alyp bar­ýan­dy­gy­ny mä­lim et­di.
1. “Tar­get” – 203,5 MW: Sa­naw­da bi­rin­ji orun­da dur­ýan kom­pa­ni­ýa di­ňe 2017-nji ýyl­da 40 MW kuw­wa­tyn­da Gün pa­nel­le­rini gur­na­dy. Şe­re­ke­tiň bu ugur­da­ky umu­my kuw­wa­ty 200 MW-dan hem gow­rak bol­dy.

Suhannazar GOŞAÝEW,
S. A. Ny­ýa­zow adyn­da­ky
TO­HU-nyň mugallymy.

Gyzykly bolup bilerЕЩЕ ОТ АВТОРА