Aw­tou­lag önüm­çi­li­gin­de tu­tuş dün­ýä­de uly meş­hur­lyk ga­za­nan “Toyo­ta” kom­pa­ni­ýa­sy “Ener­gy Ob­server” at­ly de­ňiz gä­mi­si­niň tas­la­ma­sy­nyň üs­tün­de iş­le­ýär. Ýan­gyç ulan­maz­dan he­re­ket ed­ýän bu gä­mi ge­çen ýy­lyň iýul aýyn­da 6 ýyl­lyk ýü­zü­şi­ne baş­lap­dy. Bu sy­nag ýü­zü­şi gä­mi­de otur­dy­lan gur­na­ma­la­ryň ne­ti­je­li­li­gi­ni göz­den ge­çir­mek­den yba­rat­dyr. Gä­mi bu sy­ýa­ha­tyn­da dün­ýä­niň 50 ýur­du­na ba­rar. Hä­zir­ki wagt­da ol özü­niň ge­ze­len­ji­niň 25-nji tap­gy­ryn­da We­ne­si­ýa bar­dy. Gä­mi­niň içer­ki he­re­ket­len­di­ri­ji­si­niň or­nu­na gib­rid güýç ge­ne­ra­to­ry otur­dyl­dy. Ol Gün­den, ýel­den we tol­kun­lar­dan ener­gi­ýa alyp, öz he­re­ke­ti­ni do­wam et­dir­ýär. Her hi­li nä­saz­lyk­lar na­zar­da tu­tu­lyp, äti­ýaç­lyk ener­gi­ýa çeş­me­si hök­mün­de de­ňiz su­wun­dan ön­dü­ril­ýän wo­do­ro­dyň go­ry sak­lan­ýar. “Äti­ýaç­da­ky” wo­do­rod gä­mi­de otur­dy­lan teh­no­lo­gik gur­na­ma­lar esa­syn­da alyn­ýar. De­ňiz su­wu­nyň du­zy aras­sa­la­nyp, elekt­ro­li­ziň kö­me­gi bi­len su­wuň mo­le­ku­la­sy kis­lo­ro­da we wo­do­ro­da bö­lün­ýär. Eme­le ge­len gaz ýö­ri­te äti­ýaç­lyk çe­lek­ler­de sak­lan­ýar.
“Ener­gy Ob­server” 1983-nji ýyl­da ýü­ze çy­kyp­dy, ýö­ne il­kinji ýyl­lar­da ol ýö­nekeý ýel­ken­li gaýykdy. Ony dö­re­den in­že­ner Naý­jel Aý­rens ýa­ryş­la­ra gat­naş­mak üçin oý­lap ta­pyp­dy. Hä­zir ol kä­mil­leş­di­ri­lip, uzyn­ly­gy 30,5 met­re we ini 12,8 met­re ba­ra­bar bo­lan gä­mi de­re­je­si­ne ýe­ti­ril­di. Onuň 6 ýyl­lyk ýü­zü­şi­niň esa­sy mak­sa­dy gaý­ta­dan di­kel­dil­ýän ener­gi­ýa çeş­me­le­rin­den giň­den peý­da­lan­ma­gy wa­gyz et­mek­den yba­rat­dyr.

Gyzykly bolup bilerЕЩЕ ОТ АВТОРА