For­mu­la 1 bo­ýun­ça möw­sü­miň 11-nji bäs­le­şi­gi Ger­ma­ni­ýa­nyň Ho­ken­haým şä­her­çe­sin­dä­ki 4574 metr­lik “Ho­ken­haým­ring” tras­sa­syn­da ge­çi­ril­di. 67 aý­law­dan yba­rat bo­lan bäs­le­şi­gi ýer eýe­si hök­mün­de gö­rül­ýän Se­bas­ti­an Wet­tel (“Fer­ra­ri”) il­kin­ji ha­tar­dan bat al­dy. Ýa­ryş 52-nji aý­la­wa çen­li ada­ty ýag­daý­da do­wam et­di. Ýag­şyň güýç­len­me­gi bi­len ty­pan­çak bo­lan ýo­da­da sa­na­wyň li­de­ri ki­çeň­räk awa­ri­ýa se­ze­war bol­dy. Ol ula­gy­na erk edip bil­män, ne­ti­je­de, ýa­ryş­dan çyk­dy. Şon­dan soň, 57-nji aý­la­wa çen­li ýa­ryş howp­suz­lyk ula­gy­nyň gözegçiliginde geç­di. Ahy­ryn­da-da wag­tyn­da ama­la aşy­ran pit-stop tak­ti­ka­la­ry bi­len bäs­le­şip, öňdäki orunlara çykan “Mercedes”-iň bri­tan pi­lo­ty Le­wis Ha­mil­ton öňe saýlandy. As­lyn­da, ol 14-nji bo­lup ýa­ry­şa baş­lap­dy. Ga­lan 10 aý­la­wy-da ýe­ňil­lik bi­len 1-nji orun­da ta­mam­lan Ha­mil­ton şu möw­süm­dä­ki 4-nji, kar­ýe­ra­syn­da­ky 66-njy ýeň­şi­ni ga­zan­dy. On­dan 4,5 se­kunt yza ga­lan­ to­par­da­şy, finl­ýan­di­ýa­ly Walt­te­ri Bot­tas 2-nji ýe­re my­na­syp bol­dy. Ha­mil­ton­dan 6,7 se­kunt soň, pel­le­ha­na ge­len baş­ga bir fin pi­lo­ty, “Fer­ra­ri” to­pa­ry­nyň we­ki­li Ki­mi Ra­ik­ko­nen 3-nji or­ny eýe­le­di. Gol­lan­di­ýa­ly Maks Wers­tap­pen (“Red Bull”), ger­ma­ni­ýa­ly Ni­ko Hul­ken­berg (“Re­nault”), fran­si­ýa­ly Ro­man Gro­žan (“Ha­as”), mek­si­ka­ly Ser­hio Pe­rez, fran­si­ýa­ly Es­te­ban Okon (iki­sem — “Force In­dia”), şwe­si­ýa­ly Mar­kus Eriks­son, awst­ra­li­ýa­ly Bren­don Hart­li de­giş­li­lik­de, 4–10-njy ýer­le­ri eýe­läp, ýa­ryş­da utuk ga­za­nan beý­le­ki pi­lot­lar bol­dy.
Bu ýa­ryş­dan soň, utugy­ny 188-e ýe­ti­ren Ha­mil­ton sa­naw­da 1-nji or­na çyk­dy. Öz ýur­dun­da­ky “Gran Pri­ni” şow­suz­lygy se­bäp­li utuk­syz ta­mam­lan Wet­tel 2-nji bas­gan­ça­ga düş­di (177 utuk). 3–4-nji orun­la­ry paý­laş­ýan finl­ýan­di­ýa­ly pi­lot­lar — Ra­ik­ko­ne­niň 131, Bot­ta­syň 122 utu­gy bar. Awst­ra­li­ýa­ly Da­ni­el Rik­ki­ar­do 106 utuk bi­len 5-nji ha­tar­da bar­ýar.
To­par­la­ryň ara­syn­da-da utu­gy­ny 310-a ýe­ti­ren “Mercedes” öňe saý­lan­dy. “Fer­ra­ri­niň” 302, “Red Bul­luň” 211 utu­gy bar. Möw­sü­miň 12-nji ýa­ry­şy 29-njy iýul­da, ýag­ny er­tir Weng­ri­ýa­da ge­çi­ri­ler. Şon­dan soň, For­mu­la 1 ýa­ryş­la­ryn­da bir aýa go­laý wagt­lyk ara­kes­me yg­lan edi­ler.

Gyzykly bolup bilerЕЩЕ ОТ АВТОРА