Päk ni­ýet­li­li­giň, sa­ha­wat­ly­ly­gyň, ag­zy­bir­li­giň we je­bis­li­giň nu­ru­ny dün­ýä dol­du­ryp, Gur­ban baý­ra­my ýe­tip gel­di. Gur­ban baý­ra­myn­da adam­lar do­gan-ga­ryn­daş­la­ry, dost-ýar­la­ry, goň­şy-go­lam­la­ry bi­len bir sa­ça­ga jem­le­nip ag­zy­bir­li­giň, je­bis­li­giň asyl nus­ga­sy­ny gör­kez­ýär­ler. Bu baý­ram­çy­lyk adam­la­ry ru­hy taý­dan pä­ki­ze, sa­byr-ta­kat­ly, ki­çi­gö­wün­li, ge­çi­rim­li, sa­hy bol­ma­ga ça­gyr­ýan baý­ram­la­ryň bi­ri bo­lup dur­ýar.
Ata-ba­ba­la­ry­myz bu baý­ram­çy­ly­gy äh­li dö­wür­ler­de hem uly şat­lyk bi­len, mil­li aý­ra­tyn­lyk­la­ry­my­za we däp­le­ri­mi­ze la­ýyk­lyk­da giň­den bel­läp­dir­ler. Ga­dym­dan gel­ýän dä­be la­ýyk­lyk­da, Gur­ban baý­ra­my­nyň bi­rin­ji gü­ni Baý­ram na­ma­zy okal­ýar.
Hor­mat­ly Pre­zi­den­ti­mi­ziň ýol­baş­çy­ly­gyn­da mu­kad­des Gur­ban baý­ra­my ýur­du­myz­da giň­den bel­le­ni­lip ge­çil­ýär. Mil­li Li­de­ri­mi­ziň Gur­ban baý­ra­my­ny bel­le­mek ha­kyn­da­ky Per­ma­ny esa­syn­da hal­ky­my­zyň baý­ram­çy­lyk gün­le­ri­ni ag­zy­bir­lik­de ge­çir­mek­le­ri üçin giň müm­kin­çi­lik­ler dö­re­dil­ýär. Baý­ram­çy­lyk gün­le­rin­de goň­şy-go­lam­la­ry, dost-ýar­la­ry we do­gan-ga­ryn­daş­la­ry bi­len naz-nyg­mat­ly baý­ram­çy­lyk sa­ça­gy­nyň ba­şyn­da di­dar­laş­mak in­di asyl­ly dä­be öw­rül­di. Şeý­le hem baý­ram­çy­lyk gün­le­rin­de ýur­du­my­zyň çar kün­je­gin­de dür­li me­de­ni köp­çü­lik­le­ýin çä­re­ler ge­çi­ril­ýär. Äh­li ýer­ler­de gur­na­lan hiň­ňil­dik­le­riň daş-tö­we­re­gi örän köp adam­ly bo­lup, olar­da ýaş­lar bat alyp uç­ýar­lar, şat­lan­ýar­lar.
“Ima­nym ýol­daş bol­sa, bar­sam, Kä­bä­ni gör­sem” di­ýen do­ga­ýy ar­zuw kül­li türk­me­niň baş ar­zu­wy­dyr. Şu ýyl hem yn­san­per­wer­li­giň baý­ra­my bo­lan Gur­ban baý­ra­my­nyň öňü­sy­ra­syn­da hor­mat­ly Pre­zi­den­ti­mi­ziň Buý­ru­gy­na la­ýyk­lyk­da, il­deş­le­ri­mi­ziň 153-si bü­tin dün­ýä­niň zy­ýa­rat­çy­la­ry­nyň mil­li­on­lar­ça­sy bi­len bir ha­tar­da, şu sa­ha­wat­ly günler­de mu­kad­des Kä­bä tag­zym et­mek we beý­le­ki des­sur­la­ry ber­jaý et­mek üçin Mek­ge­de hem-de Me­di­ne­de bo­lar­lar. Olar Gah­ry­man Ar­ka­da­gy­my­za jan sag­lyk, ab­raý, be­lent mer­te­be, il-ýurt bäh­bit­li iş­le­rin­de gu­jur-gaý­rat, hal­ky­my­za gül­läp ösüş­ler, rys­gal-döw­let, asu­da­lyk, ag­zy­bir­lik di­leg eder­ler.
Gur­ban baý­ra­my­nyň toý sa­çak­la­ry dür­li-dü­men nyg­mat­lar­dan do­ly bol­ýar. Türk­men hal­ky baý­ram­çy­lyk gün­le­ri gur­ban­lyk sa­da­ka­la­ry­ny be­rip, toý sa­ça­gy­ny giň­den ýaz­ýar­lar. Ýü­rek­le­re ýag­ty ýal­kym sa­çyp, kö­ňül­le­ri päk­le­ýän yn­san­per­wer­li­giň baý­ra­my bo­lan Gur­ban baý­ra­my­ňyz gut­ly bol­sun! Do­ga-di­leg­le­ri­ňiz, ber­jek sa­da­ka­la­ry­ňyz Be­ýik Bi­ri­ba­ryň ke­rem­li der­gä­hin­de ka­bul bol­sun, eziz il­deş­ler!

Gyzykly bolup bilerЕЩЕ ОТ АВТОРА