“Re­al Mad­rid” to­pa­ry ozal­ky oýun­çy­sy Ma­ria­no Di­az Me­hi­ýa bi­len dü­zü­mi­ni güýç­len­dir­di. Mad­rid­li­ler Fran­si­ýa­nyň “Li­on” to­pa­ryn­dan Do­mi­ni­kan Respublikasynyň hü­jüm­çi­si Diazy 22 mil­li­on ýew­ro trans­fer et­di. Ol 4 ýyl­lyk şert­na­ma bag­laş­dy. 2016/17 möw­sü­min­de “Re­al­da” 8 oýun­da meý­dan­ça çy­kan Di­az ge­çen möw­süm­de “Lio­nyň” dü­zü­min­de 37 du­şu­şyk­da 18 gol ge­çir­di. Di­az “Re­al Mad­rid­de” öňki ýyllarda Ra­ul, Fi­go, Ro­nal­do ýa­ly ro­wa­ýa­ty oýun­çy­la­ryň ge­ýen 7-nji bel­gi­li köý­nek­çe­si­ni ge­ýer.

Grek­le­riň iň köp çem­pi­on­lyk ga­za­nan to­pa­ry “Olim­pia­kos” kot-d’Iwuar­ly ýa­rym­go­rag­çy Ýa­ýa Tu­re­ni trans­fer et­di. 35 ýaş­ly oýun­çy 2005/06 möw­sü­min­de-de “Olim­pia­kos­da” oý­nap­dy. “Be­we­ren”, “Me­tal­lurg”, “Mo­na­ko”, “Bar­se­lo­na” we “Man­çes­ter Si­ti” to­par­la­ryn­da oý­nan Tu­re mil­li ýy­gyn­dy­syn­da 101 ge­zek du­şu­şyk ge­çir­di.

“Ýu­wen­tus” bi­len şert­na­ma­sy ta­mam­la­nan ita­li­ýa­ly ýa­rym­go­rag­çy Klau­dio Mar­ki­zio Rus­si­ýa­nyň “Ze­nit” to­pa­ry­nyň ha­ta­ry­na go­şul­dy. 32 ýaş­ly oýun­çy Sankt-Pe­ter­burg şä­he­ri­niň to­pa­ry bi­len 2020-nji ýy­la çen­li de­giş­li şert­na­ma gol çe­kiş­di. Tä­ze to­pa­ryn­da 10-njy bel­gi­de çy­kyş et­jek Mar­ki­zio 2006–2018-nji ýyl­lar ara­ly­gyn­da “Ýu­wen­tu­syň” köý­nek­çe­si­ni geý­di (389 oýun).

Fran­si­ýa­ly hü­jüm­çi Ha­tem Ben Ar­fa kar­ýe­ra­sy­ny “Li­gue 1-iň” “Renn” to­pa­ryn­da do­wam et­di­rer. 31 ýa­şyn­da­ky hü­jüm­çi tä­ze klu­by bi­len 2 ýyl­lyk şert­na­ma bag­laş­dy. Ge­çen möw­süm PSŽ-de 1 ge­ze­gem meý­dan­ça çyk­ma­dyk Ben Ar­fa “Li­on­da” fut­bo­la baş­lap, “Mar­sel”, “Nýu­kasl”, “Hull Si­ti”, “Nis­sa” to­par­la­ryn­da oý­nap­dy.

Kot-d’Iwuar­ly hü­jüm­çi Seý­du Dum­bi­ýa Is­pa­ni­ýa­nyň “Ži­ro­na” to­pa­ry bi­len 3 ýyl­lyk şert­na­ma bag­laş­dy. 30 ýaş­ly hü­jüm­çi ge­çen möw­süm­de “Spor­ting” (Lis­sa­bon) to­pa­ryn­da oý­nap, ol 14 oýun­da 1 gol hem ge­çi­rip bil­me­di. 30 ýa­şyn­da­ky hü­jüm­çi 2015-nji ýyl­dan bä­ri dür­li klub­lar­da kä­ren­de­si­ne oý­na­ýar.

Dort­mun­dyň “Bo­rus­si­ýa” to­pa­ry “Bar­se­lo­na­nyň” 24 ýa­şyn­da­ky is­pa­ni­ýa­ly hü­jüm­çi­si Pa­ko Al­ka­se­ri dü­zü­mi­ne goş­dy. Ol möw­sü­miň ahy­ry­na çen­li “Bo­rus­si­ýa­da” kä­ren­de­si­ne oý­nar. “Wa­len­si­ýa”, “He­ta­fe”, “Bar­se­lo­na” to­par­la­ryn­da 198 du­şu­şyk­da 62 gol ge­çi­ren Al­ka­ser tä­ze klu­bun­da 9-njy bel­gi­li köý­nek­çä­ni ge­ýer.

Tür­ki­ýä­niň “Bur­sas­por” to­pa­ry­nyň awst­ra­li­ýa­ly go­rag­çy­sy Aziz Be­hiç mun­dan soň, kar­ýe­ra­sy­ny Gol­lan­di­ýa­nyň PSW to­pa­ryn­da do­wam et­di­rer. Mark Wan Bom­me­liň tä­lim­çi­li­gin­dä­ki PSW to­pa­ry 27 ýaş­ly oýun­çy bi­len 4 ýyl­lyk şert­na­ma bag­laş­dy.

 

Gyzykly bolup bilerЕЩЕ ОТ АВТОРА