Gah­ry­man Ar­ka­da­gy­my­zyň taý­syz ta­gal­la­la­ry ne­ti­je­sin­de, Türk­me­nis­tan döw­le­ti­miz sport ýur­dy hök­mün­de tu­tuş dün­ýä­de yk­rar edil­di. Ýur­du­myz­da spor­ty ös­dür­mek ba­bat­da al­nyp ba­ryl­ýan giň ge­rim­li öz­gert­me­le­riň ne­ti­je­sin­de, spor­tuň köp san­ly gör­nüş­le­ri saz­la­şyk­ly ösüş ýo­lu­na düş­di. Türk­men tür­gen­le­ri­niň hal­ka­ra ýa­ryş­la­ry­na gat­na­şyp, baý­rak­ly orun­la­ry eýe­le­me­gi, ata Wa­ta­ny­my­zyň sport üs­tün­lik­le­ri­ne sal­dam­ly go­şant goş­ma­gy üçin giň ýol açyl­dy.
Türk­me­nis­tan iri sport ýa­ryş­la­ry­nyň ge­çi­ril­ýän me­ka­ny­na öw­rül­di. Ýa­ňy-ýa­kyn­da mil­li Li­de­ri­mi­ziň baş­lan­gy­jy bi­len ta­ry­hy Ýü­pek ýo­lu­nyň ug­run­da iri sport ýa­ry­şy – “Amul – Ha­zar 2018” hal­ka­ra aw­to­ral­li­si ge­çi­ril­di. Dün­ýä­niň köp san­ly ýur­dun­dan dün­ýä bel­li aw­to­mo­bil spor­tu­nyň tür­gen­le­ri­ni gü­neş­li Di­ýa­ry­myz­da bir­leş­di­ren bu ýa­ryş Türk­me­nis­ta­nyň aw­to­mo­bil spor­tu­nyň Ýer ýü­zün­dä­ki şa­ny­ny we mer­te­be­si­ni be­len­de göterdi.
Şöh­rat­ly Be­ýik Ýü­pek ýo­lu­nyň ug­run­dan ge­çen bu ägirt uly aw­to­mo­bil ýa­ry­şy dün­ýä­niň 20-den gow­rak ýur­dun­dan spor­tuň özü­ne­çe­ki­ji gör­nüş­le­ri­niň bi­ri­niň us­sat­la­ry­ny hem-de hö­wes­jeň­le­ri­ni bir­leş­dir­di. Türk­me­nis­ta­nyň ýy­gyn­dy to­pa­ry­na 15 eki­paž we­kil­çi­lik et­di. Hü­när­men­le­riň ba­ha ber­me­gi­ne gö­rä, bi­ziň aw­to­mo­bil sü­rü­ji­le­ri­miz go­wy ne­ti­je­le­ri gör­ke­zip, da­şa­ry ýurt­ly tür­gen­ler bi­len my­na­syp bäs­leş­me­gi ba­şar­dy­lar. Türk­me­nis­ta­nyň to­par­la­ry­nyň iki­si bol­sa, öz­le­ri­niň gat­na­şan ugur­la­ryn­da üçün­ji or­ny eýe­läp, ýur­du­my­zyň sport üs­tün­lik­le­ri­ne sal­dam­ly go­şant goş­du­lar.
Hor­mat­ly Pre­zi­den­ti­miz “Amul – Ha­zar 2018” aw­to­ral­li ýa­ry­şy­nyň ne­ti­je­le­ri­ne ka­na­gat­lan­ma bil­di­rip, Türk­me­nis­ta­nyň to­pa­ry­nyň in­di­ki ýy­lyň 5–12-nji ma­ýy ara­ly­gyn­da ge­çi­ril­jek aw­to­ral­li ýa­ry­şy­na gat­naş­ma­ga hukuk ga­za­nan­dy­gy­ny nyg­ta­dy. Döw­let Baş­tu­ta­ny­myz hem­me­le­ri bu şan­ly wa­ka my­na­sy­bet­li tüýs ýü­rek­den gut­lap, äh­li tür­gen­le­ri­mi­ze in­di­ki ýyl ge­çi­ril­jek aw­to­ral­li ýa­ryşy­na go­wy taý­ýar­lan­ma­gy hem-de tä­ze üs­tün­lik­le­ri ga­zan­ma­gy ar­zuw et­di.
Ral­li­niň ne­ti­je­le­ri bo­ýun­ça üçün­ji hor­mat bas­gan­ça­gy­na gal­ma­gy ba­şa­ran türk­men to­par­la­ry­nyň iki­si­niň ag­za­la­ry “Mercedes-Benz E200 Coupe” (sü­rü­ji Ho­ja­gu­ly An­na­mäm­me­dow), “Toyo­ta Avalon” (ýol­be­le­di Gaý­gy­syz Ak­my­ra­dow) hem-de “Toyo­ta Cam­ry” (sü­rü­ji Gu­wanç­ Hom­ma­dow) we “Toyo­ta Cam­ry” (ýol­be­le­di Re­jep­ny­ýaz An­na­ber­di­ýew) ky­sym­ly aw­tou­lag­lar bi­len sy­lag­la­nyl­dy.
Döw­let Baş­tu­ta­ny­my­zyň Ka­ra­ry­na la­ýyk­lyk­da, “Amul – Ha­zar 2018” hal­ka­ra aw­to­ral­li ýa­ry­şy­na iş­jeň gat­na­şan iş­gär­le­riň we tür­gen­le­riň köp san­ly­sy ýa­dy­gär­lik ny­şa­ny bi­len sy­lag­la­nyl­dy.
Il­kin­ji ge­zek ge­çi­ri­len bu tas­la­ma­nyň en­çe­me to­par­la­ryň, sü­rü­ji­le­riň gat­naş­ma­ga me­ýil bil­dir­mek­le­ri­niň türk­men ral­li­si­niň gel­jek­de aw­to­mo­bil spor­ty bo­ýun­ça ab­raý­ly ýa­ryş­la­ryň se­ne­na­ma­sy­na gir­jek­di­gi­ni çak­la­ma­ga esas ber­ýän­di­gi ha­ky­kat­dyr.
Amy­der­ýa­nyň ke­na­ryn­da ýer­le­şen ga­dy­my Amul ga­la­syn­dan ýo­la dü­şen ussat sü­rü­ji­ler gün­do­gar­dan gün­ba­tar­ly­gy­na tu­tuş ýur­du­myz bo­ýun­ça bir ýa­rym müň­den gow­rak ki­lo­metr ýol aşyp, Ga­ra­gum säh­ra­sy­nyň gi­ňiş­lik­le­rin­de çyl­şy­rym­ly ýol bö­lek­le­ri­ni geç­di­ler. Ýa­ry­şyň ady – “Amul – Ha­zar 2018” Be­ýik Ýü­pek ýo­lu­nyň tu­tuş se­bit üçin ýur­du­my­zyň bag­la­nyş­dy­ry­jy or­nu­ny ýü­ze çy­kar­dy. Ral­li­niň ara­ly­gynyň umu­my uzyn­ly­gy 1500 ki­lo­metr­den gow­rak bo­lan ýö­ri­te ýer bö­lek­le­riň 5-sin­den yba­rat bol­dy. Ulag­la­ryň sü­rü­ji­le­ri to­ma­şa­çy­la­ry teh­ni­ka­ny ezber do­lan­dy­ryş­la­ry bi­len be­gen­dir­di­ler.
Ýol­suz ýer­ler­den gy­zyk­ly, ýö­ne çyl­şy­rym­ly ugur teh­ni­ka­lar we adam­lar üçin ha­ky­ky sy­nag bol­dy. Ga­ra­gu­muň çä­ge­si, alaň­la­ry, säh­ra­sy; te­bi­ga­tyň gö­zel­li­gi hem-de ýeň­şe bo­lan ym­ty­lyş ýa­ry­şa gat­na­şy­jy­la­ry ruh­lan­dyr­dy. Bu ýa­ryş di­ňe bir aja­ýyp sport şü­we­le­ňi bol­man, eý­sem, hal­ka­ra yn­san­per­wer hyz­mat­daş­ly­gy ös­dür­mä­ge, halk­la­ryň ara­syn­da dost­lu­gy we öza­ra dü­şü­niş­me­gi pug­ta­lan­dyr­ma­ga sal­dam­ly go­şant bol­dy. Bu ýa­ryş­la­ry gu­ra­mak­da daş­ky gur­şa­wy go­ra­ma­gyň, şol san­da ho­wa­nyň üýt­ge­me­gi bi­len bag­ly me­se­le­le­re gö­nük­di­ri­len çä­re hök­mün­de ral­li­niň eko­lo­gik de­re­je­si mö­hüm orun eýe­le­di.
Ýa­ry­şyň ýe­ňi­ji­le­ri­ne ýö­ri­te baý­rak­la­ry we “Amul – Ha­zar 2018” ýa­dy­gär­lik teň­ňe­le­riň top­lu­my­ny hem-de sow­gat­lyk türk­men mil­li ly­bas­la­ry­ny – iç­mek­le­ri we silk­me tel­pek­le­ri gow­şur­dy­lar. Şeý­le­lik­de, al­tyn baý­ra­gyň eýe­le­ri: öz­le­ri­niň “MI­NI” aw­tou­la­gyn­da ýo­ly hem­me­ler­den tiz ge­çen is­pan­lar Ho­an Ro­ma we Aleks Ha­ro, Be­la­ru­suň “MAZ” to­pa­ry – sü­rü­ji­si Ser­geý Wýa­zo­wiç, ştur­ma­ny Pa­wel Ga­ra­nin hem-de me­ha­ni­gi And­reý Ži­gu­lin, Ga­za­gys­tan­dan “NIS­SAN” aw­tou­la­gy­nyň to­pa­ry Ki­rill Çer­nen­kow we Alek­seý Mun, fran­suz to­par­la­ry Týer­ri Pi­ta­wi we Jil­lis Ko­lom­be, Iwan-Pýer­re we We­ro­ni­ka Dard da­gy bol­du­lar.
Kü­müş baý­rak­la­ra: Çe­hi­ýa­dan Mi­ros­law Zap­le­tal we Ma­rek Si­ko­ra, Rus­si­ýa­dan “ka­ma­zyň” sü­rü­ji­le­ri Aý­rat Mar­de­ýew, Dmit­riý Swis­tu­now we Ah­met Gil­ýa­ut­di­now, fran­suz jü­bü­ti Her­we Dirs we Alan Brýus, ga­za­gys­tan­ly­lar Ma­rat we Nur­sul­tan Abi­ka­ýew­ler, bri­ta­ni­ýa­ly sü­rü­ji Gar­ri Hant öz ştur­ma­ny Wou­ter Ro­ze­ga­ar bi­len my­na­syp bol­du­lar.
Hor­mat mün­be­ri­niň üçün­ji bas­gan­ça­gy­na, ozal ag­za­lyp ge­çi­li­şi ýa­ly, türk­men to­par­la­ry­nyň iki­si: sü­rü­ji Ho­ja­gu­ly An­na­mäm­me­dow — Türk­me­nis­ta­nyň Pre­zi­den­ti­niň Di­wa­ny­nyň aw­tou­lag kär­ha­na­sy­nyň sü­rü­ji­si, Türk­me­nis­ta­nyň Içe­ri iş­ler mi­nistr­li­gi­niň Sport-ulag mer­ke­zi­niň tür­ge­ni hem-de ştur­man Gaý­gy­syz Ak­my­ra­dow — Türk­me­nis­ta­nyň Go­ran­mak mi­nistr­li­gi­niň aw­tou­lag mü­dir­li­gi­niň ser­ker­de­si, şeý­le hem sü­rü­ji Gu­wanç Hom­ma­dow, Türk­me­nis­ta­nyň IIM-niň Sport-ulag mer­ke­zi­niň tür­ge­ni hem-de ştur­man Re­jep­ny­ýaz An­na­ber­di­ýew çyk­dy­lar.
Bü­rünç baý­rak eýe­le­ri­niň ara­syn­da şeý­le hem “KA­MAZ-mas­te­riň” we­kil­le­ri Dmit­riý Sot­ni­kow, Rus­lan Ah­ma­de­ýew, Il­giz Ah­metz­ýa­now, fran­suz­lar Žan-Klod Ruf­ýe we Je­rom Bos, gol­land­lar Gert Žan wan der Walk hem-de Bran­ko da Lan­ge bar.

Kerkaw BAGABEKOW,
S. A. Ny­ýa­zow adyn­da­ky TO­HU-nyň mugallymy.

 

Gyzykly bolup bilerЕЩЕ ОТ АВТОРА