Futbol bo­ýun­ça Türk­me­nis­ta­nyň Ýo­ka­ry li­ga­syn­da 21-nji tap­gy­ryň çäk­le­rin­de 3 du­şu­şyk oý­na­lyp, olar­da ýer eýe­le­ri ýe­ňiş ga­zan­dy. “Ener­ge­tik” öz meý­dan­ça­syn­da “Aha­ly” ka­bul et­di. Du­şu­şyk 1–0 ha­sa­byn­da ýer eýe­le­ri­niň ýeň­şi bi­len ta­mam­lan­dy. Ola­ra ýe­ňiş ge­ti­ren ýe­ke-täk pök­gi­ni oý­nuň 3-nji mi­nu­tyn­da Pa­ra­hat Ju­ma­na­za­row der­we­zä gi­riz­di. Şeý­le ha­sap bi­len ta­mam­la­nan ýe­ne bir du­şu­şyk­da “Aş­ga­bat” to­pa­ry “Şa­ga­dam­dan” 1–0 ha­sa­byn­da üs­tün çyk­dy. Bu oýun­da-da gol du­şu­şy­gyň ba­şyn­da der­we­zä gi­ri­zi­lip, ony 9-njy mi­nut­da Şi­ri An­na­ýew öz ady­na ýaz­dyr­dy. “Ne­bit­çi” bol­sa, öz meý­dan­ça­syn­da paýt­ag­ty­my­zyň “Kö­pet­dag” to­pa­ry­ny 2–1 ha­sa­byn­da ýeň­di. Öwez­baý Mu­ham­met­my­ra­do­wyň 40-njy mi­nut­da­ky go­ly bi­len öňe saý­la­nan myh­man­la­ryň to­run­dan ýe­ňiş gol­la­ry­ny 48-nji we 71-nji mi­nut­lar­da Ser­dar Tu­ky­ýew ge­çir­di. “Merw” bi­len “Al­tyn asy­ryň” ara­syn­da­ky oýun ara­gat­na­şyk­çy­la­ryň myh­man­çy­lyk­da “Ap­rel 25” to­pa­ry bi­len du­şu­şan­dy­gy se­bäp­li 10-njy sent­ýab­ra ge­çi­ril­di.
Şeý­le-de 18-nji tap­gy­ryň gal­dy­ry­lan oý­nun­da “Al­tyn asyr” öz meý­dan­ça­syn­da “Ne­bit­çi­ni” ka­bul et­di. Çe­ke­le­şik­li ge­çen du­şu­şyk­da jan­kö­ýer­ler 5 go­luň şa­ýa­dy bol­dy. Ola­ryň 4-si 1-nji ýa­rym­da der­we­zä gi­ri­zi­lip, “Al­tyn asyr” 3–2 ha­sa­byn­da ýeň­şi­ni baý­ram et­di. 3-nji mi­nut­da Wa­hyt Oraz­sä­he­dow pe­nal­ti­ni dürs ýe­ri­ne ýe­tir­di. 23-nji we 25-nji mi­nut­lar­da-da “Al­tyn asy­ryň” iki at­daş fut­bol­çy­sy Gur­ban­gel­di Sä­he­dow bi­len Gur­ban­gel­di Ba­ty­row ta­pa­wut­lan­dy. 45-nji mi­nut­da Ser­dar Tu­ky­ýe­wiň, 77-nji mi­nut­da-da pe­nal­ti­den Ýew­ge­niý Tka­çen­ko­nyň sa­lan gol­la­ry “Ne­bit­çi to­pa­ry­na ýe­ňiş üçin ýe­ter­lik bol­ma­dy. Şun­luk­da, bu du­şu­şyk­da soň, 1 utuk ara­ta­pa­wu­dy bi­len 1 oý­ny kem “Al­tyn asyr” sa­naw­da 1-nji or­na geç­di.

Gyzykly bolup bilerЕЩЕ ОТ АВТОРА