Il­deş­le­ri­miz De­mir­ga­zyk Ko­re­ýa­nyň “Ap­rel 25” to­pa­ry bi­len paý­tag­ty­myz­da­ky “Kö­pet­dag” sta­dio­nyn­da oý­na­lan jo­gap du­şu­şy­gyn­da deň­me-deň oý­nap, fi­na­la çyk­ma­ga hu­kuk ga­zan­dy. Bu du­şu­şy­ga Bir­le­şen Arap Emir­lik­le­rin­den Am­mar Al-Je­nei­bi emin­lik et­di. Du­şu­şy­ga to­ma­şa et­mä­ge 11750 jan­kö­ýer gat­naş­dy. Oý­na myh­man to­par er­jel­lik bi­len baş­la­dy. Se­bä­bi öz meý­dan­ça­syn­da 2–2 deň­me-deň oý­nan “Ap­rel 25” to­pa­ry­nyň hök­ma­ny gol ge­çir­me­gi ge­rek­di. “Al­tyn asyr” to­pa­ry­na bol­sa, 0–0 ýa-da 1–1 ýa­ly deň­lik ha­sap­lar hem ýe­ter­lik­di. Du­şu­şy­gyň 7-nji mi­nu­tyn­da myh­man­lar öňe saý­lan­dy. Sim Hýon-Ji­niň uzak ara­lyk­dan uran bat­ly ur­gu­sy­ny der­we­ze­çi Mäm­met Oraz­mu­ham­me­dow gaý­tar­ma­gy ba­şar­dy. Der­we­ze­çi­mi­ziň gaý­ta­ran şol to­pu­ny Han Song-Hýok kel­le bi­len urup, ha­sa­by aç­dy. Şon­dan soň, oýun az­da-kän­de myh­man­la­ryň yg­ty­ýa­ryn­da or­ta­tap ýag­daý­da do­wam et­di.
1-nji ýa­ry­myň soň­ky 20 mi­nu­tyn­da türk­men fut­bol­çy­la­ry bir­nä­çe pur­satlary dö­ret­di­ler. Şo­la­ryň bi­rin­de 1-nji ýa­ry­myň ahy­ryn­da Wa­hyt Oraz­sä­he­do­wyň uran ur­gu­sy der­we­zä­niň go­la­ýyn­dan geçip, meý­dan­ça­nyň da­şy­na çyk­dy. To­par­lar myh­man­la­ryň 1–0 ha­sa­byn­da­ky üs­tün­ligi bi­len ara­kes­mä çyk­dy­lar.
Ikin­ji ýa­rym­da myh­man­la­ra ha­sa­by has-da art­dyr­ma­ga uly müm­kin­çi­lik dö­re­di. 53-nji mi­nut­da go­rag­çy­la­ry­myz­dan Şöh­rat Sö­ýü­now jer­ime meý­dan­ça­syn­da oý­nuň düz­gü­ni­ni bo­za­ny üçin emin penalti ur­gu­sy­ny bel­le­di. Ýa­ry­şyň şu möw­süm­dä­ki iň ne­ti­je­li hü­jüm­çi­si, 1-nji oýun­da-da ta­pa­wut­la­nan An Il-Bo­muň ýe­ri­ne ýe­ti­ren pe­nal­ti­si­ni der­we­ze­çi­miz Mäm­met Oraz­muham­me­dow so­wuk­gan­ly­lyk bi­len sak­la­ma­gy ba­şar­dy. 60-njy mi­nut­da Re­sul Ho­ja­ýe­wiň bat­ly ur­gu­sy­ny myh­man­la­ryň der­we­ze­çi­si kyn­lyk bi­len sow­dy. Du­şu­şy­gyň 64-nji mi­nu­tyn­da emin bu ge­zek “Al­tyn asy­ryň” peý­da­sy­na 11 metr­lik je­ri­me ur­gu­sy­ny bel­le­di. Şol pur­sat­da myh­man to­pa­ryň go­rag­çy­la­ry öz je­ri­me meý­dan­ça­syn­da Ser­dar An­nao­ra­zo­wyň gar­şy­sy­na gö­dek­li­ge ýol ber­di­ler. “Al­tyn asyr” to­pa­ry­nyň dü­zü­mi­ne go­şu­la­ny bä­ri yzy­gi­der­li ta­pa­wut­lan­ýan Wa­hyt Oraz­sä­he­dow bol­sa, bu ur­gy­ny dürs ýe­ri­ne ýe­ti­rip, ha­sa­by deň­le­di. Ez­ber hü­jüm­çi­miz bu ýa­ryş­da­ky 4-nji oý­nun­da-da ta­pa­wut­la­nyp, 5-nji go­lu­ny ge­çir­di. Bu ha­sap il­deş­le­ri­mi­ziň ýa­ry­şy do­wam et­dir­me­gi üçin aň­ry­ýa­ny bi­len ýe­ter­lik diý­mek­dir. Şon­dan soň, myh­man­lar ýe­ňiş pök­gü­si­ni ge­çir­mek üçin ta­gal­la ba­ry­ny et­se­le­rem, “Al­tyn asyryň” oýun­çy­la­ry ola­ryň gol ge­çir­me­gi­ne yg­ty­ýar ber­me­di. Il­deş­le­ri­mi­zem ga­lan mi­nut­lar­da gar­şy­lyk­la­ýyn hü­jüm­ler bi­len myh­man to­pa­ryň der­we­ze­si­nde 3–4 ge­zek howp­ly pur­sat­lar dö­ret­di­ler. Şeý­le­lik­de, oýun 1–1 ha­sa­byn­da deň­lik­de ta­mam­la­nyp, öz meý­dan­ça­syn­da az gol ge­çir­de­ni ýa-da myh­man­çy­lyk­da köp gol ge­çi­re­ni üçin “Al­tyn asyr” to­pa­ry AFK-nyň Ku­bo­gy ýa­ry­şy­nyň fi­na­ly­na çyk­ma­gy ba­şar­dy. Türk­men fut­bolynyň ta­ry­hyn­da bu wa­ka iň ýo­ka­ry üs­tün­lik bo­lup, on­dan öň “Bal­kan” hem-de HTTU to­par­la­ry 2005–2014-nji ýyl­lar ara­ly­gyn­da ge­çi­ri­len AFK-nyň Pre­zi­den­ti­niň Ku­bo­gy ýa­ry­şyn­da ýe­ňiş ga­za­nyp­dy­lar. “Al­tyn asyr” to­pa­ry­ny bu üs­tün­li­gi bi­len tüýs ýü­rek­den gut­lap, ola­ra fi­nal du­şu­şy­gyn­da-da ýe­ňşiň ýa­ran bol­ma­gy­ny ar­zuw ed­ýä­ris!
“Al-Ku­wa Al-Ja­wi­ýa­nyň”
yz­ly-yzy­na 3-nji fi­na­ly
“Al­tyn asyr” to­pa­ry fi­nal­da ýa­ry­şyň soň­ky 2 ýy­ly­nyň çem­pio­ny Yra­gyň “Al-Ku­wa Al-Ja­wi­ýa” to­pa­ry bi­len du­şu­şar. Fi­nal du­şu­şy­gy 27-nji okt­ýabr­da oý­na­lyp, onuň ni­re­de ge­çi­ril­jek­di­gi öňü­miz­dä­ki gün­ler­de kes­git­le­ner. Olar ýa­rym fi­na­lyň jo­gap oý­nun­da Ior­da­ni­ýa­nyň “Al-Ja­zi­ra” to­pa­ryn­dan Ah­mad (48, 57) we Ma­ji­diň (89) gol­la­ry bi­len 3–1 ha­sa­byn­da üs­tün çyk­dy. 1-nji oýun­da-da 1–0 ha­sa­byn­da ýe­ňiş ga­za­nan “Al-Ku­wa Al-Ja­wi­ýa” bas­syr 3-nji ge­zek fi­nal­da oý­nar. Yra­gyň bu to­pa­ry 15-nji ge­zek ge­çi­ril­ýän AFK-nyň Ku­bo­gy ýa­ry­şyn­da yz­ly-yzy­na 3 ge­zek fi­na­la çy­kan 3-nji to­par bo­lup, on­dan öň Ior­da­ni­ýa­nyň “Al Faý­sa­ly” hem-de Ku­weý­tiň “Al-Ku­wa­it” to­par­la­ry şeý­le ba­şar­nyk gör­ke­zip­di­ler. Ady ag­za­lan bu klub­lar şol fi­nal­la­ryň 2-sin­de ýe­ňiş ga­za­nyp­dy. Umu­my­lyk­da, AFK-nyň Ku­bo­gy ýa­ry­şyn­da “Al-Ku­wai­tiň” 3, “Al-Faý­sa­ly” bi­len “Al-Ku­wa Al-Ja­wi­ýa­nyň 2 çem­pi­on­lygy bar. “Al-Kad­sia” (Ku­weýt), “Al-Mu­har­rak” (Bah­reýn), “Al-Ja­iş”, “Al-It­ti­had” (iki­sem Si­ri­ýa), “Şa­bab Al-Or­don” (Ior­da­ni­ýa), “Na­saf Kar­şi” (Öz­be­gis­tan) hem-de “Jo­hor Da­rul Ta’zim” (Ma­laý­zi­ýa) to­par­la­ry-da 1 ge­zek çem­pi­on bol­dy.

1931-nji ýyl­da ýur­duň paý­tag­ty Bag­dat şä­he­rin­de dö­re­di­len bu klub Yra­gyň “Pre­mi­er” li­ga­syn­da 6 ge­zek çem­pi­on­lyk ga­zan­dy. Soň­ky sa­par 2016/17 möw­sü­min­de mil­li li­ga­da çem­pi­on bo­lan “Al-Ku­wa Al-Ja­wi­ýa” Yra­gyň Ku­bo­gy ýa­ry­şyn­da 4, Su­per Ku­bo­gy bäs­le­şi­gin­de-de 2 ge­zek ku­bo­gy as­ma­na gö­ter­di. Hal­ka­ra ady “Air Force Ath­le­tic Club” diý­lip ta­nal­ýan bu to­pa­ra ýer­li hü­när­men Ba­sim Ka­sim tä­lim ber­ýär. To­par­da­ky oýun­çy­la­ryň hem­me­si di­ýen ýa­ly yrak­ly bo­lup, le­gio­ner hök­mün­de 2 ser­bi­ýa­ly we 1 pa­les­ti­na­ly fut­bol­çy çy­kyş ed­ýär.

Gyzykly bolup bilerЕЩЕ ОТ АВТОРА