Fut­bol bo­ýun­ça ýur­du­my­zyň Ýo­ka­ry li­ga­syn­da du­şu­şyk­lar ýo­ka­ry dep­gin­de do­wam ed­ýär. 23-nji tap­gy­ryň mer­ke­zi oý­nun­da sa­na­wyň öň­de­ba­ry­jy­la­ry du­şuş­dy. Ýag­ny “Ahal” öz meý­dan­ça­syn­da soň­ky çem­pi­on “Al­tyn asy­ry” ka­bul et­di. Çe­ke­le­şik­li ge­çen du­şu­şyk­da “Ahal” 1–0 ha­sa­byn­da ýe­ňiş ga­zan­dy. Ýe­ke-täk pök­gi­ni-de 10-njy mi­nut­da Di­dar Dur­dy­ýew der­we­zä gi­riz­di. Oý­nuň ahyr­la­ryn­da, has ta­ky­gy, 88-nji mi­nu­t­da “Al­tyn asy­ryň” ez­ber hü­jüm­çi­si Wa­hyt Oraz­sä­he­dow öň­ki to­pa­ry­nyň der­we­ze­si­ne gar­şy bel­le­nen pe­nal­ti­ni dürs urup bil­me­di. Tap­gy­ryň iň gol­ly du­şu­şy­gyn­da “Ne­bit­çi” öz meý­dan­ça­syn­da “Ener­ge­tik­den” 4–1 ha­sa­byn­da as­gyn gel­di. Eý­ýäm 6-njy mi­nut­da Sa­hup­na­zar Dur­dy­ýew bi­len Ali­bek Ab­dy­rah­ma­no­wyň gol­la­ry bi­len öňe saý­la­nan myh­man­la­ryň 3–4-nji pök­gü­le­ri­ni 53-nji we 74-nji mi­nut­lar­da Rah­met Şer­me­tow öz ady­na ýaz­dyr­dy. Ýer eýe­le­ri­niň ýe­ke-täk go­lu­ny-da 85-nji mi­nut­da Ars­lan Pai­zow der­we­zä gi­riz­di. Oý­nuň 43-nji mi­nu­tyn­da Sa­hup­na­zar Dur­dy­ýe­wiň gy­zyl kart alan­dy­gy­ny hem bel­lä­liň. Paý­tagt der­bi­sin­de “Aş­ga­bat” öz meý­dan­ça­syn­da “Kö­pet­dag­dan” 2–1 ha­sa­byn­da üs­tün çyk­dy. “Şa­ga­dam” bi­len “Mer­wiň” ara­syn­da­ky oýun­da-da ha­sap açyl­ma­dy.
21-nji tap­gy­ryň gal­dy­ry­lan oý­nun­da-da “Al­tyn asyr” myh­man­çy­lyk­da “Mer­wi” 1–0 ha­sa­byn­da ýeň­li­şe se­ze­war et­di. “Al­tyn asyr” to­pa­ry­na ýe­ňiş ge­ti­ren to­py 25-nji mi­nut­da pe­nal­ti­den Beg­my­rat Ba­ýow der­we­zä gi­riz­di.

Gyzykly bolup bilerЕЩЕ ОТ АВТОРА