Türk­me­nis­ta­nyň Ku­bo­gy ug­run­da­ky bäs­le­şi­giň ýa­rym fi­na­ly­nyň 1-nji du­şu­şyk­la­ry ge­çi­ril­di. “Ahal” öz meý­dan­ça­syn­da “Kö­pet­da­gy” ka­bul et­di. Du­şu­şyk ga­ra­şyl­ma­dyk ýag­daý­da 3–1 ha­sa­byn­da myh­man­la­ryň peý­da­sy­na ta­mam­lan­dy. Öwez­baý Mu­ham­met­my­ra­dow oý­nuň 5 mi­nu­ty dol­man­ka, ha­sa­by aç­ma­gy ba­şar­dy. Du­şu­şy­gyň 75-nji mi­nu­tyn­da Ser­dar­my­rat Baý­ra­mow pök­gi­ni der­we­ze­den ge­çi­rip, “Kö­pet­da­gy” 2–0 ha­sa­byn­da öňe saý­la­dy. 81-nji mi­nut­da-da Öwez­baý Mu­ham­met­my­ra­dow ýe­ne bir ge­zek tap­a­wut­lan­dy. Oý­nuň soň­ky mi­nut­la­ryn­da-da “Aha­lyň” ez­ber hü­jüm­çi­si Sü­leý­man Mu­ha­dow to­pa­ry­nyň ge­çir­den 3 go­lu­nyň biriniň öwe­zi­ni dol­sa-da, bu ola­ra ýe­ter­lik bol­ma­dy.
Beý­le­ki ýa­rym fi­nal oý­ny “Ener­ge­tik” bi­len “Al­tyn asyr” to­par­la­ry­nyň ara­syn­da ge­çi­ril­di. Oý­nuň il­kin­ji 25 mi­nutyn­da “Ener­ge­tik” to­pa­ry Ali­bek Ab­dy­rah­ma­no­wyň (19, 25) gol­la­ry bi­len 2–0 ha­sa­byn­da öňe saý­lan­dy. Oý­nuň ikin­ji ýa­ry­myn­da “Al­tyn asyr” to­pa­ry ti­je­nip, soň­ky 25 mi­nut­da ge­çir­den go­llary­na jo­gap ber­me­gi ba­şar­dy. Ola­ry 67-nji mi­nut­da Se­lim Nur­my­ra­dow, 76-njy mi­nut­da-da Re­sul Ho­ja­ýew öz at­la­ry­na ýaz­dyr­dy. Du­şu­şy­gyň 83-nji mi­nu­tyn­da her to­par­dan 1 oýun­çy, has ta­ky­gy, “Ener­ge­tik­den” Baý­ram­gel­di Gul­ma­ýew, “Al­tyn asyr­dan” hem 1-nji go­luň aw­to­ry Se­lim Nur­my­ra­dow gy­zyl kart bi­len meý­dan­ça­dan çy­ka­ry­l­dy. Oýun 2–2 ha­sa­byn­da deň­lik­de ta­mam­lan­dy. Ýa­rym fi­na­lyň jo­gap oýun­la­ry 13-nji no­ýabr­da ge­çi­ri­ler.

Gyzykly bolup bilerЕЩЕ ОТ АВТОРА