Fut­bol bo­ýun­ça Türk­me­nis­ta­nyň Mil­li çem­pio­na­tyn­da 26-njy möw­sü­miň çem­pio­ny şu gün bel­li bo­lar. Soň­ky tap­gy­ra çen­li çe­ke­le­şik­li do­wam eden çem­pio­na­tyň 27-nji tap­gy­ryn­da 2 oýun­da myh­man­lar ýe­ňiş ga­za­nyp, 2 du­şu­şyk hem deň­lik­de ta­mam­lan­dy. Sa­na­wyň li­de­ri “Al­tyn asyr” myh­man­çy­lyk­da “Ener­ge­tik” to­pa­ryn­dan 3–0 ha­sa­byn­da üs­tün çy­kyp, çem­pi­on­ly­ga bir ädim go­laý­la­dy. Ara­gat­na­şyk­çy­la­ryň gol­la­ry­ny Re­sul Ho­ja­ýew (32), Al­ty­my­rat An­na­dur­dy­ýew (44 p) hem-de Wel­my­rat Bal­la­kow (54) der­we­zä gi­riz­di. Soň­ky tap­gyr­la­ra çen­li sa­naw­da 1-nji or­ny sak­la­ma­gy ba­şa­ran “Ahal” to­pa­ry paý­tag­tyň ady­bir klu­by “Aş­ga­bat” bi­len 1 utu­gy paý­laş­dy. 60-njy mi­nut­da Sü­leý­man Mu­ha­do­wyň go­ly bi­len öňe saý­la­nan “Ahal” 73-nji mi­nut­da Şi­ri An­na­ýe­wiň go­lu­na çä­re ta­pyp bil­me­di. Oý­nuň 23-nji mi­nu­tyn­da “Ahal­dan” El­man Ta­ga­ýe­wiň pe­nal­ti ur­gu­sy­ny dürs ýe­ri­ne ýe­ti­rip bil­män­di­gi­ni hem bel­lä­liň. Şeý­le­lik­de, 2 utuk ýi­ti­ren “Ahal” çem­pi­on­lyk ug­run­da uly ýit­gä se­ze­war bol­dy. 27-nji tap­gy­ryň beý­le­ki oýun­la­ryn­da Bal­kan we­la­ýa­ty der­bi­sin­de “Şa­ga­dam” myh­man­çy­lyk­da “Ne­bit­çi­den” 2–1 üs­tün çyk­dy. “Merw” bi­len “Kö­pet­da­gyň” ara­syn­da­ky oýun­da gol se­si eşi­dil­me­di.
Şu gün Türk­me­nis­ta­nyň Mil­li fut­bol çem­pio­na­ty­nyň 26-njy möw­sü­mi­niň jem­leý­ji tap­gy­ry ge­çi­ri­ler. Ýag­ny bu 28-nji tap­gyr­da ýur­du­my­zyň tä­ze çem­pio­ny bel­li bo­lar. Bu ugur­da 2 to­par da­laş­gär bo­lup, 3 utuk öň­de bar­ýan “Al­tyn asyr” to­pa­ry­na bas­syr 5-nji çem­pi­on­ly­gy üçin deň­lik hem ýe­ter­lik­dir. Il­kin­ji çem­pi­on­ly­gy­na ym­tyl­ýan “Aha­lyň” bol­sa “Ener­ge­ti­gi” ýeň­me­gi, şol bir­wag­tyň özün­de-de, “Al­tyn asy­ryň” “Merw­den” utul­ma­gy ge­rek. 28-nji tap­gy­ryň 4 du­şu­şy­gy-da şu gün 15:00-da baş­la­nar.

Gyzykly bolup bilerЕЩЕ ОТ АВТОРА