Bu wa­ka hor­mat­ly Pre­zi­den­ti­mi­ziň yk­dy­sa­dy sy­ýa­sa­ty­ny dur­mu­şa ge­çir­me­giň ýo­lun­da mö­hüm ädi­me öw­rül­di. Ýur­du­my­zyň elekt­roe­ner­ge­ti­ka ul­ga­my­nyň kuw­wat­lyk­la­ry we onuň eks­port müm­kin­çi­lik­le­ri­ni art­dyr­mak şol sy­ýa­sa­tyň wa­jyp ug­ry bo­lup dur­ýar.
Soň­ky ýyl­lar­da pu­da­gyň dü­zü­mi­niň üs­ti bir­nä­çe gaz­tur­bi­na­ly elekt­rik be­ket­le­ri bi­len ýe­ti­ril­di. Şeý­le top­lum­lar Ahal, Bal­kan, Le­bap we Da­şo­guz we­la­ýat­la­ryn­da gu­rul­dy. “Türk­me­nis­tan – Be­ýik Ýü­pek ýo­lu­nyň ýü­re­gi” şy­ga­ry as­tyn­da geç­ýän 2018-nji ýyl­da Ma­ry­nyň Döw­let elekt­rik be­ke­din­de ut­ga­şyk­ly do­lan­dy­ryş esa­syn­da iş­le­ýän hä­zir­ki za­man bug-gaz elekt­rik be­ke­di gur­lup, ula­nyl­ma­ga be­ril­di.
Onuň umu­my kuw­wa­ty 1 müň 574 me­ga­wa­ta ba­ra­bar­dyr. “Türk­me­nis­ta­nyň elekt­roe­ner­ge­ti­ka pu­da­gy­ny 2013–2020-nji ýyl­lar­da ös­dür­me­giň Kon­sep­si­ýa­sy­na” la­ýyk­lyk­da, ýe­ne-de iri ma­ýa go­ýum tas­la­ma­nyň gurluşygyna ba­dal­ga be­ril­di. Ol Ýa­po­ni­ýa­nyň “Su­mi­to­mo Cor­po­ra­ti­on” we “Mitsibushi Hitaсhi Power Systems”, şeý­le hem Tür­ki­ýä­niň “Rö­ne­sans Hol­ding” kom­pa­ni­ýa­la­ry bi­len bi­le­lik­de ama­la aşy­ry­lar.
Kuw­wa­ty 432 me­ga­wat bo­lan gaz­tur­bi­na elekt­rik be­ke­di ýo­ka­ry teh­no­lo­gi­ýa­ly en­jam­lar bi­len üp­jün et­mek bo­ýun­ça tas­la­ma­ny taý­ýar­la­mak we ony gur­mak bo­ýun­ça “Su­mi­to­mo Cor­po­ra­ti­on” kom­pa­ni­ýa­sy bi­len de­giş­li şert­na­ma bag­la­şyl­dy.
Elekt­rik be­ke­di­niň esa­sy önüm­çi­lik bi­na­syn­da her bi­ri­niň kuw­wa­ty 144 me­ga­wat bo­lan üç sa­ny gaz­tur­bi­na gur­na­ma­la­ry­ny oturt­mak me­ýil­leş­di­ril­ýär. Ola­ry dün­ýä bel­li “Mitsibushi Hitaсhi Power Systems” kom­pani­ýa­sy ge­ti­rer. Ener­giýa blok­la­ryn­dan baş­ga-da, eda­ra ediş bi­na­sy gur­lup, on­da döw­let elekt­rik be­ke­di­niň esa­sy do­lan­dy­ryş bö­lü­mi, gaz paý­laý­jy be­ket, şeý­le hem äh­li ze­rur bo­lan in­že­ner­çi­lik-teh­ni­ki ul­gam ýer­le­şer.
“Türk­me­nis­ta­nyň Pre­zi­den­ti­niň ýur­du­my­zy 2018-2024-nji ýyl­lar­da dur­muş-yk­dy­sa­dy taý­dan ös­dür­mek bo­ýun­ça mak­sat­na­ma­sy­na” la­ýyk­lyk­da ýa­kyn ýe­di ýy­lyň için­de ýur­du­myz­da ön­dü­ril­ýän elekt­rik ener­gi­ýasy­nyň möç­be­ri­ni 33 mil­liard ki­lo­wat-sa­ga­da ýe­tir­mek me­ýil­leş­di­ril­ýär. Pu­da­gyň müm­kin­çi­lik­le­ri­niň art­dy­ryl­ma­gy türk­men elekt­rik ener­gi­ýa­sy­nyň, il­kin­ji no­bat­da bol­sa, Ow­ga­nys­tan Ys­lam Res­pub­li­ka­sy­na ibe­ril­ýän möç­ber­le­ri­niň art­ma­gy­ny şert­len­di­rer.

Ogulnyýaz BABAÝEWA,
S. A. Ny­ýa­zow adyn­da­ky TO­HU-nyň mugallymy.

Gyzykly bolup bilerЕЩЕ ОТ АВТОРА