Ýe­ne-de san­ly­ja gün­den türk­men top­ra­gy­na Tä­ze ýyl gel­ýär. Tu­tuş dün­ýä­de bol­şy ýa­ly, Tä­ze ýyl ýur­du­myz­da-da uly şat­lyk we şow­hu­na bes­le­nip bel­le­nil­ýän esa­sy baý­ram­çy­lyk­la­ryň bi­ri­dir. Ýur­du­my­zyň äh­li kün­je­gin­de Tä­ze ýyl baý­ram­çy­ly­gy­nyň öňü­sy­ra­syn­da ar­ça­lar otur­dy­lyp, kö­çe­ler dür­li öwüş­gin­li çy­ra­lar bi­len be­zel­di.
Mil­li Li­de­ri­mi­ziň baş­lan­gy­jy esa­syn­da asyl­ly dä­be öw­rü­len be­lent baş­ly Tä­ze ýyl ar­ça­sy­nyň yşyk­la­ry­ny ýak­mak da­ba­ra­sy ge­çi­ril­di. Ýur­du­my­zyň baş ar­ça­sy ýe­ne-de paý­tag­ty­myz Aş­ga­bat­da­ky “Älem” me­de­ni-dynç alyş mer­ke­zi­niň ýa­nyn­da­ky giň meý­dan­ça­da otur­dyl­dy. Baş ar­ça­nyň yşyk­la­ry­ny ýak­mak da­ba­ra­sy köp adam­ly bol­dy. Bu ýer­e baý­ram­çy­ly­ga uly hö­wes bi­len ga­ra­şýan köp sanly kör­pe­ler we mek­dep okuw­çy­la­ry ýyg­nan­dy. Aýaz­ba­ba­ we Gar­pa­myk he­mi­şe­ki­ler ýa­ly bu da­ba­ra­nyň esa­sy myh­man­la­ry bol­dy. Bu ýer­de gu­ral­an kö­p ö­wüş­gin­li aý­dym-saz­ly, sah­na­laş­dy­ry­lan da­ba­ra­lar kör­pe­le­re ägirt uly şat­lyk we ýat­dan çyk­ma­jak tä­sir­ler eçil­di. “Älem” me­de­ni-dynç alyş mer­ke­zi­niň ýa­nyn­da gu­ra­lan baý­ram­çy­lyk da­ba­ra­la­ry hor­mat­ly Pre­zi­den­ti­mi­ziň “Türk­me­nis­tan – Be­ýik Ýü­pek ýo­lu­nyň ýü­re­gi” at­ly ki­ta­by­nyň esa­syn­da ýaý­baň­lan­dy­ryl­dy. Mä­lim bol­şy ýa­ly, bu ki­ta­byň ady ta­mam­la­nyp bar­ýan 2018-nji ýy­lyň baş şy­ga­ry­na öw­rül­di.
Meý­dan­ça­nyň mer­ke­zin­de müň­ler­çe oý­na­waç­dan we yşyk­lan­dy­ry­jy­dan be­ze­gi ýe­ten be­lent baş­ly Tä­ze ýyl ar­ça­sy hem­me­le­riň gö­wün­le­ri­ni gö­ter­di. Ol “2019” bel­gi­li se­kiz­burç­ly ýyl­dyz bi­len bir­lik­de be­ýik­li­gi 38 metr bo­lan ar­ça­dyr. Onuň tö­we­re­gin­de aş­ga­bat­ly­la­ryň we paý­tag­ty­my­zyň myh­man­la­ry­nyň müň­ler­çe­si ýyg­na­ny­şyp, täsirli çy­kyş­la­ry ýe­ri­ne ýe­tir­di­ler.
Aýaz­ba­ba we Gar­pa­myk men­zil­ler aşyp, ýur­du­my­zyň äh­li we­la­ýat­la­ry­ny ge­çip, meý­dan­ça gel­di. Bu ýe­re ýyg­na­nan ça­ga­la­ryň is­le­gi we Aýaz­ba­ba­nyň ja­dy­ly ta­ýa­gy­nyň tä­si­ri bo­ýun­ça bezemen ar­ça­nyň yşyk­la­ry­nyň ýa­kyl­ma­gy Tä­ze ýyl baý­ram­çy­ly­gy­nyň esa­sy pur­sat­la­ry­ny eme­le ge­tir­di. Şol pur­sat­da ýur­du­my­zyň şä­her­le­ri­niň we oba­la­ry­nyň mer­ke­zi meý­dan­ça­la­ryn­da otur­dy­lan Tä­ze ýyl ar­ça­la­ry­nyň yşyk­la­ry­nyň ýa­ky­lan­dy­gy­ny, şeý­le­lik­de, bu pur­sat­la­ryň ýat­da ga­ly­jy wa­ka­la­ra bes­le­nen­di­gi­ni bel­le­me­li.
Şol gün­den bä­ri, ýur­du­my­zyň äh­li kün­je­gin­de eda­ra­dyr kär­ha­na­lar­da, mek­dep­ler­de, ça­ga­lar bag­la­ryn­da Tä­ze ýy­la ba­gyş­la­nyp, dür­li me­de­ni çä­re­ler ge­çi­ril­ýär. Maş­ga­la baý­ram­çy­ly­gy hök­mün­de-de bel­li bo­lan Tä­ze ýyl be­re­ket­li sa­ça­gyň ba­şy­na jem bo­lup, bi­rek-bi­re­ge go­wu­dan-go­wy ar­zuw­la­ryň edil­ýän baý­ra­my­dyr. Baý­ram­çy­lyk my­na­sy­bet­li bi­rek-bi­re­ge sow­gat et­mek in­di asyl­ly dä­be öw­rül­di. Ýur­du­my­zyň äh­li ýe­ri­nde baý­ram­çy­lyk söw­da sa­tuw­la­ry ýo­la go­ýul­dy. Gah­ry­man Ar­ka­da­gy­my­zyň pa­ra­sat­ly ýol­baş­çy­ly­gyn­da mäh­ri­ban Di­ýa­ry­my­zyň bir-bi­rin­den zy­ýa­da gel­ýän ýyl­la­ry­nyň äh­li­sin­de hal­ky­my­zyň pa­ra­hat, asu­da, aba­dan ýa­şa­mak­la­ry üçin asyr­la­ra ba­ra­bar iş­ler ama­la aşy­ryl­ýar. Bu Tä­ze ýyl hem türk­men ili­mi­ziň ag­zy­bir ojak­la­ryn­da ça­ga gül­kü­le­ri­niň ýaň­lan­ýan, üs­tün­lik­le­re atar­ýan, rys­gal-be­re­ket­li, şow­ly ýyl­la­ry­nyň bi­ri bol­sun!

Selbi Ataýewa,
Magtymguly adyndaky TDU-nyň mugallymy.

Gyzykly bolup bilerЕЩЕ ОТ АВТОРА