Ger­ma­ni­ýa­nyň “Ba­wa­ri­ýa” to­pa­ry “Ştut­gar­tyň” fran­si­ýa­ly sag gy­ra­ky go­rag­çy­sy Ben­ža­min Pa­wa­ry dü­zü­mi­ne goş­dy. Mün­hen­li­ler 22 ýaş­ly Pa­war üçin “Ştut­gar­ta” 35 mil­li­on ýew­ro tö­läp, oýun­çy­nyň özi bi­le­nem 5 ýyl­lyk şert­na­ma bag­laş­dy. Rus­si­ýa 2018 Dün­ýä Ku­bo­gyn­da Pa­wa­ryň Ar­gen­ti­na­nyň der­we­ze­sin­den ge­çi­ren go­ly çem­pio­na­tyň iň owa­dan goly diý­lip saý­la­nyp­dy.

Bra­zi­li­ýa­ly hü­jüm­çi Ro­bi­nio kar­ýe­ra­sy­ny Tür­ki­ýä­niň “Me­di­pol Ba­şak­şe­hir” to­pa­ryn­da do­wam et­di­rer. “Si­was- s­por­dan” bu klu­ba trans­fer bo­lan 34 ýaş­ly Ro­bi­nio stam­bul­ly­lar bi­len 1,5 ýyl­lyk şert­na­ma bag­laş­dy. Tür­ki­ýä­niň çem­pio­na­tyn­da 1-nji ha­tar­da bar­ýan “Ba­şak­şe­hir” ge­çen to­mus­da Mosk­wa­nyň “Spar­ta­gy” bi­len ýo­lu­ny aý­ran ger­ma­ni­ýa­ly Ser­dar Taş­çy­ny-da ha­ta­ry­na goş­dy.

Ang­li­ýa­nyň “Çel­si” to­pa­ry “Bun­des­li­ga­sy­nyň” we­ki­li Dort­mun­dyň “Bo­rus­si­ýa­syn­dan” ame­ri­ka­ly ýa­rym­go­rag­çy Kris­ti­an Pu­li­şi­çi trans­fer et­di. Trans­fe­riň ba­ha­sy 64 mil­li­on ýew­ro möç­be­rin­de diý­lip kes­git­le­nil­di. 20 ýaş­ly Pu­li­şiç möw­sü­miň ahy­ry­na çen­li “Bo­rus­si­ýa­da” kä­ren­de­si­ne oý­nar. Ol 2015-nji ýyl­da dort­mund­ly­la­ryň ha­ta­ry­na go­şu­lyp­dy.

Çem­pi­on­lyk­dan daş­laş­ýan “Re­al Mad­rid” to­pa­ry iň­lis klu­by “Man­çes­ter Si­ti­den” 19 ýaş­ly Bra­him Dia­zy trans­fer et­di. Is­pa­ni­ýa­ly ýa­rym­go­rag­çy mad­rid­li­ler bi­len 2025-nji ýy­la çen­li şert­na­ma bag­laş­dy. “Re­al” bu trans­fer üçin şä­her­li­le­re 17+7 mil­li­on ýew­ro tö­lär.

Fran­si­ýa­nyň çem­pio­na­tyn­da li­ga­da gal­mak üçin gö­reş alyp bar­ýan “Mo­na­ko” to­pa­ry dü­zü­mi­ne bra­zi­li­ýa­ly go­rag­çy Nal­do­ny goş­dy. “Şal­ke­den” ge­çen 36 ýaş­ly oýun­çy tä­ze klu­by bi­len 1,5 ýy­la ni­ýet­le­nen şert­na­ma gol çek­di. Ol “Wer­der”, “Wolfs­burg” ýa­ly ne­mes klub­la­ryn­da en­çe­me ýyl­lap çy­kyş et­di.

Ita­li­ýa­nyň “Mi­lan” to­pa­ry Bra­zi­li­ýa­nyň “Fla­men­go” klu­bun­dan Lu­kas Pa­kue­ta bi­len 5 ýyl­lyk şert­na­ma bag­laş­dy. 21 ýaş­ly ýa­rym­go­rag­çy­nyň trans­fer ba­ha­sy 35 mil­li­on ýew­ro deň bo­lup, Pa­ku­eta tä­ze to­pa­ryn­da 39-njy bel­gi­de çy­kyş eder. Ol “Fla­men­go­nyň” dü­zü­min­de 65 du­şu­şyk­da 13 ge­zek ta­pa­wut­lan­dy.

Por­tu­ga­li­ýa­ly meş­hur go­rag­çy Pe­pe öz ýur­du­na do­lan­dy. Ol Tür­ki­ýä­niň “Be­şik­taş” to­pa­ry bi­len şert­na­ma­sy­ny iki ta­ra­pyň yla­laş­ma­gy ne­ti­je­sin­de ýa­ty­ryp, “Por­to” klu­bu­nyň dü­zü­mi­ne go­şul­dy. 35 ýaş­ly go­rag­çy oza­lam çy­kyş eden klu­by bi­len 2,5 ýyl­lyk şert­na­ma bag­laş­dy.

Gyzykly bolup bilerЕЩЕ ОТ АВТОРА