Möw­sü­miň 2-nji “Uly tu­wul­ga” ten­nis ýa­ry­şy bo­lan “Ro­lan Gar­ros” ýa-da beý­le­ki ady “Fran­si­ýa Açyk” ta­mam­lan­dy. 2 hep­de­läp Pa­riž­de do­wam eden bäs­le­şi­giň ge­çi­ri­liş ter­ti­bi güýç­li we yzygiderli ýagan ýa­gyş se­bäp­li az-ow­lak üýt­ge­dil­di. Er­kek­le­riň ara­syn­da ser­bi­ýa­ly No­wak Jo­ko­wiç, ze­nan­lar­dan is­pa­ni­ýa­ly Gar­bi­ne Mu­gu­ru­za ilkinji sapar ýe­ňi­ji bol­dy. Umu­my pul gaz­na­sy 32 mil­li­on ýew­ro ba­ra­bar bo­lan ýa­ryş­da ýe­ňi­ji­le­riň her­si­ne aý­ra­tyn­lyk­da 2 mil­li­on ýew­ro be­ril­di. To­ýun­sow ze­min­de gu­ral­ýan ýa­ryş bu ýyl 115-nji ge­zek ge­çi­ril­di.
Ten­nis bo­ýun­ça ATP sa­na­wy­nyň 1-nji bel­gi­li­si No­wak Jo­ko­wiç ahy­ry ar­zu­wy­na ýet­di. Ol möw­sü­miň 2-nji “Uly tu­wul­ga­sy” bo­lan “Ro­lan Gar­ros­da” ýe­ňi­ji bo­lup, kar­ýe­ra “Uly tu­wul­ga­” ýygyndysyny ta­mam­la­ma­gy başardy. 29 ýaş­ly No­wak Jo­ko­wiç fi­nal­da bri­ta­ni­ýa­ly En­di Mýur­reý bi­len du­şuş­dy. Kar­ýe­ra­sy bo­ýun­ça il­kin­ji ge­zek “Fran­si­ýa Açyk­da” fi­na­la çy­kan Mýur­reý 1-nji set­de 6–3 ha­sa­byn­da ýe­ňiş ga­zan­dy. 1937-nji ýyl­dan bä­ri bu ýer­de fi­na­la çy­kan il­kin­ji bri­tan ten­nis­çi­si bo­lan Mýur­reý 2-nji set­de di­ňe 1 oýun al­dy. 2-nji set­de 6–1 ha­sa­byn­da ýe­ňiş ga­za­nan Jo­ko­wiç üçin 3-nji set hem ýe­ňil düş­di (6–2). Umu­my ha­sap­da öňe saý­la­nan Jo­ko­wiç 4-nji set­de gar­şy­da­şy­nyň az-ow­lak ti­jen­me­gi­ne ga­ra­maz­dan, 6–4 ha­sa­byn­da üs­tün çyk­dy. 3–1 ha­sa­byn­da ýeň­şi­ni baý­ram eden No­wak Jo­ko­wiç “Uly tu­wul­ga­la­ryň” ara­syn­da he­ni­ze çen­li alyp gör­me­dik bu ku­bo­gyny il­kin­ji ge­zek as­ma­na gö­ter­di. “Fran­si­ýa Açyk­da” bas­syr 3-nji, umu­my­lyk­da 4-nji ge­zek fi­nal­da çy­kyş eden No­wak Jo­ko­wiç 4 “Uly tu­wul­ga­ny-da” alan 8-nji er­kek ten­nis­çi bol­ma­gy ba­şar­dy. On­dan öň Fred Per­ri, Don Badj, Rod La­wer, Roý Emer­son, And­re Agas­si, Ro­jer Fe­de­rer we Ra­fa­el Na­dal äh­li “Uly tu­wul­ga­da-da” azyn­dan 1 ge­zek ýe­ňi­ji bo­lup­dy. Ga­ly­ber­se-de, Jo­ko­wiç hä­zir­ki wagt­da 4 “Uly tu­wul­ga­nyň-da” eýe­si bo­lup, ol ten­nis ta­ry­hyn­da mu­ny ba­şa­ran 3-nji ra­ket­ka­çy­dyr. Iň soň­ky sa­par Rod La­wer 1969-njy ýyl­da şeý­le ne­ti­je gör­ke­zip­di. Şun­luk­da, No­wak Jo­ko­wiç 12-nji sa­par “Uly tu­wul­ga” ýa­ryş­la­ryn­da ýe­ňi­ji bol­dy. Býörn Býörg­den öňe saý­la­nyp, 4-nji ýe­re ge­çen Jo­ko­wiç “Awst­ra­li­ýa Açyk­da” 6 (2008, 2011, 2012, 2013, 2015, 2016), “Wimb­le­don­da” 3 (2011, 2014, 2015), “Ame­ri­ka Açyk­da” 2 (2011, 2015) hem-de “Fran­si­ýa Açyk­da” 1 (2016) ge­zek ýe­ňiş ga­zan­dy.
Bu ýa­ryş­dan soň, No­wak Jo­ko­wi­çiň 14 ýyl­lyk ten­nis kar­ýe­ra­syn­da di­ňe bäs­le­şik­ler­den ga­za­nan pu­ly 100 mil­li­on dol­lar­dan geç­di. Ol mu­ny ba­şa­ran il­kin­ji ten­nis­çi bol­dy. Bas­syr 28 ge­zek “Uly tu­wul­ga­lar­da” çär­ýek fi­na­la çy­kyp, bu ugur­da re­kor­dyň eýe­si bo­lan Jo­ko­wiç­den soň, Ro­jer Fe­de­rer (98 mil­li­on $) bi­len Se­re­na Wil­liams (77 mil­li­on $) 2–3-nji orun­la­ry eýe­le­ýär­ler. In­di Jo­ko­wi­çiň öňün­de ýe­ne-de 3 uly ýa­ryş bar. “Wimb­le­don­dan” soň, ol Rio­da­ky to­mus­ky Olim­pia­da­da hem-de “Ame­ri­ka Açyk­da” ýe­ňiş ga­za­nyp, “Al­tyn Uly tu­wul­ga” de­re­je­si­ni-de al­mak is­le­ýär.

MU­GU­RU­ZA­ IL­KIN­JI GEZEK
Ze­nan­la­ryň ara­syn­da sa­na­wyň 1-nji bel­gi­li ten­nis­çisi, ame­ri­ka­ly Se­re­na Wil­liams bi­len is­pa­ni­ýa­ly Gar­bi­ne Mu­gu­ru­za du­şuş­dy. Oý­nuň 1-nji se­ti diý­seň çe­ke­le­şik­li geç­di. WTA-nyň 4-nji bel­gi­li ten­nis­çi­si, 22 ýaş­ly Mu­gu­ru­za “taý-brek­den” soň, 7–5 ha­sa­byn­da Se­re­na Wil­liams­dan üs­tün çyk­dy. 2-nji set­de 6–4 ha­sa­byn­da ýe­ňiş ga­za­nan Gar­bi­ne Mu­gu­ru­za kar­ýe­ra­syn­da il­kin­ji ge­zek “Uly tu­wul­ga” ýa­ry­şy­nyň çem­pio­ny bol­ma­gy ba­şar­dy. 2-nji sa­par “Uly tu­wul­ga” fi­na­lyn­da oý­nan Mu­gu­ru­za ge­çen ýyl “Wimb­le­do­nyň” aý­gyt­laý­jy du­şu­şy­gyn­da Se­re­na Wil­liams­dan as­gyn ge­lip­di. Bu onuň kar­ýe­ra­syn­da­ky 3-nji WTA çem­pi­on­ly­gy bo­lup, Mu­gu­ru­za wa­tan­da­şy Aran­ta San­çes-Wi­ka­rio­dan soň, 1998-nji ýyl­dan bä­ri “Uly tu­wul­ga­da” çem­pi­on­lyk ga­za­nan il­kin­ji is­pa­ni­ýa­ly ze­nan ten­nis­çi­dir. Mu­gu­ru­za fi­na­la çen­li de­giş­li­lik­de, Şwe­do­wa­ny, Wat­so­ny, Pawl­ýu­çen­ko­wa­ny, Kus­ne­so­wa­ny, çär­ýek­dir ýa­rym fi­nal­da-da Ro­jer­si hem-de Sto­su­ry ýeň­me­gi ba­şar­dy. “Fran­si­ýa Açyk­da” 3 ge­zek çem­pi­on bo­lan 34 ýaş­ly Serena Williams bu ýer­de 1-nji sa­par fi­nal­da ýeň­li­şe se­ze­war bol­dy.

Gyzykly bolup bilerЕЩЕ ОТ АВТОРА