Şu ýy­lyň do­wa­myn­da Rus­si­ýa­nyň paý­tag­ty Mosk­wa şä­he­rin­de “Ar­zuw­la­ryň ada­sy” at­ly üs­ti ýa­pyk iri dynç alyş mer­ke­zi ulan­ma­ga ber­ler. Tas­la­ma­ny ýe­ri­ne ýe­ti­ri­ji­le­riň bel­le­me­gi­ne gö­rä, bu Ýew­ro­pa­nyň hem-de Azi­ýa­nyň iň uly dynç alyş se­ýil­gä­hi bo­lar.
Dynç alyş se­ýil­gä­hi­niň ge­ri­mi haý­ran gal­dyr­ýar. Onuň umu­my meý­da­ny 300 gek­ta­ra ba­ra­bar­dyr. Bu meý­dan­da 8 te­ma­ti­ki zo­lak dö­re­dil­di, 30 att­rak­si­on gu­rul­dy we te­bi­gy se­ýil­gäh eme­le ge­ti­ril­di. De­ňeş­dir­mek üçin aý­dy­lan­da bol­sa, Ýew­ro­pa­nyň iň köp ge­lim-gi­dim­li se­ýil­gä­hi bo­lan Is­pa­ni­ýa­da­ky “Port Awen­tu­ra”-nyň umu­my meý­da­ny 119 gek­ta­ra deň­dir.
Mosk­wa­da­ky se­ýil­gäh­de be­ýik­li­gi 20 metre ba­ra­bar bo­lan att­rak­sio­na mü­nmek, mun­dan baş­ga-da, is­pan kö­çe­le­rin­de ge­ze­lenç et­mek, Ko­li­zeý bi­na­sy­nyň öňün­de su­ra­ta düş­mek, Lon­do­nyň kö­çe­le­rin­de aý­lan­mak üçin äh­li şert­ler dö­re­di­ler. Şeý­le hem geç­miş, şu gün hem-de ge­l­jek ba­ra­da mag­lu­mat al­ma­ga müm­kin­çi­lik dö­re­di­ler.
Att­rak­si­on­lar­dan baş­ga-da, ka­fe­dir res­to­ran­lar, ki­no top­lum­la­ry, kon­sert meý­dan­ça­la­ry, 32 gek­tar meý­da­na ýa­ýy­lyp gi­den te­bi­gy se­ýil­gäh bo­lar. Se­ýil­gä­he köp gör­nüş­li agaç na­hal­la­ry otur­dy­lar.
Bu dynç alyş zo­la­gy şol bir­ wagt­da dü­şe­wünt­li meý­dan­ça bo­lup hem hyz­mat eder. Bu ýer­de 200-e go­laý ki­çi we or­ta te­le­ke­çi­li­ge de­giş­li kär­ha­na hyz­mat eder. 7 müň tä­ze iş or­ny dö­re­di­ler.
2016-njy ýyl­da gur­lu­p baş­la­nan tas­la­ma­nyň gur­lu­şy­gy iki tap­gyr­da do­wam ed­ýär. Bi­rin­ji tap­gyr bo­ýun­ça şu ýy­lyň ahy­ry­na çen­li üs­ti ýa­pyk dynç alyş top­lu­my­ny ulan­ma­ga ber­mek göz öňün­de tu­tul­ýar. Ikin­ji tap­gyr­da bol­sa, 2021-nji ýy­la çen­li “4 ýyl­dyz­ly” myh­man­ha­na, ça­ga­lar üçin ýah­ta mek­de­bi, kon­sert meý­dan­ça­sy gur­lar. Se­ýil­gä­hiň gur­lu­şy­gy ta­mam­laý­jy tap­gy­rda alnyp barylýar. Çak­la­ma­la­ra gö­rä, se­ýil­gäh rus we da­şa­ry ýurt­ly sy­ýa­hat­çy­la­ryň iň bir ge­lim-gi­dim­li ýe­ri­ne öw­rü­ler. Her ýyl “Ar­zuw­lar ada­sy­na” 50 mil­li­on ada­myň gel­me­gi­ne ga­ra­şyl­ýar. Se­ýil­gäh hu­su­sy ma­ýa go­ýu­myň ha­sa­by­na gu­rul­ýar. Tas­la­ma­nyň umu­my ba­ha­sy 1,5 mil­liard dol­la­ra ba­ra­bar­dyr.

Ysmaýyl BEKIÝEW,
Türk­men döw­let bi­na­gär­lik-gur­lu­şyk
ins­ti­tu­ty­nyň talyby.

Gyzykly bolup bilerЕЩЕ ОТ АВТОРА