Ber­ka­rar döw­le­ti­mi­ziň bag­ty­ýar­lyk döw­rün­de ýur­du­my­zyň äh­li kün­jek­le­rin­de hä­zir­ki­ za­man dur­muş-yk­dy­sa­dy, in­že­ner­çi­lik-teh­ni­ki hem-de ulag-ara­gat­na­şyk dü­zü­mi­ni kämilleşdirmek bo­ýun­ça ägirt uly, top­lum­la­ýyn iş­ler al­nyp ba­ryl­ýar. Paý­tag­ty­myz­da we we­la­ýat­lar­da ýa­şa­ýyş jaý­la­ry, mek­dep­ler, ça­ga­lar bag­la­ry, luk­man­çy­lyk eda­ra­la­ry, za­wod­lar we fab­rik­ler, dür­li mak­sat­ly beý­le­ki des­ga­lar yzy­gi­der­li gu­rul­ýar, olar adam­la­ryň ýo­ka­ry dur­muş de­re­je­si­ni, dö­re­di­ji­lik­li zäh­met, amat­ly ýa­şa­ýyş we türk­me­nis­tan­ly­la­ryň do­ly de­re­je­li dynç al­ma­gy üçin aň­ry­baş şert­le­ri üp­jün et­mä­ge ýar­dam ber­ýär.
Mil­li Li­de­ri­mi­ziň ýol­baş­çy­ly­gyn­da dur­mu­şa ge­çi­ril­ýän oňyn öz­gert­me­ler mak­sat­na­ma­sy ýo­kar­da aý­dy­lan­la­ryň do­ly su­but­na­ma­sy­dyr. Mu­ňa hor­mat­ly Pre­zi­den­ti­mi­ziň ýur­du­my­zyň de­mir­ga­zyk se­bi­tin­dä­ki Da­şo­guz we­la­ýa­ty­na ama­la aşy­ran sa­pa­ryn­da-da do­ly göz ýetirmek bolýar.

HOR­MAT­LY PRE­ZI­DEN­TI­MIZ AGZAÇAR SADAKASYNY BERDI
Hor­mat­ly Pre­zi­den­ti­miz mu­kad­des Ora­za aýyn­da Da­şo­guz we­la­ýa­tyn­da sa­par­da bo­lup, sa­pa­ry­nyň il­kin­ji gü­ni ag­za­çar sa­da­ka­sy­ny ber­di. Ora­za hal­ky­my­zyň pa­ra­sat­ly­ly­gy­ny, ru­hu­be­lent­li­gi­ni we urp-adat­la­ry­ny şöh­le­len­di­rip, me­de­ni gym­mat­ly­gy­my­zyň aý­ryl­maz mö­hüm bö­le­gi bo­lup dur­ýar. Ol Mi­ra­sa sar­pa goý­mak, Wa­ta­ny öz­gert­mek ýy­lyn­da aý­ra­tyn äh­mi­ýe­te eýe bol­ýar. Şu­nuň bi­len bag­ly­lyk­da, bu mu­kad­des aý­da döw­let Baş­tu­ta­ny­my­zyň ýur­du­my­zyň se­bit­le­ri­ne ba­ryp gör­me­gi bel­lär­lik­li­dir. Olar­da türk­men hal­ky üçin äh­mi­ýe­ti uly bo­lan aja­ýyp gö­zel ýer­ler jem­le­nen­dir. Mil­li Li­de­ri­miz se­bit­ler­de ýur­du­my­zyň her bir maş­ga­la­sy­nyň, her bir ra­ýa­ty­nyň dur­mu­şy­ny has-da aba­dan­laş­dyr­ma­ga ýar­dam et­jek tä­ze dur­muş-me­de­ni mak­sat­ly des­ga­la­ry aç­ýar we düý­bü­ni tut­ýar.
Da­şo­guz we­la­ýa­ty­nyň baş met­jit top­lu­my dört sa­ny mi­na­ra­ly hem-de de­pe­sin­de al­tyn­sow ýa­ry­maý ýer­leş­di­ri­len güm­mez­li bo­lup, ol şä­he­ri­niň iň owa­dan hem-de uzyn kö­çe­le­ri­niň bi­ri bo­lan Gö­rog­ly kö­çe­si­niň ug­run­da ýer­leş­ýär.
Met­ji­diň bi­na­sy mil­li bi­na­gär­li­giň iň go­wy däp­le­rin­de guruldy. Onuň be­ze­gin­de we­la­ýa­tyň çä­gin­de ýer­leşýän ta­ry­hy ýa­dy­gär­lik­le­riň na­gyş­la­ry ula­nyl­dy. Bi­na­nyň bi­na­gär­lik gör­ke­zi­ji­le­ri hem onuň ulu­dy­gy­na şa­ýat­lyk ed­ýär – met­ji­diň mer­ke­zi güm­me­zi­niň dia­met­ri 38 met­re, be­ýik­li­gi 40 met­re, dört mi­na­ra­nyň her bi­ri­niň be­ýik­li­gi bol­sa 63 met­re ba­ra­bar­dyr. 3 müň zy­ýa­rat­çy­nyň ýerleş­me­gi­ne ni­ýet­le­nen met­ji­diň özün­den baş­ga-da, bu ýer­de 1500 orun­lyk sa­da­ka ber­mek üçin jaý gu­rul­dy. Bir­ba­da myh­man­la­ryň 200-si­ni ka­bul et­mä­ge ni­ýet­le­nen üç gat­ly myh­man­ha­na äh­li amat­ly şert­ler bi­len üp­jün edil­di. Döw­let Baş­tu­ta­ny­myz 2013-nji ýyl­da Da­şo­guz we­la­ýa­ty­nyň met­ji­di­niň düý­bü­ni tut­ma­ga, 2015-nji ýyl­da bol­sa, onuň da­ba­ra­ly açy­ly­şy­na gat­naş­dy. Şon­da mil­li Li­de­ri­miz Türk­me­nis­ta­nyň müf­tü­si­ne met­jit üçin ke­ra­mat­ly Gur­ha­ny sow­gat ber­di.
Da­şo­guz we­la­ýa­ty­nyň met­ji­din­de mil­li Li­de­ri­mi­ze mu­kad­des Kä­bä zy­ýa­rat eden wag­tyn­da sow­gat ber­len ke­ra­mat­ly te­per­rik ýer­leş­di­ril­di. Bu teperrik döw­let Baş­tu­ta­ny­my­za go­laý­da Sa­ud Ara­bys­ta­ny Pa­ty­şa­ly­gy­na bo­lan res­mi sa­pa­ry­nyň çäk­le­rin­de berildi.
Mu­kad­des te­per­ri­ge to­gap edip, mil­li Li­de­ri­miz: “Oka­lan aýat-do­ga­lar Be­ýik Bi­ri­ba­ryň der­gä­hin­de ka­bul bol­sun! Goý, bi­ziň ýur­du­myz he­mi­şe asu­da bol­sun! Goý, bi­ziň hal­ky­myz he­mi­şe aba­dan dur­muş­da we ag­zy­bir ýa­şa­syn!” di­ýip, ýyg­na­nan­la­ra ýüz­le­nip, o­la­ry ag­za­çar sa­da­ka­sy­nyň ge­çi­ril­ýän ýe­ri­ne ça­gyr­dy. Hor­mat­ly Pre­zi­den­ti­mi­z bu ýerde çykyş edip, bi­ziň döw­le­ti­miz adam­la­ryň ýa­şa­ýyş-dur­muş şert­le­ri­ni go­wu­lan­dyr­mak üçin ägirt uly ma­li­ýe se­riş­de­le­ri­ni goý­ber­ýär. Alyp bar­ýan şeý­le sy­ýa­sa­ty­my­zyň ne­ti­je­si bo­lan «Bag­ty­ýar za­man» oba­sy hem äh­li üp­jün­çi­lik ul­ga­my bar bo­lan şä­her­çe­ler bi­len bäs­le­şer.
Soň­ra hor­mat­ly Pre­zi­den­ti­miz Türk­me­nis­ta­nyň müf­tü­si­ne te­bä­rek çy­kyp ber­me­gi­ni ha­ýyş et­di. Türk­me­nis­ta­nyň müf­tü­si te­bä­rek çyk­dy. Şon­dan soň, ag­za­çar sa­da­ka­sy­na gat­naş­ýan­la­ra na­har çe­kil­di. Na­har­dan soň aýat-tö­wir okal­dy. Aýat-tö­wir oka­lan­dan soň, mil­li Li­de­ri­miz bu ýe­re ýyg­na­nan­la­ra ýüz­le­nip, “Ýe­ne-de bir ge­zek şu gün­ki ber­len sa­da­ka­lar ka­bul bol­sun!” diý­di.

TÄ­ZE ÝA­ŞA­ÝYŞ JAÝ TOP­LU­MY­NYŇ DÜÝ­BI TU­TUL­DY
Hor­mat­ly Pre­zi­den­ti­miz ýur­du­my­zyň de­mir­ga­zyk we­la­ýa­ty­na ama­la aşy­ran sa­pa­ry­nyň çäk­le­rin­de tä­ze ýa­şa­ýyş jaý top­lu­my­nyň düý­bi tu­tul­dy. Ýa­kyn ýyl­lar­da Da­şo­guz şä­he­ri­niň gü­nor­ta-gün­ba­tar bö­le­gin­de, Bi­ta­rap­lyk şa­ýo­lu­nyň ug­run­da be­lent ýa­şa­ýyş jaý­la­ry peý­da bo­lar.
Be­ýik Ýü­pek ýo­lu­nyň mö­hüm çat­ry­gyn­da ýer­leş­ýän Da­şo­guz iň myh­man­sö­ýer şä­her­le­riň bi­ri hök­mün­de bel­li­dir. “Mi­ra­sa sar­pa goý­mak, Wa­ta­ny öz­gert­mek ýy­ly” diý­lip, yg­lan edi­len 2016-njy ýyl­da we­la­ýat mer­ke­zi­ne Ga­raş­syz Döw­let­le­riň Ar­ka­la­şy­gy­nyň me­de­ni paý­tag­ty hök­mün­dä­ki de­re­je be­ril­di. Mil­li Li­de­ri­mi­ziň ýol­baş­çy­ly­gyn­da şä­he­riň keş­bi düýp­gö­ter öz­ger­di. Soň­ky ýyl­lar­da şä­her­de köp san­ly ýa­şa­ýyş jaý top­lum­la­ry, sport mer­kez­le­ri, myh­man­ha­na­dyr dynç alyş mer­kez­le­ri we beý­le­ki me­de­ni mak­sat­ly bi­na­la­ryň en­çe­me­si gur­lup ulan­ma­ga be­ril­di.
Ine, ýe­ne-de san­ly­ja ýyl­dan şä­her­de tä­ze ýa­şa­ýyş jaý top­lu­my peý­da bo­lar. Tä­ze et­rap­ça­da 1050 maş­ga­la ni­ýet­le­nen ýo­ka­ry amat­lyk­ly dört gat­ly ýa­şa­ýyş jaý­la­ry­nyň 60-sy­ny gur­mak me­ýil­leş­di­ril­ýär. Bu ýer­de je­mi 525 sa­ny üç otag­ly öý­ler gur­lar, ola­ryň her bi­ri­niň meý­da­ny 171 ine­dör­dül met­re deň bo­lar we on­dan baş­ga-da 525 sa­ny dört otag­ly, her bi­ri­niň meý­da­ny 203,45 ine­dör­dül met­re ba­ra­bar bo­lan öý­ler bi­na edi­ler.
Ola­ryň gur­lu­şy­gy tap­gyr­la­ýyn ama­la aşy­ry­lar. Bi­rin­ji no­bat­da­ky­nyň çäk­le­rin­de, 2016-2018-nji ýyl­lar­da al­ty sa­ny 16 öý­li we iki sa­ny 24 öý­li ýa­şa­ýyş jaý­la­ry­ny, sa­da­ka ber­mek üçin bi­na­ny hem-de dür­li teh­ni­ki des­ga­la­ry gur­mak me­ýil­leş­di­ril­di. 2019-njy ýy­la çen­li ýa­şa­ýyş jaý­la­ry­nyň ýe­ne-de onu­sy­ny, şol san­da bir 12 öý­li, bir 18 öý­li, bäş 16 öý­li we üç 24 öý­li ýa­şa­ýyş jaý­la­ry­ny, şeý­le hem köp gat­ly aw­to­du­ral­ga­ny ulan­ma­ga tab­şyr­mak me­ýil­leş­di­ril­ýär. Üçün­ji no­bat­da­ky­nyň gur­lu­şyk iş­le­ri 2018-2020-nji ýyl­lar­da al­nyp bar­lar. Şol dö­wür­de ýe­ne bir­nä­çe 16 öý­li we 24 öý­li ýa­şa­ýyş jaý­la­ry, 600 orun­lyk umu­my bi­lim ber­ýän mek­dep hem-de 240 orun­lyk ça­ga­lar ba­gy, bu ýer­de ýaş türk­me­nis­tan­ly­la­ryň ter­bi­ýe al­ma­gy, aň-bi­lim we dö­re­di­ji­lik taý­dan ös­me­gi üçin hem­me şert­ler dö­re­di­ler, şeý­le hem Sag­lyk mer­ke­zi gur­lar.
Bu ýe­re ýyg­na­nan­la­ryň şow­hun­ly el çar­pyş­ma­la­ryn­da hor­mat­ly Pre­zi­den­ti­miz ýa­şa­ýyş jaý­la­ry­nyň tä­ze top­lu­my­nyň bin­ýa­dy­na türk­me­nis­tan­ly­la­ryň gel­jek­ki ne­sil­le­ri­ne ni­ýet­le­nen hat ýer­leş­di­ri­len gu­ty­ny ok­lap, soň­ra onuň düý­bü­ne il­kin­ji be­ton ga­ryn­dy­la­ry­ny gu­ýup, gur­lu­şy­ga ba­dal­ga ber­di.

MI­NISTR­LER KA­BI­NE­TI­NIŇ GÖÇ­ME MEJ­LI­SI
Döw­let Baş­tu­ta­ny­myz Da­şo­guz we­la­ýa­ty­na iş sa­pa­ry­nyň çäk­le­rin­de Mi­nistr­ler Ka­bi­ne­ti­niň göç­me mej­li­si­ni ge­çir­di, on­da se­bit­dä­ki iş­le­riň ýag­da­ýy­na, ýer­ler­de dur­muş-yk­dy­sa­dy öz­gert­me­le­riň iler­le­di­li­şi bi­len bag­la­ny­şyk­ly me­se­le­le­re ga­ral­dy.
Mil­li Li­de­ri­miz mej­li­si açyp, şu ýyl mu­kad­des Ga­raş­syz­ly­gy­my­zyň şan­ly 25 ýyl­lyk to­ýu­ny da­ba­ra­ly bel­läp geç­jek­di­gi­mi­zi bel­le­di. Ga­raş­syz­lyk hal­ky­my­za köp zat­la­ry ber­di. Ge­çen çär­ýek asy­ryň için­de ýur­du­myz­da äh­li ugur­lar­da ýo­ka­ry ne­ti­je­ler ga­za­nyl­dy. Ata Wa­ta­ny­myz­da be­lent sep­git­le­re ýe­til­di, giň ge­rim­li we tu­tum­ly iş­ler ama­la aşy­ryl­dy. Ga­raş­syz Türk­me­nis­tan dün­ýä ýurt­la­ry­nyň ara­syn­da ýo­ka­ry ne­ti­je­le­ri ga­zan­ýan döw­let­le­riň bi­ri­ne öw­rül­di di­ýip, hor­mat­ly Pre­zi­den­ti­miz bel­le­di.
Ýur­du­my­zyň äh­li we­la­ýat­la­ry bi­len bir­lik­de, biz Da­şo­guz we­la­ýa­ty­ny ös­dür­mä­ge hem uly üns ber­ýä­ris. Onuň üs­tün­lik­le­ri bi­zi be­gen­dir­ýär, ýö­ne şo­nuň bi­len bir­lik­de, we­la­ýa­ty mun­dan beý­läk­de ös­dür­mek bo­ýun­ça al­nyp ba­ryl­ýan iş­ler­de en­tek kem­çi­lik­ler az däl di­ýip, mil­li Li­de­ri­miz aýt­dy. Bu kem­çi­lik­le­ri ara­dan aýyr­ma­gyň ýol­la­ry­ny ara alyp mas­la­hat­laş­mak hem-de gaý­ra­go­ýul­ma­syz we­zi­pe­le­ri kes­git­le­mek şu gün­ki mej­li­siň esa­sy me­se­le­le­ri bo­lup dur­ýar di­ýip, hor­mat­ly Pre­zi­den­ti­miz bel­le­di we mej­li­siň gün ter­ti­bi­ne geç­di.
Mej­li­siň bar­şyn­da Da­şo­guz we­la­ýa­ty­nyň et­rap hä­kim­le­ri­niň ha­sa­ba­ty diň­le­nil­di. Mil­li Li­de­ri­miz ha­sa­bat­la­ry diň­läp, gu­ra­ma­çy­lyk me­se­le­le­ri­ne se­ret­di. Döw­let Baş­tu­ta­ny­myz we­zi­pe borç­la­ry­ny ta­la­ba la­ýyk ýe­ri­ne ýe­tir­män, et­rap­da al­nyp ba­ryl­ýan iş­le­riň gu­ra­ly­şy­na gö­zeg­çi­li­gi gow­şa­dan­dy­gy üçin kä­bir et­rap­la­ryň hä­kim­le­ri­ni we orun­ba­sar­la­ry­ny eýe­le­ýän we­zi­pelerin­den bo­şat­dy. Şeý­le hem hor­mat­ly Pre­zi­den­ti­miz bir­nä­çe ýol­baş­çy­la­ra al­nyp ba­ryl­ýan iş­le­riň gö­zeg­çi­li­gi gow­şa­dan­dy­gy üçin berk kä­ýinç yg­lan et­di.
Mil­li Li­de­ri­miz mej­li­si do­wam edip, ýur­du­myz­da dur­mu­şa ge­çi­ril­ýän «Döw­let adam üçin­dir!» di­ýen sy­ýa­sa­tyň mäh­ri­ban hal­ky­my­zyň ýa­şa­ýyş-dur­muş de­re­je­si­ni yzy­gi­der­li ýo­kar­lan­dyr­ma­ga, aba­dan we bag­ty­ýar dur­muş­da ýa­şa­ma­gy­ny ga­zan­ma­ga gö­nük­di­ri­len­di­gi­ni aýt­dy.
Soň­ra Türk­me­nis­ta­nyň Mej­li­si­niň Baş­ly­gy A.Nur­ber­di­ýe­wa söz be­ril­di. Ol Da­şo­guz we­la­ýa­ty­nyň do­lan­dy­ryş çä­gi­ni döw­re­bap­laş­dyr­mak bo­ýun­ça taý­ýar­la­nan tek­lip­ler ba­ra­da ha­bar ber­di. Mil­li par­la­men­tiň ýol­baş­çy­sy ýur­du­my­zyň do­lan­dy­ryş-çäk gur­lu­şy­ny kä­mil­leş­dir­mek bi­len bag­ly me­se­le­le­re se­ret­mek we ola­ry kä­mil­leş­dir­mek ba­ra­da mil­li Li­de­ri­mi­ziň öň­de go­ýan we­zi­pe­le­ri­ne la­ýyk­lyk­da, Mej­lis­de we­la­ýat hä­kim­lik­le­ri bi­len bi­le­lik­de, de­giş­li iş­le­riň dur­mu­şa ge­çi­ril­ýän­di­gi­ni aýt­dy.
Döw­let Baş­tu­ta­ny­my­zyň Türk­me­nis­ta­nyň Kons­ti­tu­si­ýa­sy­nyň 63-nji mad­da­sy esa­syn­da “Da­şo­guz we­la­ýa­ty­nyň do­lan­dy­ryş-çäk me­se­le­le­ri ha­kyn­da” Mej­li­siň ka­ra­ry ka­bul edil­di. Ka­ra­ra la­ýyk­lyk­da, Da­şo­guz we­la­ýa­tyn­da 9 et­rap, 2 et­rap hu­kuk­ly şä­her, 7 et­rap­da­ky şä­her, 1 şä­her­çe, 134 ge­ňeş­lik, 610 oba bol­ar.
Mil­li Li­de­ri­miz Da­şo­guz we­la­ýa­ty­nyň ag­zy­bir we zäh­met­sö­ýer ila­ty­nyň öň­de du­ran be­lent we­zi­pe­le­ri ama­la aşyr­mak üçin yh­las­ly we tu­tan­ýer­li zäh­met çek­jek­di­gi­ne, Mi­ra­sa sar­pa goý­mak, Wa­ta­ny öz­gert­mek ýy­lyn­da hem ber­ka­rar döw­le­ti­mi­ziň has be­lent sep­git­le­re ýet­me­gi, mäh­ri­ban hal­ky­my­zyň bo­le­lin we bag­ty­ýar dur­muş­da ýa­şa­ma­gy ug­run­da alyp bar­ýan giň ge­rim­li iş­le­ri­mi­ze my­na­syp go­şant­la­ry­ny goş­jak­dyk­la­ry­na berk ynam bil­dir­di.
Hor­mat­ly Pre­zi­den­ti­miz iş sa­pa­ry­nyň çäk­le­rin­de an­na gü­ni, mu­kad­des ju­ma na­ma­zy­nyň okal­ýan gü­ni S.A.Ny­ýa­zow adyn­da­ky et­rap­da 500 ho­ja­ly­ga, ýag­ny iki ýa­rym müň ada­ma ni­ýet­le­nip tä­ze gur­lan, döw­re­bap Bag­ty­ýar za­man oba­sy­nyň bi­rin­ji tap­gy­ry­nyň açy­lyş da­ba­ra­sy­na hem gat­naş­dy.

TÜRK­ME­NIS­TAN RU­HY-ME­DE­NI GYM­MAT­LYK­LA­RA BAÝ ÜL­KE
Döw­let Baş­tu­ta­ny­my­zyň Da­şo­guz we­la­ýa­ty­na sa­pa­ry­na ga­bat­lap, bu ýer­de “Türk­me­nis­tan ru­hy-me­de­ni gym­mat­lyk­la­ra baý ül­ke­dir” at­ly Hal­ka­ra yl­my-ama­ly mas­la­ha­ty hem-de ama­ly-ha­şam sun­ga­ty­nyň eser­le­ri­niň ser­gi­si ge­çi­ril­di. Bu me­de­ni-köp­çü­lik­le­ýin çä­re Da­şo­guz şä­he­ri­niň 2016-njy ýyl­da Ga­raş­syz Döw­let­le­riň Ar­ka­la­şy­gy­nyň me­de­ni paý­tag­ty diý­lip yg­lan edil­me­gi­ne ba­gyş­lan­dy.
Hal­ka­ra fo­ru­myň işi­ne GDA ýurt­la­ryn­dan bo­lan alym­lar, ede­bi­ýa­ty öw­re­ni­ji­ler, me­de­ni­ýe­ti öw­re­ni­ji­ler, sun­ga­ty öw­re­ni­ji­ler, ta­ryh­çy­lar, dil­çi­ler, bi­na­gär­ler, ga­zuw ag­ta­ry­jy­lar hem-de me­de­ni-yn­san­per­wer ul­ga­my­nyň beý­le­ki we­kil­le­ri gat­naş­dy. Mas­la­ha­ta gat­na­şy­jy­lar Da­şo­guz we­la­ýa­ty­nyň mad­dy we mad­dy däl mi­ra­sy, ede­bi ýa­dy­gär­lik­ler, tä­ze ýa­zuw çeş­me­le­ri­ni we ar­heo­lo­gik ta­pyn­dy­la­ry göz­läp tap­mak ba­bat­da öz bar­lag­la­ry­nyň ne­ti­je­le­ri bi­len paý­la­şyp, türk­men hal­ky­my­zyň adam­zat ösü­şi­ne ru­hy-me­de­ni, yn­san­per­wer we yl­myň ga­za­nan­la­ry­nyň je­del­siz uly tä­si­ri­ni tä­ze açyş­la­ry bi­len tas­syk­la­dy­lar. Ber­ka­rar döw­le­ti­mi­ziň bag­ty­ýar­lyk döw­rün­de mil­li yl­myň we me­de­ni­ýe­tiň ok­gun­ly ös­ýän­di­gi, mil­li gym­mat­lyk­la­ryň hem-de dün­ýä öl­çeg­le­ri ul­ga­myn­da ola­ryň äh­mi­ýe­ti­ne dü­şü­nil­me­giň ýo­kar­lan­ýan­dy­gy nyg­tal­dy.
«Zaman-Türkmenistan».

Gyzykly bolup bilerЕЩЕ ОТ АВТОРА