Sport bi­len meş­gul­lan­mak hem-de sag­dyn iý­mit­len­mek is­len­dik ça­ga­nyň ta­la­ba la­ýyk ösü­şi­ne uly go­şant goş­ýar. Bu ba­bat­da Bir­le­şen Mil­let­ler Gu­ra­ma­sy­nyň Bü­tin­dün­ýä Azyk mak­sat­na­ma­sy, ÝU­NES­KO we Hal­ka­ra Fut­bol Fe­de­ra­si­ýa­sy (FI­FA) bi­le­lik­de tä­ze tas­la­ma­ny dur­mu­şa ge­çir­mä­ge gi­riş­di. Mil­li­on­lar­ça ça­ga­nyň dur­mu­şy­na ta­sir et­jek bi­le­lik­dä­ki tas­la­ma “Mek­dep­ler­de fut­bol” diý­lip at­lan­dy­ryl­dy. Bu ba­bat­da yla­la­şyk Şweý­sa­ri­ýa­nyň Da­wos şä­he­rin­de ge­çi­ri­len Bü­tin­dün­ýä yk­dy­sa­dy fo­ru­myn­da ga­za­nyl­dy. FI­FA-nyň ýol­baş­çy­sy Gi­an­ni In­fan­ti­no­nyň, BMG-niň Azyk mak­sat­na­ma­sy­nyň ýe­ri­ne ýe­ti­ri­ji di­rek­to­ry De­wid Biz­li­niň hem-de ÝUNES­KO-nyň baş di­rek­to­ry Od­ri Azu­la­ýyň ara­syn­da de­giş­li res­mi­na­ma gol çe­kil­di.
Tas­la­ma­nyň esa­sy mak­sa­dy spor­tuň bu gör­nü­şi bi­len tu­tuş dün­ýä­de hem og­lan­la­ryň hem-de gyz­la­ryň meş­gul­lan­ma­gy­ny ga­zan­mak­dan yba­rat. Ol mek­dep me­ýil­na­ma­syn­da orun alyp, be­den­ter­bi­ýe hem-de fa­kul­ta­tiw der­si­niň esa­sy mow­zuk­la­ry­nyň bi­ri­ne öw­rü­ler.
FI­FA-nyň hem-de BMG-niň Azyk mak­sat­na­ma­sy­nyň bi­le­lik­dä­ki ta­gal­la­sy bi­len FI­FA ag­za fut­bol fe­de­ra­si­ýa­la­ryň ýer­leş­ýän ýurt­la­ry­na 11 mil­li­on fut­bol to­py ibe­ri­ler. Bu bolsa 700 mil­li­on ça­ga­nyň yzy­gi­der­li fut­bol oý­na­ma­gy­na müm­kin­çi­lik be­rer. Okuw me­ýil­na­ma­sy­na fut­bo­lyň go­şul­ma­gy bilen mek­dep mu­gal­lym­la­ry üçin on­laýn-plat­for­ma dö­re­di­lip, olara dür­li mag­lu­mat­lar ýer­leş­di­ri­ler.
– FI­FA BMG-niň Azyk mak­sat­na­ma­sy bi­len bi­le­lik­de spor­tuň dün­ýä­de giň ýaý­ran gör­nü­şi bo­lan fut­bo­lyň has-da ýaý­baň­lan­dyryl­ma­gy üçin ta­gal­la eder. Şol bir wagt­da Fe­de­ra­si­ýa og­lan­la­ryň hem-de gyz­la­ryň sport en­dik­le­ri­ni ös­dür­mä­ge hem ýar­dam eder – di­ýip, Azyk mak­sat­na­ma­sy­nyň ýe­ri­ne ýe­ti­ri­ji di­rek­to­ry De­wid Biz­li gür­rüň ber­di.
Mun­dan baş­ga-da, tä­ze tas­la­ma­nyň çäk­le­rin­de tä­lim­çi­ler üçin on­laýn-plat­for­ma dö­re­di­ler. “Mek­dep­lerde fut­bol” tas­la­ma­sy 2019-njy ýy­lyň or­ta­la­ryn­da baş­lap, Af­ri­ka, Azi­ýa we La­tyn Ame­ri­ka­sy ýurt­la­ryn­da dur­mu­şa ge­çi­ri­lip baş­la­nar.

Çarymyrat ANNAMYRADOW,
Türkmen döwlet binagärlik-gurluşyk institutynyň talyby.

Gyzykly bolup bilerЕЩЕ ОТ АВТОРА