Hy­ta­ý ýur­dy ba­gy-bos­san­ly­ga öwür­mek ba­bat­da ga­zan­ýan üs­tün­lik­le­ri bilen haý­ran gal­dyr­ýar we eme­li dö­re­di­len to­kaý zo­lak­la­ry­nyň meý­da­ny babatda bir­nä­çe ýyl­dan bä­ri öň­de­li­gi eýe­le­ýär. “Sin­hua” ha­bar­lar agent­li­gi­niň ha­bar ber­me­gi­ne gö­rä, 40 ýyl mun­dan ozal, ýag­ny 1979-njy ýyl­da ýurt­da bag ek­mek gü­ni dö­re­dil­di. Şon­dan bä­ri ýurt­da her ýyl äh­lu­mu­my agaç oturt­mak çä­re­si ge­çi­ri­lip, gök zo­lak­la­ryň meý­da­ny­ny kö­pelt­mek ba­bat­da de­giş­li iş­le­r alnyp baryl­ýar.
Bag ek­ilýän gü­n ýurt­da ba­har baý­ram­çy­ly­gy ha­sap­la­nyp, ol Hy­ta­ýyň mil­li baý­ram­çy­ly­gy­dyr. Her ýyl 12-nji mart­da ýurt­da köp­çü­lik­le­ýin agaç na­hal­la­ry­ny oturt­mak çä­re­si ge­çi­ril­ýär. 11-60 ýaş ara­ly­gyn­da­ky her bir işe ukyp­ly ra­ýat ýylda 3-den 5-e çen­li agaç na­ha­ly­ny otur­dyp, ony ýe­tiş­dir­me­li­dir. Ýur­duň hö­kü­me­ti­niň bu baş­lan­gy­jy Hy­ta­ýyň ila­ty ta­ra­pyn­dan uly gol­da­wa eýe bol­dy. Her ýy­l 500 mil­lio­na go­laý hy­taý­ly köp­çü­lik­le­ýin bag ek­mek çä­re­si­ne gat­naş­ýar. 2008-nji ýyl­dan bä­ri, meý­le­tin­çi­ler ta­ra­pyn­dan ýurt­da 50 mil­liard­dan gow­rak agaç na­ha­ly otur­dyl­dy.
Soň­ky 40 ýy­lyň do­wa­myn­da Pe­kin şä­he­ri­niň ýa­şaý­jy­la­ry we meý­le­tin­çi­ler 200 mil­li­on­dan gow­rak agaç na­hal­la­ry­ny ekdiler. Ge­çen ýyl ýur­duň paý­tag­tyn­da 1 mil­lio­na go­laý bag na­hal­la­ry ekil­di. Üs­tü­miz­dä­ki ýyl­da hem ýe­ne-de 1 mil­li­on agaç na­hal­la­ry­ny oturt­mak me­ýil­leş­di­ril­ýär. Mu­nuň üçin 113 gek­tar ýer bö­lü­nip be­ril­di.
Oguljennet ÖWEZOWA,
S. A. Ny­ýa­zow adyn­da­ky TO­HU-nyň mugallymy.

Gyzykly bolup bilerЕЩЕ ОТ АВТОРА