Türk­me­nis­ta­nyň çem­pio­ny “Al­tyn asyr” fut­bol to­pa­ry AFK Ku­bo­gy ýa­ry­şyn­da tä­ze möw­süm­dä­ki il­kin­ji du­şu­şy­gy­ny ge­çir­di. Ara­gat­na­şyk­çy­lar myh­man­çy­lyk­da Gyr­gyz Res­pub­li­ka­sy­nyň “Dor­doý” to­pa­ry bi­len du­şuş­dy. Do­len Omur­za­kow adyn­da­ky sta­di­on­da geçirilen duşuşyga 8101 jan­kö­ýer ýyg­na­nyp, du­şu­şy­ga ka­tar­ly Sa­ud Al-Ath­bah emin­lik et­di. Du­şu­şy­gyň 1-nji ýa­ry­myn­da iki to­par hem bir­nä­çe hü­jüm ge­çir­di. Aý­ra­ty­nam ýer eýe­le­ri iki sa­ny amat­ly pur­sat dö­ret­di. Şo­la­ryň bi­rin­de hem ýer eýe­le­ri ha­sa­by aç­ma­gy ba­şar­dy.

Has ta­ky­gy, 45+1-nji mi­nut­da An­ton Zem­lia­nu­hi­niň uran to­py go­rag­çy­la­ry­myz­a degip, yzy­na gaýt­dy. Şol pur­sat­da “Dor­doý” to­pa­ry­nyň türk­me­nis­tan­ly fut­bol­çy­sy Wa­hyt Oraz­sä­he­dow to­py der­we­zä gi­riz­di. Oý­nuň 2-nji ýa­ry­my edil 1-nji ýa­ry­ma meň­zeş bo­lup, il­deş­le­ri­miz du­şu­şy­gyň ta­mam­lan­ma­gy­na 5 mi­nut ga­lan­da ha­sa­by deň­le­me­giň höt­de­sin­den gel­di. Bu go­ly-da du­şu­şy­gyň 85-nji mi­nu­tyn­da My­rat An­na­ýe­wiň or­nu­na 60-njy mi­nut­da meý­dan­ça gi­ren An­na­sä­het An­na­sä­he­dow öz ady­na ýaz­dyr­dy. Ga­lan mi­nut­lar­da-da to­par­la­ra ta­pa­wut­lan­mak ba­şart­ma­dy.
To­par­ça­da­ky beý­le­ki du­şu­şyk­da bol­sa, iki tä­jik klu­by du­şu­şyp, “Is­tik­lol” Du­şan­be­dä­ki “Pa­mir” sta­dio­nyn­da “Hu­jand” to­pa­ryn­dan 3–0 üs­tün çyk­dy. Ýer eýe­le­ri­niň do­ly ar­tyk­maç­ly­gyn­da ge­çen oý­nuň gol­la­ryny Rus­lan Kor­ýan (50, 71) bi­len Ali­şer Ža­li­low (68 p) ge­çir­di.
“D” to­par­ça­da­ky 2-nji du­şu­şyk­lar 17-nji ap­rel­de oý­na­lar. Şol gün­ki oýun­lar­da “Al­tyn asyr” Aş­ga­bat­da “Is­tik­lo­ly”, “Hu­jand” bol­sa, “Dor­do­ýy” ka­bul eder.

Gyzykly bolup bilerЕЩЕ ОТ АВТОРА