Ber­ka­rar döw­le­ti­mi­ziň bag­ty­ýar­lyk döw­rün­de ru­hy dün­ýä­si ýag­şy­ly­ga, ajap umyt-ar­zuw­la­ra bes­le­nen hal­ky­myz her bir mu­kad­des­li­ge kalp öýün­den orun be­rip ýa­şa­ýar. Aja­ýyp döw­rü­miz­de hal­ky­myz üçin dö­re­dil­ýän şert­ler, asu­da, pa­ra­hat, bo­le­lin dur­muş­da ýa­şa­mak üçin döredilýän müm­kin­çi­lik­ler ra­ýat­la­ry­myz­da buýsanç duý­gu­sy­ny oýar­ýar.

Hal­ky­myz her ýyl­da umyt-ar­zuw­lar bi­len pä­ki­ze as­ma­ny­myz­da dog­ýan aý­la­ryň göw­he­ri Re­me­zan-Ora­za­ny gar­şy­la­ýar. Däp bo­lup gel­şi ýa­ly, Me­ret aýy ta­mam­la­nyp, Oraza aýy diý­len­de, ikin­di­na­ra pä­ki­ze as­man­da tyl­la Gün ýa­şar-ýaş­maz uçur­la­ry ça­ga­lar we ýet­gin­jek­ler ga­py-ga­py aý­la­nyp “Ýa ýa­re­me­zan” aý­dy­şyp, Re­me­zan aýy­nyň ge­len­di­gi­ni sö­ýün­ji­le­ýär­ler. Bu aja­ýyp pur­sat­lar äh­li ýaş­da­ky­la­ryň, esa­san-da, al­tyn aşyk ýa­ly gur­sa­gy hy­juw­ly kör­pe­le­riň kal­by­na tü­ke­nik­siz şat­ly­gy ba­gyş ed­ýär. Şeýlelikde, ar­zuw aty­na at­la­nan ça­ga­lar bu pur­sat­la­ryň şat­ly­gy bi­len gur­şa­lyp, ony daş-tö­we­re­ge ýaý­ýar­lar.
Re­me­zan arap di­li­niň “ra­mag” sö­zün­den bo­lup, “ys­sy” di­ýen ma­ny­ny aň­lad­ýar. Ol kö­ňül öý­le­ri­niň mäh­ri bi­len bag­la­ny­şyk­ly­dyr. Be­ýik söz us­sa­dy Mag­tym­gu­ly Py­ra­gy bu mu­kad­des aýyň ajap­ly­gy­ny şeý­le be­ýan edip­dir:

Ýy­lyň dört pas­lyn­da – on iki aý­da,
Re­me­zan di­ýer­ler aýyň ýag­şy­syn.

Ora­za päk­li­ge, tä­miz­li­ge ça­gy­ryş­dyr. Bu aýyň do­wa­myn­da mu­sul­man­lar met­jit­le­re ýyg­na­nyp, ta­ra­wa na­maz­la­ry­ny oka­ýar­lar. Yn­san dur­mu­şyn­da bo­lup geç­ýän bu öz­ge­riş­lik­ler onuň ru­hy dün­ýä­si­ni baý­laş­dy­ryp, ah­lak, edep, yn­san­per­wer­lik sy­pat­la­ry­nyň kä­mil­leş­me­gi­ne ge­tir­ýär. Bü­tin bir aýyň do­wa­myn­da meý­le­tin­lik bi­len iýip-iç­mek­den, ne­bis­den ýüz öwür­mek yn­san sy­na­sy­na, kal­by­na tä­miz duý­gu­la­ry ba­gyş­la­ýar. Ora­za ada­myň ber­hiz tut­ma­ga do­ly ukyp­ly­dy­gy­ny äş­gär ed­ýär. Ber­hiz köp ke­sel­ler­den der­man­syz ha­las bol­mak­dyr. Adam ber­hiz tut­sa, onuň sag­ly­gy hiç wagt pe­sel­me­ýär. Re­me­zan – Ora­za aýy­nyň iň mü­bä­rek gi­je­si Ga­dyr gi­je­si ha­sap edil­ýär. Şo­nuň üçin oňa gi­je­le­riň sol­ta­ny di­ýil­ýär. Bu Ora­za aýy­nyň ýig­ri­mi al­ty­syn­dan ýig­ri­mi ýe­di­si­ne ge­çil­ýän gi­je­dir. Bu gi­jä­niň ga­dyr-gym­ma­ty, ha­ýyr­ly­dy­gy ha­kyn­da dür­li ta­ry­hy çeş­me­ler­de aý­dyl­ýar. Ga­dyr gi­je­sin­de türk­men hal­ky­myz ata-ba­ba gel­ýän düz­gü­ne gö­rä, mu­kad­des ojak­la­ryn­da na­har taý­ýar­lap, goň­şo­ka­ra dä­bi­ni ýö­re­dip, bi­rek-bi­re­ge hoş­ni­ýet­li söz­le­ri aý­dyp, maş­ga­la ag­zy­bir­li­gi, rys­gal-döw­let­li­li­gi di­leg ed­ýär­ler. Bu hoş­ni­ýet­li­lik yn­san­la­ryň gö­wün­le­ri­ni bir-bi­ri­ne ýa­kyn­laş­dyr­ýar.
Gah­ry­man Ar­ka­da­gy­myz he­mi­şe il ag­zy­bir­li­gi, ýurt aba­dan­çy­ly­gy, ra­ýat­la­ry­my­zyň eş­ret­li, bolelin ýa­şaý­şy bi­len bag­ly iş­leriň ala­da­sy bi­len ýa­şa­ýar. Goý, Ora­za aýyn­da bi­ziň her bi­ri­mi­ziň doga-dileglerimiz, ar­zuw-is­leg­le­ri­miz ha­syl bol­sun! Hal­ky­ny Gün ki­bi ço­ýup, ba­ky bag­ty­ýar­ly­ga ýe­ti­ren mäh­ri­ban Ar­ka­da­gy­my­zyň ja­ny sag, öm­ri uzak bol­sun!

Ser­dar AK­GA­ÝEW,
S. A. Ny­ýa­zow adyn­da­ky TO­HU-nyň uly mu­gal­ly­my.

Gyzykly bolup bilerЕЩЕ ОТ АВТОРА