Ýur­du­my­zyň fut­bol çem­pio­na­tyn­da 8-nji tap­gy­ryň oýun­la­ryn­da 5 gol ha­sa­ba alyn­dy. 2 oýun­da gol ge­çi­ril­me­di. Sa­na­wyň öň­de­ba­ry­jy­sy “Ahal” myh­man­çy­lyk­da “Aş­ga­bat” bi­len du­şuş­dy. Oýun­da to­par­lar nä­çe jan et­seler-de, ha­sa­by açyp bil­me­di­ler. Bu “Aha­lyň” bas­syr 3-nji deň­li­gi bol­dy. Edil şonuň ýa­ly ha­sap açyl­ma­dyk baş­ga bir du­şu­şyk­da-da “Merw” “Şa­ga­da­my” ka­bul et­di. 0–0 gu­ta­ran bu oý­nuň 70-nji mi­nu­tyn­da “Şa­ga­da­myň” oýun­çy­sy Aşyr­gel­di Sa­ry­ýew gy­zyl kart al­dy. Deň­lik­de ta­mam­la­nan baş­ga bir oýun­da “Kö­pet­dag” bi­len “Ener­ge­tik” du­şuş­dy. 64-nji mi­nut­da ýer eýe­le­ri Döw­let­my­rat Ça­ry­ýe­wiň go­ly bi­len öňe saý­lan­dy. Myh­man­lar du­şu­şy­gyň ta­mam­lan­ma­gy­na 3 mi­nut ga­lan­da, ha­sa­by deň­le­me­gi ba­şar­dy. “Ener­ge­ti­gi” ýeň­liş­den ha­las eden go­ly 87-nji mi­nut­da Ali­bek Ab­dy­rah­ma­now öz ady­na ýaz­dyr­dy. Oý­nuň ahy­ryn­da “Ener­ge­tik­den” Döw­let Baý­ra­mow 2-nji sa­ry­dan soň gy­zyl kart al­dy. Tap­gy­ryň ýe­ke-täk ýe­ňiş bi­len ta­mam­la­nan oý­nun­da “Ne­bit­çi” öz meý­dan­ça­syn­da “Al­tyn asy­ry” ka­bul et­di. 50-nji mi­nut­da Şa­mäm­met Hy­dy­ro­wyň go­ly bi­len öňe saý­la­nan ýer eýe­le­ri bu üs­tün­li­gi oý­nuň so­ňu­na çen­li di­ýen ýa­ly sak­la­ma­gy ba­şar­dy­lar. Em­ma My­rat An­na­ýew il­ki 88-nji mi­nut­da ha­sa­by deň­le­di, soň­ra-da 90+4-nji mi­nut­da to­pa­ry­na ýe­ňiş ge­tir­di.

Gyzykly bolup bilerЕЩЕ ОТ АВТОРА