Paýtagtymyz Aşgabatda Garaşsyz Döwletleriň Arkalaşygyna gatnaşyjy ýurtlaryň hökümet Baştutanlarynyň Geňeşiniň mejlisi geçirildi. Hormatly Prezidentimiziň baştutanlygynda geçirilen ýokary derejedäki mejlise Russiýanyň, Belarusuň, Ermenistanyň, Azerbaýjanyň, Moldowanyň, Gazagystanyň, Özbegistanyň, Täjigistanyň hem-de Gyrgyzystanyň ýokary derejeli hökümet wekiliýetleri gatnaşdy.
Ýur­du­my­zyň Mi­nistr­ler Ka­bi­ne­ti­niň bi­na­syn­da ge­çi­ri­len ýo­ka­ry de­re­je­li mej­li­siň bar­şyn­da GDA gat­na­şy­jy ýurt­la­ryň ara­syn­da­ky söw­da-yk­dy­sa­dy, yn­san­per­wer we beý­le­ki ugur­lar­da­ky hyz­mat­daş­lyk gat­na­şyk­la­ry­ny has-da gi­ňelt­mä­ge de­giş­li me­se­le­le­riň giň top­lu­my ara al­nyp mas­la­hat­la­şyl­dy. Hor­mat­ly Pre­zi­den­ti­miz hem-de we­ki­li­ýe­tiň ýol­baş­çy­la­ry il­ki bi­len GDA gat­na­şy­jy ýurt­la­ryň döw­let baý­dak­la­ry­nyň öňün­de su­ra­ta düş­dü­ler. Soň­ra mej­lis hor­mat­ly Pre­zi­den­ti­mi­ziň we we­ki­li­ýe­tiň ýol­baş­çy­la­ry­nyň gat­naş­ma­gyn­da gys­ga dü­züm­de do­wam et­di. Gi­ňel­di­len dü­züm­de ge­çi­ri­len mej­lis­de çy­kyş eden hor­mat­ly Pre­zi­den­ti­miz GDA-nyň müm­kin­çi­lik­le­ri­niň ulu­dy­gy­ny hem-de köp ta­rap­ly­dy­gy­ny, önüm­çi­lik, lo­gis­ti­ka, ylym hem-de teh­no­lo­gi­ýa ba­bat­da uly müm­kin­çi­lik­le­riň bar­dy­gy­ny bel­le­di.
Mil­li Li­de­ri­miz ulag-ara­gat­na­şyk, ener­ge­ti­ka we me­de­ni-yn­san­per­wer ugur­lar­da hyz­mat­daş­ly­gyň gi­ňel­dil­me­gi­niň ze­rur­dy­gy­ny aýtdy. Şeý­le hem hor­mat­ly Pre­zi­den­ti­miz mej­li­se gat­na­şy­jy ýurt­la­ry şu ýy­lyň aw­gust aýyn­da “Awa­za” mil­li sy­ýa­hat­çy­lyk zo­la­gyn­da ge­çi­ril­jek Bi­rin­ji Ha­zar yk­dy­sa­dy fo­ru­ma gat­naş­ma­ga ça­gyr­dy.
Ga­raş­syz Döw­let­le­riň Ar­ka­la­şy­gy­na gat­na­şy­jy ýurt­la­ryň hö­kü­met Baş­tu­tan­la­ry­nyň Ge­ňe­şi­niň mej­li­siniň çäk­le­rin­de bir­nä­çe res­mi­na­ma­la­ra gol çe­kil­di. Şo­la­ryň ha­ta­ryn­da in­no­wa­si­on ul­gam­da hyz­mat­daş­lyk et­mek ba­bat­da tä­ze mak­sat­na­many taýýarlamaga girişmek boýunça degişli çözgüt kabul etdiler. Bu mak­sat­na­ma 2030-njy ýy­la çen­li döw­ri öz içi­ne al­ýar.
Mun­dan baş­ga-da, mej­li­siň çäk­le­rin­de 2019-njy ýy­lyň 25-nji okt­ýab­ryn­da Rus­si­ýa­nyň tek­li­bi­ boýunça Ga­raş­syz Döw­let­le­riň Ar­ka­la­şy­gy­na gat­na­şy­jy ýurt­la­ryň hö­kü­met Baş­tu­tan­la­ry­nyň Ge­ňe­şi­niň mej­li­sini Mosk­wa şä­he­rin­de ge­çir­mek ba­bat­da yla­la­şy­ga ge­lin­di.
Mä­lim bol­şy ýa­ly, GDA-nyň Döw­let Baş­tu­tan­la­ry­nyň Ge­ňe­şi­niň 2018-nji ýy­lyň 28-nji sent­ýab­ryn­da Du­şen­be şä­he­rin­de bo­lan mej­li­sin­de Türk­me­nis­ta­nyň 2019-njy ýyl­da GDA-da baş­lyk­lyk et­me­gi ba­ra­da­ky Ka­rar ka­bul edil­di. Şol Ka­rar esa­syn­da ýur­du­myz şu ýy­lyň do­wa­myn­da bu ab­raý­ly gu­ra­ma baş­lyk­lyk ed­ýär. Eý­ýäm türk­men döw­le­ti­niň gu­ra­ma­gyn­da köp san­ly ýo­ka­ry de­re­je­dä­ki mas­la­hat­lar­dyr mej­lis­ler ge­çi­ril­di. Ýur­du­myz Ga­raş­syz Döw­let­le­riň Ar­ka­la­şy­gy­nyň as­so­sir­le­nen ag­za­sy bol­mak bi­len, dür­li ul­gam­lar­da giň müm­kin­çi­lik­le­ri özün­de jem­le­ýän däp bo­lan dost­luk, hoş­ni­ýet­li goň­şu­çy­lyk hem-de oňyn hyz­mat­daş­lyk gat­na­şyk­la­ry­nyň ös­dü­ril­me­gi­ne uly go­şant goş­ýar.
Şeý­le­lik­de, Türk­me­nis­ta­nyň 2019-njy ýyl­da Ga­raş­syz Döw­let­le­riň Ar­ka­la­şy­gy­na baş­lyk­lyk et­me­gi mil­li Li­de­ri­mi­ziň pa­ra­sat­ly ýol­baş­çy­ly­gyn­da ýur­du­my­zyň be­lent hal­ka­ra ab­ra­ýy­nyň dün­ýä­de yk­rar edil­ýän­di­gi­niň hem-de onuň da­şa­ry-sy­ýa­sy stra­te­gi­ýa­sy­nyň giň gol­da­wa eýe bol­ýan­dy­gy­nyň no­bat­da­ky su­but­na­ma­sy­dyr.

Gyzykly bolup bilerЕЩЕ ОТ АВТОРА