Hor­mat­ly Pre­zi­den­ti­mi­ziň ahal­te­ke at­çy­lyk sun­ga­ty­ny tä­ze­den dö­ret­mek we ös­dür­mek ugrunda taý­syz ta­gal­la­la­ry ne­ti­je­sin­de, mil­li buý­san­jy­myz bo­lan be­hiş­di be­dew­le­ri­mi­ziň şan-şöh­ra­ty ýurt­la­ra we yk­lym­la­ra do­lup, ola­ryň üs­tün­lik­li çy­kyş­la­ry do­wam ed­ýär. “Gal­ky­nyş” mil­li at üs­tün­dä­ki oýun­lar to­pa­ry Hy­taý Halk Res­pub­li­ka­syn­da bo­lup, bu ýur­duň dür­li şä­her­le­rin­de gör­kez­me çy­kyş­la­ry­ny ama­la aşyrdy.
Bu ba­ra­da ýur­du­my­zyň Da­şa­ry iş­ler mi­nistr­li­gi­niň res­mi in­ter­net sa­hy­pa­syn­da hem mag­lu­mat be­ril­ýär. 2019-njy ýy­lyň 29-njy iýu­nyn­da Hy­taý Halk Res­pub­li­ka­sy­nyň de­mir­ga­zyk-gün­do­ga­ryn­da ýer­leş­ýän Ji­lin (Çan­çun şä­he­ri) we­la­ýa­tyn­da “Gal­ky­nyş” mil­li at üs­tün­dä­ki oýun­lar to­pa­ry­nyň gör­kez­me çy­kyş­la­ry ge­çi­ril­di. Bu da­ba­ra Hy­ta­ýyň Mil­li tä­jir­çi­lik we ösüş mas­la­ha­ty­nyň ýol­baş­çy­sy hem-de Ji­lin we­la­ýa­ty­nyň dür­li de­re­je­li par­ti­ýa we­kil­le­ri, çy­kyş­la­ry gur­naý­jy “Ji­lin Shengs­hi To­tem Hor­se Calche Co. Ltd” kom­pa­ni­ýa­nyň ýol­baş­çy­la­ry, te­le­ke­çi­ler fe­de­ra­si­ýa­sy­nyň we­kil­le­ri, su­rat­keş­ler, sun­gat iş­gär­le­ri, şeý­le hem Çan­çun şä­he­rin­de bi­lim al­ýan türk­men ta­lyp­la­ry gat­naş­dy­lar. Çan­çun şä­he­ri hy­taý se­na­ga­ty­nyň ösen mer­kez­le­ri­niň bi­ri bo­lup, bu ýer­de 11 sa­ny iri ýo­ka­ry okuw mek­de­bi ýer­leş­ýär. Şeý­le hem bu şä­her ýur­duň sy­ýa­hat­çy­lyk mer­kez­le­ri­niň bi­ri­dir. Ga­dy­my im­pe­ra­tor köşk-eý­wan­la­ry bi­len bir ha­tar­da ki­no önüm­çi­lik pu­da­gy­nyň hem ösen ýe­ri­dir.
Da­ba­ra gat­na­şy­jy­lar türk­men ji­git­le­ri­niň çy­kyş­la­ry­na uly gy­zyk­lan­ma bi­len to­ma­şa et­di­ler. Bu ýer­de us­sat ji­git­le­ri­miz asyr­la­ryň jüm­mü­şin­den göz­baş al­ýan mil­li at üs­tün­dä­ki oýun­la­ry­my­zy us­sat­lyk bi­len ýe­ri­ne ýe­ti­rip, be­hiş­di be­dew­le­ri­mi­ziň aja­ýyp­ly­gy­ny no­bat­da­ky ge­zek açyp gör­kez­di­ler.
Da­ba­ra­nyň çäk­le­rin­de Hy­ta­ýyň meş­hur şa­hy­ry Wan Si­an­li ahal­te­ke be­dew­le­ri­ne ba­gyş­lap ýa­zan poe­ma­sy­ny oka­dy. 1-nji iýul­da Hy­ta­ýyň bel­li su­rat­ke­şi Li Fu­ron­gyň türk­men be­dew­le­ri­ne ba­gyş­la­nan ser­gi­si­niň açy­lyş da­ba­ra­sy bol­dy. Ser­gi­de ahal­te­ke be­dew­le­ri­ne ba­gyş­la­nan 50-den gow­rak sun­gat ese­ri halk köp­çü­li­gi­ne gör­ke­zil­di. Bu su­rat ser­gi­si 3 aý açyk bo­lup, oňa ýur­duň dür­li kün­je­gin­den ahal­te­ke be­dew­le­ri­niň muş­dak­la­ry­nyň gel­me­gi­ne ga­ra­şyl­ýar.
Hy­taý ta­ra­py “Gal­ky­nyş” mil­li at üs­tün­dä­ki oýun­lar to­pa­ry­ny şu ýy­lyň 23-27-nji aw­gus­ty ara­ly­gyn­da Çan­çun şä­he­rin­den ge­çi­ril­jek “Hy­taý – De­mir­ga­zyk-gün­do­gar Azi­ýa” at­ly XII EKS­PO ser­gi­si­niň açy­lyş da­ba­ra­sy­na hem gat­naş­ma­ga ça­gyr­dy.

Gyzykly bolup bilerЕЩЕ ОТ АВТОРА