Hä­zir­ki wagt­da ara­kes­me ber­len ýur­du­my­zyň fut­bol çem­pio­na­tyn­da “Al­tyn asyr” to­pa­ry gal­dy­ry­lan du­şu­şyk­la­ry­ny ta­mam­la­dy. Ara­gat­na­şyk­çy­lar 12-nji tap­gy­ryň gal­dy­ry­lan oý­nun­da öz meý­dan­ça­syn­da iň aşa­ky orun­da bar­ýan “Mer­wi” ka­bul et­di. Ýer eýe­le­ri­niň do­ly ar­tyk­maç­ly­gyn­da ge­çen oýun­da “Al­tyn asyr” 6–0 ha­sa­byn­da ýe­ňiş ga­zan­dy. 1-nji ýa­rym­da 1, ga­lan 5 go­ly-da soň­ky 25 mi­nut­da ge­çi­ren “Al­tyn asyr” to­pa­ry­nyň adyn­dan Al­ty­my­rat An­na­dur­dy­ýew (4, 85), Re­sul Ho­ja­ýew (68), Be­genç Ak­mäm­me­dow (70, 78) hem-de Beg­my­rat Ba­ýow (75 p) da­gy ta­pa­wut­lan­dy. “Al­tyn asyr” 7-nji tap­gy­ryň gal­dy­ry­lan oý­nun­da bol­sa, paý­tag­ty­my­zyň ady­bir “Aş­ga­bat” to­pa­ry bi­len du­şuş­dy. Çe­ke­le­şik­li ge­çen oýun­da myh­man­çy­lyk­da­ky “Al­tyn asyr” 2–1 ha­sa­byn­da ýe­ňiş ga­zan­dy. 18-nji mi­nut­da Wel­my­rat Bal­la­kow “Al­tyn asy­ry” öňe saý­la­dy. 40-njy mi­nut­da pe­nal­ti­ni dürs uran Güýç­my­rat An­na­gu­ly­ýew ha­sa­by deň­le­di. Oý­nuň 51-nji mi­nu­tyn­da-da emin ýe­ne bir pe­nal­ti ur­gu­sy­ny bel­le­di. “Al­tyn asy­ryň” peý­da­sy­na bel­le­nen bu ur­gy­ny My­rat An­na­ýew ta­kyk ýe­ri­ne ýe­tir­me­gi ba­şar­dy. Şun­luk­da, 2–1 ha­sa­byn­da ýe­ňiş ga­za­nan utuk sa­ny­ny 29-a ýe­ti­rip, sa­naw­da bi­rin­ji bas­gan­ça­ga beý­gel­di. “Al­tyn asyr” to­pa­ry umu­my­lyk­da 1-nji aý­la­wy bi­rin­ji bas­gan­çak­da ta­mam­la­dy.

Gyzykly bolup bilerЕЩЕ ОТ АВТОРА