UEFA Çempionlar ligasynda 1-nji saýlama tapgyrynyň jogap duşuşyklaryndan soň, 2-nji tapgyra çykan klublar belli boldy. Gazagystanyň çempiony “Astana” öz meýdançasynda “KFR Klužy” 1–0 utsa-da, jogap oýnunda 3–1 ýeňlip, ýaryşdan çykdy. Bolgarlaryň “Ludogores” topary wengerleriň “Ferençwaroş” toparyndan 2–1, 3–2 hasaplar bilen asgyn gelip, nobatdaky tapgyra çykyp bilmedi. Futbolda yklymyň iň pes netije görkezýän ýurtlarynyň biri bolan Maltanyň “Waletta” toparynyň başga bir şowsuz çykyş edýän Lýuksemburgyň “F91 Dudelanž” toparyndan öňe saýlanmagy aýratyn bellärliklidir. 2-nji saýlama tapgyrynyň 1-nji duşuşyklary 23—24-nji iýulda, jogap oýunlary-da 30—31-nji iýulda oýnalar. Şol tapgyryň iň esasy duşuşygy hökmünde çempion däl klublaryň arasyndaky PSW—“Bazel” hem-de “Wiktoriýa Plzen”—“Olimpiakos” oýunlary görkezilýär.
“KFR Kluž” (Rumyniýa)—“Makkabi T.” (Ysraýyl), BATE Borisow” (Belarus)—“Rosenborg” (Norwegiýa), “Nýu-Seýnts” (Uels)—“Kopengagen” (Daniýa), “Ferençwaroş” (Wengriýa)—“Walletta” (Malta), “Dandolk” (Irlandiýa)—“Garabag” (Azerbaýjan), “Saburtalo Tbilisi” (Gruziýa)—“Dinamo Zagreb” (Horwatiýa), “Seltik” (Şotlandiýa)—“Nomme Kalýu” (Estoniýa), “Srwena Zwezda” (Serbiýa)—HJK (Finlýandiýa), “Sutýeska Nikşiç” (Garadag)—APOEL (Kipr), “Maribor” (Sloweniýa)—AIK (Şwesiýa), “Wiktoriýa Plzen” (Çehiýa)—“Olimpiakos” (Gresiýa), PSW (Gollandiýa)—“Bazel” (Şweýsariýa).
