Gol­lan­di­ýa­da ge­çen möw­sü­mi hem çem­pi­on­lyk, hem-de ku­bok ýa­ry­şy­nyň ýeň­şi bi­len ta­mam­lan “Aýaks” ýur­duň Su­per ku­bo­gy­na-da my­na­syp bol­dy. “Ams­ter­dam Are­na­da” oý­na­lan du­şu­şyk­da “Aýaks” eze­li bäs­de­şi PSW-den 2–0 ha­sa­byn­da üs­tün çyk­dy. Gol­la­ry 1-nji mi­nut­da Kas­per Dol­berg bi­len 53-nji mi­nut­da Da­leý Blind der­we­zä gi­riz­di. Şeý­le­lik­de, Ýo­han Kroýff ku­bo­gy diý­lip at­lan­dy­ryl­ýan bu oýun­da “Aýaks” 9-njy ge­zek ýe­ňiş ga­zan­dy. “Aýaks” bu ku­bo­gy soň­ky sa­par 2013-nji ýyl­da eýe­läp­di. PSW bol­sa 2 ýe­ňiş­den soň, yz­ly-yzy­na 2-nji ge­zek meý­dan­ça­ny ýeň­liş bi­len terk et­di.
* * *
Uk­rai­na­nyň Su­per ku­bo­gy du­şu­şy­gyn­da bu ýyl hem Ki­ýe­wiň “Di­na­mo­sy” ýe­ňiş ga­zan­dy. Odes­sa­da oý­na­lan du­şu­şyk­da çem­pi­on hem ku­bo­gyň eýe­si “Şaht­ýo­ry” (Do­nesk) 2–1 ha­sa­byn­da ýe­ňip, soň­ky 4 ýyl­da 3-nji sa­par Su­per ku­bo­gy­ny as­ma­na gö­ter­di. 1-nji ýa­ry­myň ahy­ryn­da Pat­rigiň (45+3) bi­len öňe ge­çen do­nesk­li­ler oý­nuň ta­mam­lan­ma­gy­na az wagt ga­lan­da, Bur­da (80) we Gar­ma­şyň (83) gol­la­ry­na çä­re ta­pyp bil­me­di. Ne­ti­je­de, 2–1 ha­sa­byn­da ýe­ňiş ga­za­nan “Di­na­mo” 8-nji ge­zek bu ku­bogy eýe­läp, “Şaht­ýor” bi­len deň­leş­di. Iki to­par Su­per ku­bo­gy du­şu­şy­gyn­da 2014-nji ýyl­dan bä­ri du­şu­şyp gel­ýär. Bu oýun­lar­da to­par­la­ryň her­si 3 ge­zek ýe­ňiş ga­zan­dy.

Gyzykly bolup bilerЕЩЕ ОТ АВТОРА