Hor­mat­ly Pre­zi­den­ti­mi­ziň baş­da dur­ma­gyn­da ýur­du­my­zyň ener­ge­ti­ka se­na­ga­ty ösü­şi­niň tä­ze be­lent­lik­le­ri­ne çyk­dy. Ýur­du­my­zyň äh­li kün­je­gin­de gaz­tur­bi­na­ly elekt­rik stan­si­ýa­la­ry gur­lup ulan­ma­ga ber­ilýär. Türk­men elekt­rik ener­gi­ýa­sy­nyň dün­ýä ba­za­ry­na ug­ra­dyl­ýan möç­ber­i yzy­gi­der­li ýo­kar­lan­ýar. Bu ugur­da hal­ka­ra hyz­mat­daş­ly­gy­na hem giň ge­rim be­ril­di.

Da­şa­ry ýurt­ly kom­pa­ni­ýa­la­ryň gat­naş­ma­gyn­da dür­li se­bit hem-de hal­ka­ra de­re­je­sin­de iri tas­la­ma­lar dur­mu­şa ge­çi­ril­di we ge­çi­ril­ýär. Mu­ňa my­sal edip, gur­lu­şy­gy al­nyp ba­ryl­ýan Türk­me­nis­tan-Ow­ga­nys­tan-Pa­kis­tan elekt­rik ge­çi­ri­ji­si­ni gör­kez­mek bo­lar.
Ýur­du­my­zyň ener­ge­ti­ka se­na­ga­ty­nyň ga­za­nan üs­tün­lik­le­ri şu hep­dä­niň do­wa­myn­da, ýag­ny 12-14-nji sent­ýab­ry ara­ly­gyn­da ge­çi­ri­len “Türk­me­nis­ta­nyň ener­ge­ti­ka se­na­ga­ty­nyň ösü­şi­niň esa­sy ugur­la­ry” at­ly hal­ka­ra ser­gi­si we yl­my mas­la­ha­tyn­da giň­den açy­lyp gör­ke­zil­di. Bu hal­ka­ra fo­ru­myň gu­ra­ma­çy­la­ry hök­mün­de ýur­du­my­zyň Ener­ge­ti­ka mi­nistr­li­gi hem-de Söw­da-se­na­gat eda­ra­sy çy­kyş et­di. Oňa köp san­ly da­şa­ry ýurt­ly gat­na­şy­jy­la­ryň ha­ta­ryn­da Rus­si­ýa­dan, ABŞ-dan, Ger­ma­ni­ýa­dan, Ita­li­ýa­dan, Ýa­po­ni­ýa­dan, Hy­taý­dan, Tür­ki­ýe­den, Eý­ran­dan, Be­la­rus­dan, Uk­rai­na­dan we beý­le­ki döw­let­ler­den öň­de­ba­ry­jy kom­pa­ni­ýa­lar we ugur­daş dü­züm­ler bar. Ser­gi gat­na­şy­jy­la­ryň 130-a go­la­ýy­ny – dün­ýä­niň elekt­roe­ner­ge­ti­ka kom­pa­ni­ýa­la­ry­nyň, ýur­du­my­zyň pu­dak­la­ýyn dü­züm­le­ri­niň we hu­su­sy te­le­ke­çi­li­giň we­kil­le­ri­ni, bi­ler­men­le­ri bir­leş­dir­di. Da­şa­ry ýurt­ly hyz­mat­daş­la­ryň ser­gä gat­naş­ýanlaryň sany ýyl­sa­ýyn art­ýar. Mil­li Li­de­ri­mi­ziň hal­ka­ra fo­ru­ma gat­na­şy­jy­la­ra ibe­ren Gut­la­gyn­da hem bel­le­ni­lip ge­çi­li­şi ýa­ly, döw­le­ti­miz ta­ra­pyn­dan ge­çi­ril­ýän öz­gert­me­le­riň çä­gin­de ýur­du­my­zyň elekt­rik ener­ge­ti­ka­sy pu­da­gy­nyň mad­dy-en­jam­la­ýyn bin­ýa­dy­ny pug­ta­lan­dyr­mak, pu­da­ga tä­ze teh­no­lo­gi­ýa­la­ry or­naş­dyr­mak, döw­re­bap ener­ge­ti­ka en­jam­la­ryn­dan baş çy­kar­ýan hü­när­men­le­ri taý­ýar­la­mak bo­ýun­ça giň ge­rim­li iş­ler al­nyp ba­ryl­ýar hem-de bu ugur­la­ra ma­ýa go­ýum se­riş­de­le­ri­niň uly möç­be­ri gö­nük­di­ril­ýär.
Bu ser­gi­de elekt­rik ener­gi­ýa­sy­ny ön­dür­mek ba­bat­da ga­za­nyl­ýan üs­tün­lik­le­ri, bu pu­da­ga or­naş­dy­ryl­ýan tä­ze­çil çe­me­leş­me­ler, nou-hau­lar hem-de beý­le­ki hä­zir­ki za­man teh­no­lo­gi­ýa­la­ry ba­bat­da gy­zyk­ly mag­lu­mat­lar al­ma­ga müm­kin­çi­lik­ler dö­re­dil­di. Şeý­le hem ener­gi­ýa­nyň gaý­ta­dan di­kel­dil­ýän çeş­me­le­ri, ýag­ny Gün pa­nel­le­ri­ni we ýel ge­ne­ra­tor­la­ry­ny ön­dür­mek ba­bat­da al­nyp ba­ryl­ýan iş­ler bi­len ta­nyş­dy­ryl­dy. Paý­tag­ty­myz­da yzy­gi­der­li ge­çi­ril­ýän bu hal­ka­ra fo­rum türk­men hü­när­men­le­ri bi­len da­şa­ry ýurt­ly hyz­mat­daş­la­ryň ara­syn­da tej­ri­be alyş­mak, öza­ra bäh­bit­li hyz­mat­daş­ly­gy ýo­la goý­mak, gel­je­gi uly tä­ze tek­lip­le­re se­ret­mek üçin uly müm­kin­çi­lik­le­ri dö­red­ýär.

Esmira AGAMÄMEDOWA,
Türk­men döw­let bi­na­gär­lik-gur­lu­şyk
ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА