Ber­ka­rar döw­le­ti­mi­ziň bag­ty­ýar­lyk döw­rün­de hor­mat­ly Pre­zi­den­ti­mi­ziň taý­syz ta­gal­la­la­ry bi­len mil­li yk­dy­sa­dy­ýe­ti­mi­ziň obase­na­gat top­lu­my­ny ýur­du­myz­da ge­çi­ril­ýän giň möç­ber­li öz­gert­me­le­riň ha­sa­by­na ös­dür­mek, ýur­du­my­zyň içer­ki ba­za­ryn­da azyk bol­çu­ly­gy­ny dö­ret­mek we obase­na­gat top­lu­my­nyň eks­port müm­kin­çi­li­gi­ni art­dyr­mak ba­ra­da ägirt uly iş­ler ama­la aşy­ryl­ýar.
Şu gün­ler ýur­du­my­zyň go­wa­ça meý­dan­la­ryn­da pag­ta ýy­gy­my gyz­ga­laň­ly do­wam ed­ýär. Zäh­met­sö­ýer daý­han­lar “ak al­ty­nyň” be­re­ket­li ha­sy­ly­ny ös­dü­rip ýe­tiş­dir­di­ler. Mä­lim bol­şy ýa­ly, ýur­du­my­zyň Ahal, Bal­kan, Ma­ry we Le­bap we­la­ýa­tlary­nyň pag­ta­çy­la­ry pag­ta ýy­gy­my­na 11-nji sent­ýabr­da gi­ri­şen bol­sa, ýur­dum­yz­yň de­mir­ga­zyk se­bi­ti­niň eder­men oba zäh­met­keş­le­ri 18-nji sent­ýabr­da oba ho­ja­lyk möw­sü­mi­ne ba­dal­ga ber­di­ler.
Ýur­du­my­zyň eder­men pag­ta­çy­la­ry mu­kad­des Ga­raş­syz­ly­gy­my­zyň şöh­rat­ly 28 ýyl­ly­gy­nyň toý­lan­ýan ýy­lyn­da Ar­ka­dag Pre­zi­den­ti­mi­ziň taý­syz ta­gal­la­la­ry bi­len be­re­ket­li pag­ta ha­sy­ly­ny ýe­tiş­dir­di­ler. Şol ýe­tiş­di­ri­len pag­ta­nyň ýit­gi­siz ýyg­na­lyp alyn­ma­gy üçin “ak al­tyn­ly” meý­dan­lar­da zäh­met ýe­ňiş­le­ri gaý­nap joş­ýar. Bu möw­sü­me bi­raz gij­räk go­şu­lan­dy­gy­na ga­ra­maz­dan, da­şo­guz­ly pag­ta­çy­lar hem öz öň­le­rin­de go­ýan mak­sat­na­ma­la­ryny ab­raý bi­len ýe­ri­ne ýe­tir­mek ug­run­da ynam­ly zäh­met çek­ýär­ler.
Ýur­du­my­zyň Da­şo­guz we­la­ýa­tyn­da 140 müň gek­ta­r meýdana gowaça ekil­di. “Ak al­ty­nyň” 230 müň ton­na­sy­ny Wa­tan har­ma­ny­na tab­şyr­mak göz öňün­de tu­tul­ýar. We­la­ýa­tyň eke­ran­çy­la­ry gowaçanyň “Da­şo­guz-120”, “Ser­dar”, “C-4727”, “Jeý­hun”, “149F” we beý­le­ki or­ta sü­ýüm­li gör­nüş­lerini ek­di­ler. Hä­zir­ki za­ma­nyň oba ho­ja­lyk teh­ni­ka­la­ry meý­dan iş­le­ri­niň üz­nük­siz dep­gi­ni­ni üp­jün eder. Meý­dan­lar­da “John Dee­re” ky­sym­ly ýo­ka­ry ön­dü­ri­ji­lik­li kom­baýn­lar iş­ledil­ýär.
Hor­mat­ly Pre­zi­den­ti­mi­ziň ýur­du­my­zyň oba ho­ja­lyk pu­da­gy­na dün­ýä­niň iň öň­de­ba­ry­jy bel­li kom­pa­ni­ýa­la­ryn­dan dün­ýä ül­ňü­le­ri­ne la­ýyk gel­ýän tä­ze oba ho­ja­lyk teh­ni­ka­la­ry­ny, şol san­da pag­ta ýy­gy­jy kom­baýn­la­ry­ny yzy­gi­der­li sa­tyn alyp ber­me­gi ne­ti­je­sin­de, go­wa­ça meý­dan­la­ryn­da ýe­tiş­di­ri­len pag­ta ha­sy­ly­ny öz wag­tyn­da we gys­ga möh­let­de ýit­gi­siz ýyg­na­mak iş­le­ri her ýyl hem gu­ra­ma­çy­lyk­ly ýo­la go­ýul­ýar hem-de pag­ta ha­sy­ly­nyň kom­baýn­lar bi­len ýy­gyl­ýan möç­be­ri bar­ha art­ýar.

Hakberdi NURYÝEW,
S. A. Nyýazow adyndaky TOHU-nyň mu­gal­ly­my.

Gyzykly bolup bilerЕЩЕ ОТ АВТОРА