Futzal bo­ýun­ça 2020-nji ýy­lyň 24-nji few­ra­lyn­dan 10-njy mar­ty­na çen­li ara­lyk­da paý­tag­ty­myz Aş­ga­bat­da ge­çi­ril­jek 16-njy Azi­ýa çem­pio­na­ty­na gat­naş­jak to­par­la­ryň 14-si bel­li bol­dy. Hä­zir­ki wagt­da se­bit­le­ýin do­wam ed­ýän saý­la­ma oýun­la­ryň ne­ti­je­sin­de Gün­ba­tar zo­lak­da “A” to­par­ça­dan Ku­weýt bi­len Bah­reý­niň, “B” to­par­ça­dan Li­wan bi­len Sa­ud Ara­bys­ta­ny­nyň ýy­gyn­dy­la­ry fi­nal tap­gy­ryn­da çy­kyş et­mä­ge hu­kuk ga­zan­dy. Ku­weýt bi­len Li­wan 12-nji, Bah­reýn 3-nji, Sa­ud Ara­bys­ta­ny 2-nji ge­zek çem­pio­na­ta gat­na­şar. Bu zo­la­gyň pleý-off tap­gy­ry­nyň ýe­ňi­ji­si Oman hem Aş­ga­bat­da­ky çem­pio­na­ta ýol­lan­ma al­ma­gy ba­şar­dy. Oma­nyň ýy­gyn­dy­sy il­kin­ji ge­zek gat­naş­ýar. Gün­do­gar zo­lak­da “A” to­par­ça­dan Hy­taý (13-nji ge­zek gat­naş­ýar), “B” to­par­ça­da­nam yk­ly­myň güýç­li ýy­gyn­dy­la­ryn­dan we 16-njy ge­zek gat­naş­ýan Ýa­po­ni­ýa ýol­lan­ma al­dy. Bu zo­lak­dan gat­naş­jak 3-nji to­par bol­sa, şu gün Mon­go­li­ýa bi­len Ko­re­ýa Res­pub­li­ka­sy­nyň ýy­gyn­dy­la­ry­nyň ara­syn­da oý­nal­jak pleý-off­dan soň bel­li bo­lar. Mer­ke­zi we Gü­nor­ta Azi­ýa zo­la­gyň saý­la­ma tap­gy­ryn­dan hem yk­ly­myň öň­de­ba­ry­jy­sy Eý­ra­nyň, Öz­be­gis­ta­nyň, Gyr­gyz Res­pub­li­ka­sy­nyň (üçü­sem 16-njy ge­zek gat­naş­ýar) hem-de Tä­ji­gis­ta­nyň (11-nji ge­zek) ýy­gyn­dy­la­ry Aş­ga­ba­da gel­jek beý­le­ki ýy­gyn­dy­lar bol­dy. Şeý­le-de ASEAN zo­la­gyn­dan Tai­lan­d (16-njy ge­zek) bi­len In­do­ne­zi­ýa­nyň (10-njy ge­zek) ýy­gyn­dy­la­ry gar­şy­daş­la­ryn­dan üs­tün çy­kyp, fi­nal tap­gy­ry­na ýol­lan­ma al­dy. Bu zo­la­kdan ýe­ne bir to­pa­r er­tir­ki pleý-off­dan soň bel­li bo­lar.
Umu­man al­nan­da, ýer eýe­si hök­mün­de çy­kyş ed­ýän Türk­me­nis­ta­nyň mil­li ýy­gyn­dy­sy bi­len bir ha­tar­da, hä­zir­ki wagt­da çem­pio­na­ta gat­naş­jak 16 to­pa­ryň 14-si bel­li bol­dy.

Gyzykly bolup bilerЕЩЕ ОТ АВТОРА