Ang­li­ýa­nyň çem­pio­na­tyn­da soň­ky tap­gyr­da ta­ry­hy ne­ti­je ha­sa­ba alyn­dy. “Les­ter Si­ti” myh­man­çy­lyk­da “So­ut­hemp­ton­dan” 9–0 üs­tün çyk­dy. Bu ne­ti­je myh­man­çy­lyk­da ga­za­ny­lan iň uly ha­sap­ly ýe­ňiş bol­dy. Oýun­da Pe­rez bi­len War­di het-trik et­di. Şeý­le-de sa­na­wyň li­deri “Li­wer­pul” öz meý­dan­ça­syn­da “Tot­ten­ha­my” 2–1 ha­sa­byn­da ýeň­di.

Is­pa­ni­ýa­nyň çem­pio­na­tyn­da 10–11-nji tap­gyr­la­ryň oýun­la­ry oý­nal­dy. 10-njy tap­gyr­da “Be­ti­si” 1–0 ýe­ňen “Gra­na­da” 46 ýyl­dan soň, sa­naw­da 1-nji or­na çyk­dy. Ýö­ne 11-nji tap­gyr­da “He­ta­fe­den” as­gyn ge­len “Gra­na­da” 4 gün­den soň, 3-nji or­na düş­di. 1–2-nji ha­tar­da bar­ýan we 10-njy tap­gyr­da­ky öza­ra du­şu­şy­gy de­kab­ra süý­şü­ri­len “Bar­se­lo­na” bi­len “Re­al Mad­rid” 11-nji tap­gyr­da gar­şy­daş­la­ry­nyň to­run­dan 5 gol ge­çir­di. Mes­si­niň kar­ýe­ra­sy bo­ýun­ça je­ri­me ur­gu­syn­dan 50-nji go­lu­ny ge­çi­ren oý­nun­da “Bar­se­lo­na” “Wal­ýa­do­li­di” 5–1, “Re­al Mad­rid” bol­sa, “Le­ga­ne­si” 5–0 ýeň­di. “Rea­lyň” 1 go­lu­ny ge­çi­ren Ser­hio Ra­mos “La Li­ga­da” Ra­ul we Mes­si­den soň, bas­syr 16 möw­süm ta­pa­wut­la­nan 3-nji fut­bol­çy bol­dy.

Ita­li­ýa­nyň “A-Se­ri­ýa­syn­da” 10–11-nji tap­gyr­lar­da “Ýu­wen­tus” il­ki “Leç­çe” bi­len deň­me-deň oý­nap, soň­ra Ro­nal­do­nyň 90+6-njy mi­nut­da­ky go­ly bi­len “Je­noa­ny” 2–1 ýeň­di. “Udi­ne­ze­ni” 7–1 ýe­ňen “Ata­lan­ta” myh­man­çy­lyk­da “Na­po­li” bi­len 2–2 deň­me-deň oý­na­dy. 11-nji tap­gyr­da Rim şä­he­ri­niň we­kil­le­ri “Ro­ma” bi­len “La­sio” öz gar­şy­daş­la­ryn­dan 4–0 üs­tün çyk­dy.

Rus­si­ýa­nyň çem­pio­na­tyn­da “Mosk­wa” der­bi­le­rin­de ga­ra­şyl­ma­dyk ne­ti­je­ler ha­sa­ba alyn­dy. “Lo­ko­mo­tiw” öz meý­dan­ça­syn­da “Spar­tak­dan” 3–0, SSKA bol­sa, “Di­na­mo­dan” 1–0 ýe­ňil­di.

Fran­si­ýa­da “Le Klas­sik” der­bi­sin­de PSŽ öz meý­dan­ça­syn­da “Mar­sel­den” 4–0 üs­tün çyk­dy. Ikar­di (2) we Mbap­pe­niň (2) gol­la­ry bi­len ýe­ňiş ga­za­nan PSŽ ikin­ji ha­tar­da­ky “Nant­dan” 8 utuk öňe saý­lan­dy.

Ger­ma­ni­ýa­nyň “Bun­des­li­ga­syn­da” “Şal­ke” bi­len “Bo­rus­si­ýa D” to­par­la­ry­nyň ara­syn­da­ky “Rur” der­bi­si gol­suz ta­mam­lan­dy. “Aýnt­rah­ty” 4–2 ýe­ňen “Bo­rus­si­ýa M” to­pa­ry­nyň li­der­li­gi do­wam edip, “Ba­wa­ri­ýa” öz meý­dan­ça­syn­da “Union Ber­li­ni” 2–1 ut­dy.

No­bat­da­ky tap­gy­ryň esa­sy oýun­la­ry: “Ro­ma”–“Na­po­li”, “Mi­lan”–“La­sio”, “Se­wil­ýa”–“At­le­ti­ko”, “Ewer­ton”–“Tot­ten­ham”, “Bo­rus­si­ýa D”–“Wolfs­burg”, “Union”–“Her­ta”, “Sent-Etien”–“Mo­na­ko”, “Ze­nit”–SSKA.

Gyzykly bolup bilerЕЩЕ ОТ АВТОРА