Transfer täzelikleri

“Bun­des­li­ga­da” Dort­mun­dyň “Bo­rus­sia­sy” Ýew­ro­pa çem­pio­na­tyn­da ýe­ňi­ji bo­lan Por­tu­ga­li­ýa­nyň çep gy­ra­ky go­rag­çy­sy Ra­fa­el Gu­er­rei­ro bi­len 4 ýyl­lyk şert­na­ma bag­laş­dy. Bu trans­fer üçin ne­mes klu­by 12 mil­li­on ýew­ro­ny “Lo­ri­en” to­pa­ry­na be­rer. Ge­çen möw­süm­de 34 oýun­da meý­dan­ça çy­kan Gu­er­rei­ro 3 gol ge­çi­rip­di. 2 möw­süm öň, ol “Kan­dan” “Lo­rie­ne” 2,5 mil­li­on ýew­ro ba­ha trans­fer bo­lup­dy.

Iň­lis­le­riň meş­hur klu­by “Li­wer­pul” Ger­ma­ni­ýa­nyň “Şal­ke” to­pa­ryn­dan ka­me­run­ly mer­ke­zi go­rag­çy Jo­el Ma­tip bi­len dü­zü­mi­ni güýç­len­dir­di. Ne­mes klu­by bi­len şert­na­ma­sy ta­mam­la­nan 24 ýaş­ly Ma­tip öňü­miz­dä­ki 4 ýyl “Li­wer­pu­lyň” köý­nek­çe­si­ni ge­ýer. Fut­bo­la “Şal­ke­de” baş­lan Ma­tip ne­mes to­pa­ryn­da 194 ge­zek meý­dan­ça çyk­dy. Ol Ka­me­ru­nyň mil­li ýy­gyn­dy­syn­da-da 27 du­şu­şyk ge­çi­rdi.

Ro­nald Ku­ma­ny tä­lim­çi­li­ge bel­län “Ewer­ton” klu­by “So­ut­hemp­ton­dan” tej­ri­be­li gol­land der­we­ze­çi­si Ma­ar­ten Ste­ke­len­bur­gy trans­fer et­di. Li­wer­pul şä­he­ri­niň we­ki­li “Ewer­ton” 33 ýaş­ly der­we­ze­çi bi­len 3 ýy­la ni­ýet­le­nen şert­na­ma gol çe­kiş­di. Fut­bol ýo­lu­na “Aýaks­da” baş­lan Ste­ke­len­burg “Ro­ma”, “Ful­ham”, “Mo­na­ko” toparlarynda oý­na­dy.

“Pre­mi­er li­ga­nyň” güýç­li to­par­la­ryn­dan “Tot­ten­ham” klu­by “AZ Alk­ma­ar­dan” gol­lan­di­ýa­ly hü­jüm­çi Win­sent Ýans­se­ni trans­fer et­di. Ge­çen möw­süm 27 gol bi­len Gol­lan­di­ýa­nyň ýo­ka­ry li­ga­sy­nyň iň ne­ti­je­li oýun­çy­sy bo­lan 22 ýaş­ly Ýans­sen üçin lon­don­ly­lar 20 mil­li­on ýew­ro­lyk pul harç­lar. Ýans­sen 2020-nji ýy­lyň tom­su­na çen­li “Tot­ten­ha­myň” köý­nek­çe­si­ni ge­ýer.
Por­tu­ga­li­ýa­nyň “Por­to” to­pa­ry “Ga­la­ta­sa­ra­ýyň” bra­zi­li­ýa­ly çep gy­ra­ky go­rag­çy­sy Aleks Tel­le­si 6,5 mil­li­on ýew­ro sa­tyn al­dy. Tä­ze klu­by bi­len 4 ýyl­lyk şert­na­ma bag­la­şan 23 ýaş­ly Tel­les ge­çen möw­süm “In­ter­de” kä­ren­de­si­ne oý­na­dy. 2014-nji ýyl­da “Gre­mio­dan” 6 mil­li­on ýew­ro ba­ha “Ga­la­ta­sa­ra­ýa” trans­fer bo­lan Tel­les türk klu­bun­da 56 res­mi du­şu­şyk ge­çir­di.

Go­laý­da ta­mam­la­nan Ýew­ro­pa çem­pio­na­tyn­da­ky gör­ke­zen şow­ly oý­ny bi­len özü­ni ta­na­dan ita­li­ýa­ly ýa­rym­go­rag­çy Ema­nue­le Ji­ak­ke­ri­ni “Se­rie A” ymyk­ly do­lan­dy. Ang­li­ýa­nyň “San­der­land” to­pa­ry­nyň 31 ýaş­ly oýun­çy­sy Ita­li­ýa­nyň güýç­li klub­la­ryn­dan “Na­po­li” bi­len 3 ýyl­lyk şert­na­ma bag­laş­dy. Ge­çen möw­süm­de “Bo­lon­ýa­da” kä­ren­de­si­ne oý­nan Ji­ak­ke­ri­ni 2013-nji ýyl­da “Ýu­wen­tus­dan” “San­der­lan­da” trans­fer bo­lup­dy. Ol 2004-nji ýyl­da “Çe­se­na­da” fut­bo­la baş­lap­dy.

“Li­wer­pu­lyň” slo­wa­ki­ýa­ly go­rag­çy­sy Mar­ten Şkrtel kar­ýe­ra­sy­ny Tür­ki­ýä­niň “Su­per li­ga­syn­da” do­wam et­di­rer. 31 ýaş­ly go­rag­çy “Su­per li­ga­nyň” güýç­li klub­la­ryn­dan “Fe­ner­bah­çe” bi­len 3 ýyl­lyk şert­na­ma bag­laş­dy. Trans­fe­riň ba­ha­sy 5 mil­li­on ýew­ro möç­be­rin­de bo­lar. “Fe­ner­bah­çe” Şkrte­liň kar­ýe­ra­syn­da­ky 4-nji klub bo­lup, ol “Tren­çin” (2001–04), “Ze­nit” (2004–08) we “Li­wer­pul” (2008–16) to­par­la­ryn­da oý­na­dy. Ol Slo­wa­ki­ýa­nyň ýy­gyn­dy­sy bi­lenem 83 sa­par meý­dan­ça çyk­dy.

Bir­nä­çe oýun­çy­sy trans­fer edi­len “So­ut­hemp­ton” to­pa­ry “Ba­wa­ri­ýa­nyň” 20 ýa­şyn­da­ky da­ni­ýa­ly ýa­rym­go­rag­çy­sy Pierr-Emi­le Höý­berg bi­len 5 ýyl­lyk şert­na­ma gol çe­kiş­di. Bu trans­fer üçin iň­lis klu­by 13 mil­li­on funt ster­ling harç­lar. 2013-nji ýyl­da “Ba­wa­ri­ýa­da” fut­bo­la baş­lan Höý­berg ge­çen möw­süm­de “Şal­ke­de” kä­ren­de­sin­de oý­nap­dy.

Gre­si­ýa­nyň AEK to­pa­ry por­tu­ga­li­ýa­ly hü­jüm­çi Hu­go Al­mei­da bi­len 2 ýy­la ni­ýet­le­nen şert­na­ma bag­laş­dy. Ge­çen möw­süm­de “Bun­des­li­ga­nyň” “Han­no­wer” to­pa­ryn­da oý­nan 32 ýaş­ly Al­mei­da kar­ýe­ra­sy bo­ýun­ça 432 du­şu­şyk­da 145 gol ge­çir­di. Al­mei­da “Por­to”, “Boa­wiş­ta”, “Wer­der”, “Be­şik­taş”, “Çe­ze­na”, “Ku­ban”, “An­ži” ýa­ly klub­la­ryň köýn­ek­çeleri­ni-de geý­di.

Ita­li­ýa­nyň bas­syr 5 ge­zek çem­pio­ny “Ýu­wen­tus” Pýa­niç we Da­ni Al­wes­den soň, “Ba­wa­ri­ýa­dan” ma­rok­ko­ly go­rag­çy Meh­di Be­na­tia­ny ha­ta­ry­na goş­dy. Tä­ze to­pa­ryn­da 1 ýyl­lyk kä­ren­de­si­ne oý­na­jak 29 ýaş­ly oýun­çy­ny “Ýu­wen­tus” gel­jek ýy­lyň ma­ýyn­da 17 mil­li­on ýew­ro sa­tyn hem alyp bi­ler. Ita­li­ýa­da “Udi­ne­ze” we “Ro­ma” to­par­la­ryn­da-da oý­nan Be­na­tia tu­rin­li­ler­den 3 mil­li­on ýew­ro hak alar.

“Se­rie A-nyň” klu­by “Ka­lia­ri” por­tu­ga­li­ýa­ly go­rag­çy Bru­no Al­we­şi trans­fer et­di. “Fe­ner­bah­çe” klu­by bi­len şert­na­ma­sy ta­mam­la­nan 34 ýaş­ly Al­weş 2+1 ýyl­lyk yla­la­şyk ga­zan­dy. Mil­li ýy­gyn­dy­da 86 du­şu­şyk ge­çi­ren Al­weş “Por­to”, “Wi­to­ria”, AEK, “Ze­nit” ýa­ly klub­la­ryň köý­nek­çe­si­ni geý­di. Al­weş Euro–2016-da çem­pi­on bo­lan Por­tu­ga­li­ýa­nyň dü­zü­min­de-de çy­kyş edip­di.

Fran­si­ýa­nyň “Mo­na­ko” to­pa­ry ita­li­ýa­ly der­we­ze­çi Mor­gan De Şan­ti­si ha­ta­ry­na goş­dy. 3 ýyl­dan bä­ri “Ro­ma­nyň” köý­nek­çe­si­ni geý­ýän 39 ýaş­ly De Şan­tis “Mo­na­ko” bi­len 1 ýyl­lyk ge­le­şi­ge gol çe­kiş­di. 6 ge­zek mil­li ýy­gyn­dy­da oý­nan tej­ri­be­li der­we­ze­çi “Mo­na­ko­dan” 2 mil­li­on ýew­ro hak alar. Ol “Ýu­wen­tus”, “Udi­ne­ze”, “Se­wil­ýa”, “Ga­la­ta­sa­raý”, “Na­po­li” to­par­la­ryn­da-da çy­kyş et­di.

Ita­li­ýa­nyň “Mi­lan” to­pa­ry ýur­duň baş­ga bir klu­by “Pes­ka­ra­nyň” 26 ýaş­ly hü­jüm­çi­si Ji­an­lu­ka La­pa­du­la­ny 9 mil­li­on ýew­ro sa­tyn al­dy. Ita­li­ýa­ly hü­jüm­çi tä­ze klu­by bi­len 5 ýyl­lyk şert­na­ma bag­laş­dy. Ol ge­çen möw­süm­de “Se­rie B-niň” iň köp pök­gi ge­çi­ren oýun­çy­sy bo­lup, to­pa­ry­nyň 3 ýyl­dan soň, tä­ze­den “Se­rie A” çyk­ma­gy­na uly go­şant go­şup­dy. La­pa­du­la aşa­ky li­ga­lar­da bir­nä­çe klub­da oý­na­dy.

“La Li­ga­nyň” soň­ky çem­pio­ny “Bar­se­lo­na” fran­suz­la­ryň PSŽ to­pa­ry­nyň çep gy­ra­ky go­rag­çy­sy Lu­ka Di­ni trans­fer et­di. 22 ýaş­ly fran­suz go­rag­çy­sy “ka­ta­lon­lar” bi­len 2021-nji ýy­la çen­li de­giş­li şert­na­ma gol çe­kiş­di. “Bar­se­lo­na” Lu­ka Din üçin PSŽ to­pa­ry­na 16,5 million ýew­ro be­rer. Di­niň ba­şar­ny­gy­na gö­rä, ol 20,5 mil­li­on ýew­ro çen­li hem ýe­tip bi­ler. Ge­çen möw­süm­de “Ro­ma­da” kä­ren­de­si­ne oý­nan Lu­ka Din 2011-nji ýyl­da “Lill­de” fut­bo­la baş­lap, bu to­pa­ryň köý­nek­çe­si­ni 2 ýyl ge­ýip­di.

Ang­li­ýa­nyň “Pre­mi­er li­ga­sy­nyň” to­par­la­ryn­dan “Born­mut” klu­by “Li­wer­pul­dan” Jor­don Aý­bi­ni trans­fer et­di. 15 mil­li­on funt ster­lin­ge sa­tyn al­nan 20 ýaş­ly ýa­rym­go­rag­çy klu­buň ta­ry­hyn­da­ky iň gym­mat trans­fer bol­dy. As­ly Ni­ge­ri­ýa­dan bo­lan ang­li­ýa­ly Aý­bi “Born­mut” bi­len 4 ýyl­lyk yla­la­şyk ga­zan­dy. 2011-nji ýyl­da “Waý­kom Wan­de­rers­den” “Li­wer­pu­la” ge­çen Aý­bi ge­çen möw­sümde 41 res­mi du­şu­şyk­da çy­kyş et­di.

Ýew­ro­pa­nyň öň­de­ba­ry­jy çem­pio­nat­la­ryn­dan “Se­rie A-nyň” we­ki­li “Ata­lan­ta” to­pa­ry “Swan­si Si­ti” klu­bun­dan Al­ber­to Pa­los­ki­ni trans­fer et­di. Ge­çen gyş­da 8 mil­li­on ýew­ro iň­lis klu­bu­na trans­fer bo­lan ita­li­ýa­ly hü­jüm­çi bu to­par­da 10 oýun­da 2 ge­zek ta­pa­wut­la­nyp­dy. “Ata­lan­ta” to­pa­ry 26 ýaş­ly oýun­çy bi­len 4 ýyl­lyk şert­na­ma bag­la­şyp, onuň öň­ki to­pa­ry­na 4 mil­li­on ýew­ro be­rer. “Mi­lan­da” fut­bo­la baş­lan Pa­los­ki “Par­ma”, “Je­noa” we “Kie­wo” ýa­ly to­par­lar­da oý­na­dy.

Iň köp ga­zan­ýan 5-nji oýun­çy

Euro – 2016-da ge­çi­ren gol­la­ry bi­len özü­ni ta­na­dan ita­li­ýa­ly Gra­zia­no Pel­le hem Hy­taý li­ga­sy­na go­şul­dy. 31 ýaş­ly hü­jüm­çi Hy­ta­ýyň “Şan­dong Lu­neng” to­pa­ry bi­len 2,5 ýyl­lyk şert­na­ma bag­laş­dy. Hy­taý klu­by bu trans­fer üçin “So­ut­hemp­ton” to­pa­ry­na 16 mil­li­on ýew­ro be­rer. Oýun­çy­nyň özü­ne-de je­mi 40 mil­li­on ýew­ro hak tö­lär. Şun­luk­da, ýyl­lyk ga­zan­jy 16–17 mil­li­on ýew­ro möç­be­rin­de bol­jak Pel­le hä­zir­ki wagt­da fut­bol dün­ýä­si­niň iň köp hak al­ýan 5-nji fut­bol­çy­sy bo­lar. Gol­land klub­la­ryn­da uly ab­ra­ýa eýe bo­lan Pel­le “Leç­çe”, AZ, “Par­ma”, “Samp­do­ria”, “Fe­ýe­noord” klub­la­ry­nyň köý­nek­çeleri­ni geý­di. Pel­le Ita­li­ýa­nyň mil­li to­pa­ryn­da-da 17 du­şu­şyk­da 7 gol ge­çir­di.
16 klu­bly Hy­ta­ýyň “Su­per li­ga­syn­da” 14-nji ha­tar­da bar­ýan “Şan­dong Lu­neng” to­pa­ry Pel­le­den öňem Pa­piss Sis­se­ni trans­fer edip­di. 4 ýyl­dan bä­ri “Nýu­kasl­da” oý­nap gel­ýän se­ne­gal­ly hü­jüm­çi­niň trans­fer ba­ha­sy 5 mil­li­on ýew­ro diý­lip kes­git­le­nil­di. Fe­liks Ma­ga­tyň tä­lim­çi­li­gin­dä­ki to­par 31 ýaş­ly hü­jüm­çi bi­len 2,5 ýy­la ni­ýet­le­nen şert­na­ma bag­laş­dy.

Gan­so “Se­wil­ýa­da”

UEFA Ýew­ro­pa li­ga­sy­nyň soň­ky 3 ýy­ly­nyň çem­pio­ny “Se­wil­ýa” to­pa­ry “Sao Pao­lo­dan” bra­zi­li­ýa­ly hü­jü­me go­laý ýa­rym­go­rag­çy Pau­lo Hen­ri­ke Çagas de Lima (Gan­so) bi­len ha­ta­ry­ny güýç­len­dir­di. 26 ýaş­ly oýun­çy tä­ze klu­by bi­len 5 ýy­la ni­ýet­le­nen şert­na­ma bag­laş­dy. Trans­fe­riň ba­ha­sy 10 mil­li­on ýew­ro bo­lup, Gan­so “Se­wil­ýa­da” 10-njy bel­gi­li köý­nek­çä­ni ge­ýer. “San­tosda” (2008–12) we “Sao Pao­lo­da” (2012–16) çy­kyş eden Gan­so Bra­zi­li­ýa­nyň ýy­gyn­dy­syn­da-da 8 du­şu­şyk ge­çir­di.
Şeý­le-de “Se­wil­ýa” “Bun­des­li­ga­nyň” “Han­no­wer” klu­bun­dan ýa­po­ni­ýa­ly ýa­rym­go­rag­çy Hi­ro­şi Ki­ýo­ta­ke­ni hem ha­ta­ry­na goş­dy. 26 ýaş­ly oýun­çy 2020-nji ýy­la çen­li “Se­wil­ýa­da” oý­nar. “Se­wil­ýa” bu trans­fer üçin 6,5 mil­li­on ýew­ro­ny ne­mes to­pa­ry­na be­rer. Şol san­da, “Se­wil­ýa” to­pa­ry ar­gen­ti­na­ly ýa­rym­go­rag­çy­lar – 23 ýaş­ly Ma­ti­as Kra­ne­wit­te­ri (“At­le­ti­ko Mad­rid”) hem-de 21 ýaş­ly Joa­kin Kor­rea­ny (“Samp­do­ria”) öz ha­ta­ry­na goş­dy. “An­da­lus­ýa­ly­lar” ola­ryň 1-nji­si bi­len kä­ren­de­si­ne, 2-nji­si bi­len uzak möh­let­le­ýin şert­na­ma gol çe­kiş­di.

Kon­te Kan­te­ni al­dy

Ita­li­ýa­ly An­to­nio Kon­te bi­len 3 ýyl­lyk şert­na­ma bag­la­şyp, ony to­pa­ry­ň tä­ze tä­lim­çi­si edip bel­län “Çel­si” klu­by şu möw­süm­dä­ki 2-nji trans­fe­ri­ni hem ama­la aşyr­dy. Lon­don­ly­lar ge­çen möw­süm “Pre­mi­er li­ga­da” çem­pi­on bo­lup, bü­tin dün­ýä­ni aňk eden “Les­ter Si­ti” to­pa­ry­nyň fran­suz ýa­rym­go­rag­çy­sy N’Go­lo Kan­te­ni öz ha­ta­ry­na goş­dy. 25 ýaş­ly oýun­çy “Çel­si” bi­len 5 ýyl­lyk yla­la­şyk ga­za­ndy. Onuň trans­fer ba­ha­sy 32 mil­li­on funt ster­ling möç­be­rin­de bo­lar. 2011-nji ýyl­da “Bu­lon­da” fut­bol ýo­lu­na baş­lan Kan­te 2013-nji ýyl­da “Ka­na”, 2015-nji ýyl­da-da “Les­te­re” trans­fer bo­lup­dy. Ol “Les­ter­de” ge­çen möw­süm­de “Pre­mi­er li­ga­da” 37 du­şu­şyk­da çy­kyş edip, 1 gol ge­çir­di. “Çel­si” Kan­te­den öňem bel­gi­ýa­ly Mi­çi Bat­şua­ýi­ni trans­fer edip­di.