Ger­ma­ni­ýa­ly fut­bol hü­när­me­ni, ro­wa­ýa­ty tä­lim­çi Ru­di Gu­ten­dorf 77 ýyl­lyk tä­lim­çi­lik kar­ýe­ra­syn­da 5 yk­lym­da, 30 ýurt­da 55 to­pa­ra (mil­li ýy­gyn­dy, klub) tä­lim ber­ýär. Ol bu ugur­da Gin­ne­siň re­kord­lar ki­ta­by­na ady­ny ýaz­dyr­ma­gy ba­şar­ýar.

Gu­ten­dorf 1926-njy ýy­lyň 30-njy aw­gus­tyn­da Ger­ma­ni­ýa­nyň Kob­lens şä­he­rin­de dün­ýä in­ýär. Ol 1944–1953-nji ýyl­lar ara­ly­gyn­da özü­niň dog­lan şä­he­ri­niň şol wagt­ky ady “Noýn­dorf” bo­lan to­pa­ry­nyň köý­nek­çe­si­ni geý­ýär. Hä­zir­ki wagt­da bu klu­buň ady “Kob­lens” bo­lup, ol Ger­ma­ni­ýa­nyň 5-nji li­ga­sy­na we­kil­çi­lik ed­ýär. Gu­ten­dorf sag gy­ra­ky hü­jüm­çi hök­mün­de 90 tö­we­re­gi oýun­da meý­dan­ça çyk­ýar. Ol fut­bol­çy­lyk döw­rün­de-de “Rengs­dorf”, “Rot–Weiss Kob­lens”, “Lut­sel”, “Brau­bah” we “Noýn­dorf” ýa­ly bir­nä­çe pro­fes­sio­nal däl klu­ba hem tä­lim ber­ýär. Fut­bo­ly taş­lan des­si­ne ne­mes tä­lim­çi­le­ri­niň ägirt­le­rin­den Sepp Her­ber­ger­den tä­lim­çi­lik dip­lo­my­ny alyp, pro­fes­sio­nal de­re­je­de tä­lim­çi­li­ge ga­dam bas­ýar. Gu­ten­dor­fyň tä­lim­çi­lik eden il­kin­ji to­pa­ry Şweý­sa­ri­ýa­nyň “Blue Stars Sü­rih” klu­by bo­lup (1955), ol soň­ra 1955-nji ýyl­dan 1961-nji ýy­la çen­li Şweý­sa­ri­ýa­nyň bel­li klub­la­ryn­dan “Lu­ser­ne” tä­lim ber­ýär. Tä­lim­çi­lik kar­ýe­ra­sy bo­ýun­ça wag­tal-wag­tal “Bun­des­li­ga” do­la­nyp, dür­li ýyl­lar­da “Şal­ke”, “Ştut­gart”, “For­tu­na Köln”, “Ham­burg”, “Du­is­burg” ýa­ly klub­la­rda iş­le­ýär. Ol 1968-nji ýyl­da gys­ga möh­let­lik Ber­mu­da­nyň ýy­gyn­dy­syn­a tä­lim ber­ýär. Bu onuň ýy­gyn­dy to­par­lar­da­ky il­kin­ji sy­na­ny­şy­gy bol­ýar. 1972–1974-nji ýyl­lar ara­ly­gyn­da il­ki Çi­li­niň, soň­ra Bo­li­wi­ýa­nyň we We­ne­sue­la­nyň mil­li ýy­gyn­dy­la­ryn­da tä­lim­çi hök­mün­de iş­le­ýär. Çi­li­den ýurt­da bo­lup ge­çen sy­ýa­sy wa­ka­lar se­bäp­li soň­ky pur­sat çyk­ma­ly bol­ýar. Gys­ga wagt­lyk ýe­ne-de Ýew­ro­pa do­la­na­nyn­dan soň, bu ge­zek Ka­rib­ler se­bi­ti­ne ara­laş­ýar. 1976-njy ýyl­da de­giş­li­lik­de, Tri­ni­dad we To­ba­go­nyň, Gre­na­da­nyň, An­ti­gua we Bar­bu­da­nyň mil­li ýy­gyn­dy­la­ry­nyň tä­lim­çi­si bol­ýar we şol ýyl baş­ga bir yk­ly­ma Af­ri­ka yk­ly­my­na, Bots­wa­na­nyň ýy­gyn­dy­sy­na gaýd­ýar. Soň­ra ýur­dun­da gys­ga wagt­lyk “Ten­nis Bo­rus­si­ýa Ber­lin” we “Ham­burg” klub­la­ryn­da iş­lä­nin­den soň, ýe­ne-de mil­li ýy­gyn­dy­la­ra tä­lim be­rip baş­la­ýar. 2 ýyl­lap Awst­ra­li­ýa­nyň tä­lim­çi­si bo­la­nyn­dan soň, Tä­ze Ka­le­do­ni­ýa, Ne­pal, Ton­ga, Tan­za­ni­ýa, Fi­ji hem-de San-To­me we Prin­si­pi döw­let­le­ri­niň ýy­gyn­dy­la­ryn­da gys­ga möh­let­lik iş­le­ýär. 1984-nji ýyl­da Ýa­po­ni­ýa­nyň çem­pio­na­ty­na ara­la­şan Gu­ten­dorf bu döw­let­dä­ki il­kin­ji da­şa­ry ýurt­ly tä­lim­çi bol­ýar. “Ýo­mui­ri” to­pa­ry­na “J-Li­ga­nyň” çem­pi­on­ly­gy­ny ga­zan­dyr­ýar. Tä­ze­den mil­li to­par­la­ra do­la­nan Gu­ten­dorf Ga­na­nyň, ýe­ne-de Ne­pal­dyr Fi­ji­niň, Hy­ta­ýyň ýy­gyn­dy­la­ryn­da iş­le­ýär. Soň­ra Eý­ra­nyň hem-de Hy­ta­ýyň Olim­pi­ýa ýy­gyn­dy­la­ry­na tä­lim ber­ýär. Ol žur­na­list­le­riň bi­ri­niň nä­me üçin has güýç­li klub­la­ryň ýa-da ýy­gyn­dy­la­ryň tä­lim­çi­si bol­ma­dy­ňyz diý­en so­wa­ly­na: “Me­niň tä­lim­çi bo­lan ýurt­la­rym­da adam­lar my­la­ýym, bi­rek-bi­re­ge ju­da mä­hir­li. Ola­ryň dur­mu­şa ga­raý­şy baş­ga­ça. Şeý­le-de şol ýurt­la­ryň ho­wa­sy diý­seň ja­na şy­pa­ly” di­ýip jo­gap ber­ýär. Kar­ýe­ra­sy­nyň ahy­ryn­da Maw­ri­ki­niň, Zim­bab­we­niň, Ru­an­da­nyň mil­li ýy­gyn­dy­la­ry­nyň tä­lim­çi­si bol­ýar. Onuň iň soň­ky tä­lim be­ren to­pa­ry bol­sa, Sa­moa­nyň Olim­pi­ýa ýy­gyn­dy­sy­dyr (2003).

Ru­di Gu­ten­dorf 1997-nji ýyl­da Ger­ma­ni­ýa­nyň Döw­let ny­şa­ny bi­len sy­lag­lan­an Gutendorf özi, ge­zen ýer­le­ri, tä­lim­çi­lik eden to­par­la­ry ba­ra­da “Fut­bol bi­len dün­ýä ge­ze­lenç” at­ly ýat­la­ma ki­ta­by­ny hem ýaz­ýar. Us­sat tä­lim­çi şu ýy­lyň 13-nji sent­ýab­ryn­da 93 ýa­şyn­da ara­dan çyk­ýar. Mah­la­sy, Gu­ten­dorf Ger­ma­ni­ýa, Şweý­sa­ri­ýa, Tu­nis, Pe­ru, Bo­li­wi­ýa, ABŞ, Is­pa­ni­ýa, Tan­za­ni­ýa, Ýa­po­ni­ýa ýa­ly döw­let­ler­de bir­nä­çe klu­ba, şeý­le-de Ber­mu­da­nyň, Çi­li­niň, Bo­li­wi­ýa­nyň, We­ne­sue­la­nyň, Tri­ni­dad we To­ba­go­nyň, Gre­na­da­nyň, An­ti­gua we Bar­bu­da­nyň, Bots­wa­na­nyň, Awst­ra­li­ýa­nyň, Fi­lip­pin­le­riň, Tä­ze Ka­le­do­ni­ýa­nyň, Ne­pa­lyň, Ton­ga­nyň, Tan­za­ni­ýa­nyň, San-To­me we Prin­si­pi­niň, Ga­na­nyň, Fi­ji­niň, Eý­ra­nyň, Hy­ta­ýyň, Maw­ri­ki­niň, Zim­bab­we­niň, Ru­an­da­nyň, Sa­moa­nyň dür­li ýaş­da­ky ýy­gyn­dy­la­ry­na tä­lim ber­ýär.

Gyzykly bolup bilerЕЩЕ ОТ АВТОРА