“So­ut­hemp­ton” to­pa­rynda tä­lim­çi­lik we­zi­pe­si­ne Ro­nald Ku­ma­nyň or­nu­na Klaud Pue­li bel­len­di. Ge­çen möw­süm­de Fran­si­ýa­nyň “Nis­sa” to­pa­ry bi­len ýo­ka­ry ne­ti­je gör­ke­zen 54 ýaş­ly fran­suz tä­lim­çi­si iň­lis klu­bun­da 2019-njy ýy­la çen­li iş­lär. Tej­ri­be­li hü­när­men “Mo­na­ko” (1999–2001), “Lill” (2002–2008) we “Li­on” (2008–2011) to­par­la­ry­nyň-da tä­lim­çi­si bo­lup­dy. “Mo­na­ko­ny” 2000-nji ýyl­da çem­pi­on eden Pu­el 2010-njy ýyl­da-da “Lio­ny” Çem­pi­on­lar li­ga­syn­da ýa­rym fi­na­la çy­ka­ryp­dy. Pu­el 2012-nji ýyl­dan bä­ri “Nis­sa” tä­lim ber­ýär­di.
Ita­li­ýa­nyň paý­tag­ty Ri­miň “La­sio” klu­bunyň tä­lim­çi­lisi ar­gen­ti­na­ly meş­hur fut­bol hü­när­me­ni Mar­se­lo Bi­el­sa boldy. 60 ýa­şyn­da­ky tej­ri­be­li tä­lim­çi rim­li­ler bi­len 2 ýyl­lyk şert­na­ma bag­laş­dy. Bi­el­sa kar­ýe­ra­sy bo­ýun­ça öz ýur­du­nyň “Ne­well’s Old Boýs”, “At­las”, “We­lez Sarf­sild” klub­la­ryn­da, şol san­da Ar­gen­ti­na­dyr Çi­li­niň ýy­gyn­dy­la­ryn­da, Is­pa­ni­ýa­nyň “At­le­tik Bil­bao” hem-de soň­ky sa­par Fran­si­ýa­nyň “Mar­sel” to­par­la­ryn­da iş­läp­di.
“Li­wer­pul” to­pa­ry tä­lim­çi­ Ýur­gen Klopp bi­len şert­na­ma­sy­ny 6 ýyl uzalt­dy. Öň­ki şert­na­ma­sy 2018-nji ýy­la çen­li bo­lan ger­ma­ni­ýa­ly tä­lim­çi­niň ýyl­lyk tö­le­gi-de 6 mil­li­on funt­dan 7,5 mil­lio­na çy­ka­ryl­dy. “Li­wer­pu­lyň” 26 ýyl­lyk çem­pi­on­lyk küý­se­gi­ni diň­dir­mek­çi bol­ýan Klopp ge­çen möw­süm 52 oýnuň 23-inde ýe­ňiş ga­za­nyp­dy. “Li­wer­pul” geçen möwsümde Ýew­ro­pa li­ga­sy­nyň fi­na­lyn­da “Se­wil­ýa­dan”, FA ku­bo­gy­nyň fi­na­lyn­da-da “Man­çes­ter Si­ti­den” as­gyn ge­lip­di.

Gyzykly bolup bilerЕЩЕ ОТ АВТОРА