Hor­mat­ly Pre­zi­den­ti­mi­ziň taý­syz ta­gal­la­la­ry arkaly dün­ýä­niň dür­li ýurt­la­ry bi­len söw­da-yk­dy­sa­dy hem-de beý­le­ki ugur­lar­da­ky hyz­mat­daş­ly­gy ös­dür­mä­ge uly äh­mi­ýet be­ril­ýär. Türk­men döw­le­ti bi­len dün­ýä ýurt­la­ry­nyň ara­syn­da­ky öza­ra bäh­bit­li gat­na­şyk­la­ryň ös­dü­ril­me­gin­de yk­dy­sa­dy hyz­mat­daş­lyk bo­ýun­ça hö­kü­me­ta­ra to­par­la­ry­na uly orun de­giş­li­dir.
Go­laý­da Weng­ri­ýa­nyň paý­tag­ty Bu­da­peşt şä­he­rin­de Yk­dy­sa­dy hyz­mat­daş­lyk bo­ýun­ça hö­kü­me­ta­ra türk­men-wen­ger to­pa­ry­nyň dör­dün­ji mej­li­si ge­çi­ril­di. To­pa­ryň işi­ne iki döw­le­tiň ugur­daş mi­nistr­lik­le­ri­niň we pu­dak eda­ra­la­ry­nyň ýol­baş­çy­la­ry hem-de we­kil­le­ri, şeý­le-de işe­wür­lik to­par­la­ry­nyň we­kil­le­ri gat­naş­dy­lar.

Ta­rap­lar iki­ta­rap­la­ýyn hyz­mat­daş­ly­gyň der­wa­ýys me­se­le­le­ri­ne, aý­ra­tyn hem san­ly yk­dy­sa­dy­ýe­tiň ös­dü­ril­me­gi­niň, kö­pu­gur­ly yk­dy­sa­dy we me­de­ni-yn­san­per­wer öza­ra gat­na­şyk­la­ry gi­ňelt­me­giň müm­kin­çi­lik­le­ri­ne se­re­dip geç­di­ler. Şeý­le-de se­na­gat, ulag, kom­mu­ni­ka­si­ýa­lar, bi­lim, sag­ly­gy go­ra­ýyş we hyz­mat­daş­ly­gyň beý­le­ki ugur­la­ryn­da­ky kö­pu­gur­ly gat­na­şyk­la­ryň me­se­le­le­ri ara al­nyp mas­la­hat­la­şyl­dy. Gep­le­şik­le­riň jem­le­ri bo­ýun­ça ta­rap­lar to­pa­ryň bä­şin­ji mej­li­si­ni 2021-nji ýyl­da Türk­me­nis­tan­da ge­çir­mek ba­ra­da yla­la­şyk ga­zan­dy­lar.
To­pa­ryň mej­li­si­niň jem­le­ri bo­ýun­ça bir­nä­çe yla­la­şyk­la­ra hem-de to­pa­ryň dör­dün­ji mej­li­si­niň tes­wir­na­ma­sy­na gol çe­kil­di, şo­nuň ýa­ly-da gel­jek dö­wür üçin döw­le­ta­ra gat­na­şyk­la­ry­nyň ile­ri tu­tul­ýan ugur­la­ry kes­git­le­nil­di.
To­pa­ryň işi­niň çäk­le­rin­de türk­men-wen­ger işe­wür­ler fo­ru­my ge­çi­ril­di. Bu mas­la­ha­t Weng­ri­ýa­nyň eks­por­ty ös­dür­mek bo­ýun­ça agent­li­gi, Türk­me­nis­ta­nyň Ma­li­ýe we yk­dy­sa­dy­ýet mi­nistr­li­gi we Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si ta­ra­pyn­dan gu­ral­dy.
Fo­ru­myň do­wa­myn­da iki ta­ra­pyň to­par ýol­baş­çy­la­ry­nyň hem-de Weng­ri­ýa­nyň bank ul­ga­my­nyň, şeý­le hem hu­su­sy kär­ha­na­la­ryň ýol­baş­çy­la­ry­nyň we we­kil­le­ri­niň çy­kyş­la­ry diň­le­nil­di. Fo­ru­myň işi­ne türk­men we wen­ger ta­ra­py­nyň on­lar­ça te­le­ke­çi­le­ri gat­naş­dy­lar. Mas­la­ha­tyň do­wa­myn­da Weng­ri­ýa­nyň öň­de­ba­ry­jy kom­pa­ni­ýa­la­ry­nyň we­kil­le­ri Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň we­kil­le­ri bi­len bir­nä­çe iki­ta­rap­la­ýyn du­şu­şyk­lar ge­çir­di­ler. Bu­da­peşt şä­he­rin­de ge­çi­ri­len işe­wür­lik mas­la­ha­ty­nyň do­wa­myn­da türk­men we wen­ger te­le­ke­çi­le­riniň ara­syn­da to­wuk önüm­le­ri­ni Türk­me­nis­ta­na ge­tir­mek bo­ýun­ça tä­jir­çi­lik yla­la­şyk­la­ry­na gol çe­kil­di.

Gyzykly bolup bilerЕЩЕ ОТ АВТОРА